Anupambharat News Bureau
ବ୍ରହ୍ମପୁର,୮ା୮(ଅନୁପମ ମିଡ଼ିଆ): ଲଗାଣ ବର୍ଷା ଫଳରେ ବ୍ରହ୍ମପୁର ମହାନଗର ତଥା ଆଖପାଖ ଅଞ୍ଚଳ ବେହାଲ୍ ହୋଇ ପଡିଥିବା ଦେଖିବାକୁ ମିଳିଛି । ଗତକାଲି ଠାରୁ ଲଘୁଚାପ ଜନିତ ଲଗାଣ ବର୍ଷା ଲାଗି ରହିଥିବା ଏବଂ ବାରମ୍ବାର ବର୍ଷା ହୋଇ ମହାନଗର ବିଚ୍ ରାସ୍ତା ତଥା ବିଭିନ୍ନ ତଳିଆ ଅଞ୍ଚଳରେ ବର୍ଷା ପାଣି ଜମି ରହିଥିବା ଏବଂ ବହୁ ଡ୍ରେନ୍ ବି ଜାମ୍ ହୋଇ ଯାଇଥିବାରୁ ଉକ୍ତ ଡ୍ରେନ୍ ପାଣି ବର୍ଷାଜଳ ରାସ୍ତାରେ ଚାଲୁଥିବା ଦେଖିବାକୁ ମିଳିଛି । ଏପରି ବର୍ଷା ପାଣି ଜମି ରହିବା ଯୋଗୁଁ ବହୁ ସାହି ବାସିନ୍ଦା ନାନା ଅସୁବିଧାର ସମ୍ମୁଖୀନ ହୋଇଥିଲେ । ବିଶେଷ କରି ଗାନ୍ଧୀନଗର, ଅଶୋକ ନଗର, ନୀଳାଞ୍ଚଳ ନଗର, ପୁରୁଣା ବ୍ରହ୍ମପୁର ସମେତ ବହୁ ମୁଖ୍ୟରାସ୍ତାରେ ମଧ୍ୟ ବର୍ଷା ପାଣି ଜମି ରହୁଥିବାରୁ ଅଞ୍ଚଳବାସୀଙ୍କ ମଧ୍ୟରେ ତୀବ୍ର ଅସନ୍ତୋଷ ପ୍ରକାଶ ପାଇଛି । ତେଣୁ ଏହାର ସ୍ଥାୟୀ ସମାଧାନ କରିବା ସାଧାରଣରେ ଦାବି ହୋଇଛି । ସୂଚନାଯୋଗ୍ୟ ଯେ, ମହାନଗର ନିଗମ ତରଫରୁ ବର୍ଷାଜଳ ନିଷ୍କାସନ ପାଇଁ ବହୁ ବ୍ୟବସ୍ଥା ଗ୍ରହଣ କରାଯାଉଥିଲେ ମଧ୍ୟ ସ୍ଥାୟୀ ସମାଧାନ ନେଇ କୌଣସି ପଦକ୍ଷେପ ଗ୍ରହଣ କରାଯାଉନଥିବା ଯୋଗୁଁ ସମସ୍ୟା ଲାଗି ରହୁଥିବା ଅଭିଯୋଗ ହୋଇଛି ।
