Anupambharat News Bureau
ନୂଆଦିଲ୍ଲୀ,୨୮ା୧୦: ଦୀପାବଳି ପୂର୍ବରୁ ସୁପ୍ରିମକୋର୍ଟ ଗୁରୁବାର ଉଲ୍ଲେଖ କରିଛନ୍ତି ଯେ, ବାଣ ଫୁଟାଇବାକୁ ମନା ନିର୍ଦ୍ଦେଶନାମା କଡ଼ାକଡ଼ି ଭାବେ ପାଳନ କରାଯାଉ । ଖଣ୍ଡପୀଠର ବିଚାରପତି ଏମ୍.ଆର୍. ଶାହା ଉଲ୍ଲେଖ କରିଛନ୍ତି ଯେ, କୌଣସି ଏକ ନିର୍ଦ୍ଦିଷ୍ଟ ଉତ୍ସବ ବିରୋଧରେ ନୁହେଁ କିନ୍ତୁ ଜୀବନର ମୌଳିକତା ସୁରକ୍ଷା ଜରୁରୀ ହୋଇପଡିଛି । ଖଣ୍ଡପୀଠରେ ଥିବା ଅନ୍ୟତମ ବିଚାରପତି ଏଏସ୍.ବୋପନ୍ନା କହିଛନ୍ତି ଯେ, ଆମେ ମନୋରଞ୍ଜନକୁ ବିରୋଧ କରୁନାହୁଁ କିନ୍ତୁ ଏଥି ସକାଶେ ଅନ୍ୟର ମୌଳିକ ଅଧିକାର ସହ ଖେଳାଯାଇ ପାରିବ ନାହିଁ । କର୍ତ୍ତୃପକ୍ଷ ଦାୟୀତ୍ୱର ସହ ନିର୍ଦ୍ଦେଶନାମାକୁ କାର୍ଯ୍ୟାକାରୀ କରିବାକୁ ଖଣ୍ଡପୀଠ ଉଲ୍ଲେଖ କରିଛି । ଶତପ୍ରତିଶତ ବାଣଫୁଟାକୁ ନିଷିଦ୍ଧ କରାଯାଇନାହିଁ, ତେବେ ନିଷିଦ୍ଧ ସାମଗ୍ରୀରେ ତିଆରି ବାଣକୁ ଫୁଟାଇବା ଅନୁମତି ନାହିଁ । ପ୍ରକାଶ ଥାଉକି ସିବିଆଇର ପ୍ରାଥମିକ ତଦନ୍ତରୁ ଜଣାପଡିଥିଲା ଯେ, ବାଣ ନିର୍ମାତାକାରୀମାନେ କଟକଣା ଥିବା ବେରିୟମ କେମିକାଲ୍ ବ୍ୟବହାର କରୁଛନ୍ତି ।
