Anupambharat News Bureau
ନୂଆଦିଲ୍ଲୀ ୧୮/୦୭: ଦେଶବ୍ୟାପୀ ସାଧାରଣ ଓ ଅତ୍ୟନ୍ତ ନିମ୍ନବର୍ଗର ଲୋକମାନଙ୍କ ଉପରେ କେନ୍ଦ୍ର ସରକାରଙ୍କ ଏକ ବଡ଼ଧରଣର ମହଙ୍ଗା ମାଡ଼ ପଡିଛି । ଲଗାତାର ପ୍ରତ୍ୟେକ ଜିନିଷର ଦର ବୃଦ୍ଧି ଘଟୁଥିଲେ ମଧ୍ୟ ଚଳିତ ସ୍ଥିତିରେ ବହୁ ଖାଦ୍ୟ ସାମଗ୍ରୀ ସମେତ ଅନ୍ୟ ଜିନିଷରେ ମଧ୍ୟ ଜିଏସ୍ଟି ଟିକଟ ପ୍ରତିଶତ ବୃଦ୍ଧି କରାଯାଇଛି । ତତ୍ ସଙ୍ଗେସଙ୍ଗେ ଅତ୍ୟାବଶ୍ୟକୀୟ ସାମଗ୍ରୀ ଯାହାକି ଟିକସ ଛାଡ଼ ଥିଲା ସେଗୁଡିକୁ ସରକାର ଟିକସ ତାଲିକାଭୁକ୍ତ କରିଛନ୍ତି । ତେଣୁ ଉକ୍ତ ସାମଗ୍ରୀ ଉପରେ ୫ % ହାରରେ ଜିଏସ୍ଟି ଟିକଟ ଲାଗୁ କରିଦେଇଛନ୍ତି । ଏବେ ପୁଣି କିଛି ସ୍ୱତନ୍ତ୍ର ଖାଦ୍ୟ ଜିନିଷ ଉପରେ ଲାଗୁ ହୋଇଛି ଜିଏସଟି (ସାମଗ୍ରୀ ଓ ସେବା କର) । ବର୍ତ୍ତମାନ ପ୍ୟାକେଟ୍ ଦହି, ଲେବଲ ଥିବା ଦହି, ପନୀର, ଲସି, ମହୁ, ମୁଢି, ଚୂଡା ଓ ଅନ୍ୟ ନିତିଦିନିଆ ବ୍ୟବହାର ହେଉଥିବା ଜିନିଷର ମୂଲ୍ୟ ଉପରେ ଆଜି ଠାରୁ ଅଧିକ ଜିଏସଟି ଦେବାକୁ ପଡିବ । ଗତ ମାସରେ ହୋଇଥିବା ବୈଠକରେ ଜିଏସିଟି ପରିଷଦ ବିଭିନ୍ନ ଜିନିଷ ଉପରେ ଜିଏସଟି ଦର ଉପରେ ପରିବର୍ତ୍ତନ କରିଛନ୍ତି ।
