Anupambharat News Bureau
ନୂଆଦିଲ୍ଲୀ ୧୮ା ୮: ଜାମ୍ମୁକାଶ୍ମୀରରେ ବସବାସ କରୁଥିବା ବାହାର ରାଜ୍ୟର ଲୋକମାନେ ଏଣିକି ଭୋଟ ଦେଇପାରିବେ ବୋଲି କହିଛନ୍ତି । ଜାମ୍ମୁ କାଶ୍ମୀରର ମୁଖ୍ୟ ନିର୍ବାଚନ ଅଧିକାରୀ (ସିଇଓ) ହୃଦେଶ କୁମାର । ନିର୍ବାଚନ ଆୟୋଗ ଏମାନଙ୍କୁ ଭୋଟ୍ ଅଧିକାର ପ୍ରଦାନ କରିଛନ୍ତି । ଏଥିରେ କର୍ମଚାରୀ, ଛାତ୍ର, ଶ୍ରମିକ କିମ୍ବା ଦେଶର ଅନ୍ୟାନ୍ୟ ରାଜ୍ୟରୁ ଆସିଥିବା ବ୍ୟକ୍ତିମାନେ ସାମିଲ ହୋଇପାରିବେ, ଯେଉଁମାନେ କି ସାଧାରଣତ ଜାମ୍ମୁ କାଶ୍ମୀରରେ ରହୁଥିବେ । ସେମାନେ ସେମାନଙ୍କର ନାମ ଭୋଟର ତାଲିକାରେ ନାମ ଲେଖାଇ ପାରିବେ । ଏଥିସହ ଜାମ୍ମୁ କାଶ୍ମୀରରେ ହେବାକୁ ଥିବା ନିର୍ବାଚନରେ ମଧ୍ୟ ଭୋଟ୍ ଦେଇପାରିବେ । ରିପୋର୍ଟ ଅନୁଯାୟୀ, ସେ କହିଛନ୍ତି ଯେ ବାହାର ଲୋକଙ୍କୁ ଭୋଟର ଭାବରେ ତାଲିକାଭୁକ୍ତ କରିବା ପାଇଁ ବାସସ୍ଥାନ ଆବଶ୍ୟକ ନୁହେଁ ।
ସେ ଏହା ମଧ୍ୟ କହିଛନ୍ତି ଯେ ଜାମ୍ମୁ କାଶ୍ମୀରରେ ପୋଷ୍ଟ ହୋଇଥିବା ଅନ୍ୟ ରାଜ୍ୟର ସଶସ୍ତ୍ର ବାହିନୀର କର୍ମଚାରୀମାନେ ମଧ୍ୟ ଭୋଟର ତାଲିକାରେ ସେମାନଙ୍କ ନାମ ଯୋଡିପାରିବେ । ସ୍ଥାନୀୟ ଲୋକଙ୍କୁ ଭୋଟ୍ ଦେବା ପାଇଁ କୌଣସି ସମସ୍ୟା ନାହିଁ ବୋଲି ସେ କହିଛନ୍ତି । ଜାମ୍ମୁ କାଶ୍ମୀରରେ କିଏ କେତେ ଦିନ ବାସ କରୁଛନ୍ତି ତାହା ଗୁରୁତ୍ୱପୂର୍ଣ୍ଣ ନୁହେଁ । ଜାମ୍ମୁ କାଶ୍ମୀରରେ ଅଣ-ସ୍ଥାନୀୟ ଲୋକ ରହୁଛନ୍ତି କି ନାହିଁ ତାହା ଉପରେ ଚୂଡ଼ାନ୍ତ ନିଷ୍ପତ୍ତି ଗ୍ରହଣ କରିବ । ଏପରିକି ଏଠାରେ ଭଡ଼ାରେ ରହୁଥିବା ଲୋକମାନେ ମଧ୍ୟ ଭୋଟ୍ ଦେଇପାରିବେ । ସୂଚନାଯେ, ଭୋଟର ତାଲିକାରେ ଅନ୍ତର୍ଭୁକ୍ତ ହେବାର ଏକମାତ୍ର ସର୍ତ୍ତ ହେଉଛି ବ୍ୟକ୍ତି ଜଣକ ତାଙ୍କ ଜନ୍ମ ରାଜ୍ୟରୁ ଭୋଟର ପଞ୍ଜୀକରଣକୁ ବାତିଲ କରିବାକୁ ହେବ । ଆୟୋଗର ଏହି ନିଷ୍ପତ୍ତି ସହିତ ପ୍ରାୟ ୨୦ରୁ ୨୫ଲକ୍ଷ ନୂତନ ଭୋଟର ଭୋଟର ତାଲିକାରେ ଅନ୍ତର୍ଭୁକ୍ତ ହେବେ ।
