Anupambharat News Bureau
ବ୍ରହ୍ମପୁର,୧୯ା୭(ଅନୁପମ ମିଡ଼ିଆ): ଗଞ୍ଜାମ ଜିଲ୍ଲାରେ କରୋନା ସଂକ୍ରମଣ ପୁଣି ସ୍ଥିତି ଜାହିର୍ କରି ସଂକ୍ରମିତ ସଂଖ୍ୟା କ୍ରମଶଃ ବୃଦ୍ଧି ପାଇଥିବା ବେଳେ ଆଜି ଏହା ତଳକୁ ଖସିଥିବା ବେଳେ ବ୍ରହ୍ମପୁର ମହାନଗର ନିଗମ ପକ୍ଷରୁ ଗତକାଲି ଠାରୁ ପୁଣି କୋଭିଡ୍ ନିୟମ ଜାରି କରି ଭିଡ଼କୁ ଏଡ଼ାଇବା, ମାସ୍କ ପରିଧାନ, ପ୍ରତି ଗୁରୁତ୍ୱ ଦିଆଯାଇଥିବା ଜଣାପଡିଛି । ଗତ କିଛି ଦିନ ଧରି କ୍ରମଶଃ ସଂକ୍ରମଣ ସଂଖ୍ୟା ବୃଦ୍ଧି ପାଇ ରବିବାର ସଂଖ୍ୟା ୬କୁ ବୃଦ୍ଧି ପାଇଥିବା ବେଳେ ଗତକାଲି ରିପୋର୍ଟ ଅନୁଯାୟୀ ଆଜି ୪କୁ ଖସିଥିବା ଜଣାପଡିଛି । ତଥାପି ବ୍ରହ୍ମପୁର ମହାନଗର ନିଗମ ପକ୍ଷରୁ ମାସ୍କ ପରିଧାନକୁ ଅଧିକ ଗୁରୁତ୍ୱ ଦେବା ସହ ବିନା ମାସ୍କଧାରୀଙ୍କ ଠାରୁ ଜରିମାନା ଆଦାୟ ପାଇଁ ବ୍ୟବସ୍ଥା କରାଯାଇଥିବା ଜଣାପଡିଛି । ସେହିପରି ବ୍ୟବସାୟୀକ ପ୍ରତିଷ୍ଠାନରେ ‘ନୋ ମାସ୍କ, ନୋ ଏଣ୍ଟି୍ର’, ‘ନୋ ମାସ୍କ, ନୋ ଗୁଡ୍ସ’ ଶୀର୍ଷକ ବୋର୍ଡ଼ ଟାଙ୍ଗିବା ପାଇଁ ନିର୍ଦ୍ଦେଶ ଦିଆଯାଇଥିବା ବେଳେ ପେଟ୍ରୋଲପମ୍ପରେ ବି ମାସ୍କ ନପିନ୍ଧିଥିବା ଲୋକଙ୍କୁ ପେଟ୍ରୋଲ୍ ମନା କରିବା ପାଇଁ କୁହାଯାଇଛି । ଏପରିକି ପେଟ୍ରୋଲ୍ ପମ୍ପ କର୍ମଚାରୀଙ୍କୁ ବି ମାସ୍କ ପରିଧାନ ପାଇଁ ନିର୍ଦ୍ଦେଶ ଦିଆଯାଇଥିବାବେଳେ ବିଭିନ୍ନ ସରକାରୀ ଓ ବେସରକାରୀ କାର୍ଯ୍ୟାଳୟରେ ବି ମାସ୍କ ପରିଧାନକୁ କଡ଼ାକଡି କରାଯାଇଛି । ଅନ୍ୟ ପକ୍ଷରେ ଦୋକାନ ସମ୍ମୁଖରେ ଭିଡ଼ ନଜମାଇବା ପାଇଁ ବି ମହାନଗର ନିଗମ ପକ୍ଷରୁ ପରାମର୍ଶ ଦିଆଯାଇଛି ।
