Anupambharat News Bureau
ଲଣ୍ଡନ: ଭାରତ ଭଳି ବ୍ରିଟେନରେ ମଧ୍ୟ ରାଜନେତାମାନେ ଜନତାଙ୍କୁ ମାଗଣା ସେବା ଓ କରଛାଡ଼ର ଲୋଭ ଦେଖାଇ ଭୋଟ୍ ମାଗୁଛନ୍ତି । ବ୍ରିଟେନରେ ପ୍ରଚଣ୍ଡ ରୌଦ୍ରତାପ ଜନଜୀବନ ଅସ୍ତବ୍ୟସ୍ତ ହୋଇପଡ଼ିଥିବା ବେଳେ ଲୋକମାନଙ୍କ ପାଇଁ ବିଜୁଳି ବିଲ୍ କମ୍ କରିବାକୁ ଲୋଭ ଦେଖାଇଛନ୍ତି ପ୍ରଧାନମନ୍ତ୍ରୀ ପାର୍ଥୀ ଋଷି ସୁନକ । ଘରମାନଙ୍କର ଖର୍ଚ୍ଚ ବଢ଼ିଯାଉଥିବାରୁ ଏହାକୁ ନିୟନ୍ତ୍ରଣ କରିବା ପାଇଁ ବିଜୁଳି ବିଲରେ ଭାଟ କାଟ କରିବେ ସରକାର । ଫଳରେ ବ୍ରିଟେନବାସୀ ବିଜୁଳିରେ ୨୦୦ ପାଉଣ୍ଡ ବଞ୍ଚାଇ ପାରିବେ । ବ୍ରିଟେନରେ ବର୍ତ୍ତମାନ ବିଜୁଳି ବିଲ୍ ୩ ଗୁଣା ବଢ଼ିଛି । କେବଳ ସେତିକି ନୁହେଁ ବର୍ତ୍ତମାନ ବ୍ରିଟେନର ଆର୍ଥିକ ସ୍ଥିତି ମଧ୍ୟ ସଂକଟରେ ରହିଛି । ତେଣୁ ଏଥିରୁ ବର୍ତ୍ତିବା ପାଇଁ ସରକାର ସ୍ୱତନ୍ତ୍ର ପ୍ୟାକେଜ୍ ଘୋଷଣା ନକଲେ ଅନେକ ଲୋକେ ଦାରିଦ୍ର୍ୟ ସୀମା ରେଖା ତଳକୁ ଖସିଯିବେ ବୋଲି କୁହାଯାଉଛି । ଏନେଇ ସୁନକ କହିଛନ୍ତି ଯେ ତାଙ୍କ ଯୋଜନା ଅଧିକ ବିପଦରେ ଥିବା ଲୋକେ, ପେନସନ୍ ଉପଭୋକ୍ତା ଏବଂ ଅନ୍ୟମାନଙ୍କ ପାଇଁ ସହଯୋଗ ହେବ ।
