Anupambharat News Bureau
ନୂଆଦିଲ୍ଲୀ : ଭଡ଼ା ଘରେ ରହିବା ଲାଗି ଲୋକମାନଙ୍କୁ ୧୮ ପ୍ରତିଶତ ଜିଏସଟି ଦେବାକୁ ପଡ଼ିବ ବୋଲି ହେଉଥିବା କଳ୍ପନା ଜଳ୍ପନାର ଅବସାନ ଘଟାଇଛନ୍ତି କେନ୍ଦ୍ର ସରକାର । ଏପରି କୌଣସି ପ୍ରସ୍ତାବ ନାହିଁ, କେବଳ ବ୍ୟବସାୟ କାର୍ଯ୍ୟ ( ଯେପରିକି ଅଫିସ, ୱାର୍କସପ ଇତ୍ୟାଦି) ପାଇଁ ଭଡ଼ା ଘର ନେଲେ ୧୮ ପ୍ରତିଶତ ଜିଏସଟି ନେବାକୁ ପଡ଼ିବ ।ଏ ନେଇ କେତେକ ଗଣମାଧ୍ୟମରେ ପ୍ରକାଶିତ ରିପୋର୍ଟକୁ ଭାରତ ସରକାରଙ୍କ ପକ୍ଷରୁ ଖଣ୍ଡନ କରାଯାଇଛି । କେନ୍ଦ୍ର ସରକାରଙ୍କ ପତ୍ରସୂଚନା କାର୍ଯ୍ୟାଳୟ ପକ୍ଷରୁ ଏହି ଖବରକୁ ଖଣ୍ଡନ କରି କୁହାଯାଇଛି । ଯେ ଜଣେ ବ୍ୟକ୍ତି ବ୍ୟକ୍ତିଗତ ବ୍ୟବହାର ଯେପରିକି ନିଜେ ରହିବା, ପରିବାର ସହ ରହିବା ପାଇଁ ଘର ନେଲେ କୌଣସି ଜିଏସଟି ଦେବାକୁ ପଡ଼ିବ ନାହିଁ । ଏପରିକି କୌଣସି ସଂସ୍ଥାର ପାର୍ଟନର ବା ସ୍ୱତ୍ତ୍ୱାଧିକାରୀ ବ୍ୟକ୍ତିଗତ ବ୍ୟବହାର ପାଇଁ ଘର ଭଡ଼ା ସୁତ୍ରେ ନେଲେ ତାହା ଉପରେ ଜିଏସଟି ଲାଗୁ ହେବ ନାହିଁ । ତେବେ କୌଣସି ବ୍ୟକ୍ତି ଘରଭଡ଼ା ବ୍ୟବସାୟିକ ଉଦ୍ଦେଶ୍ୟ ପାଇଁ ନେଲେ ଜିଏସଟି ଲାଗୁ ହେବ ।ଗତ ଜୁଲାଇ ମାସରେ କେତେକ ଅତ୍ୟାବଶ୍ୟକ ସେବା ଓ ସାମଗ୍ରୀ ଉପରେ ଜିଏସଟି ଲାଗୁ ହେବା ପରେ ତାହାକୁ ନେଇ ବିରୋଧୀ ଦଳ କେନ୍ଦ୍ର ସରକାରଙ୍କୁ ଟାର୍ଗେଟ କରୁଛନ୍ତ । ସଂସଦର ମୌସୁମୀ ଅଧିବେଶନରେ ଏହା ଏକ ବଡ଼ ପ୍ରସଙ୍ଗ ଥିଲା ।
