Anupambharat News Bureau
କଟକ, ୨ା୯(ଅନୁପମ ମିଡ଼ିଆ): କଟକ ସ୍ୱତନ୍ତ୍ର ପୋକ୍ସୋ କୋର୍ଟ ବିଚାରପତି ସୁବାସ କୁମାର ବିହାରୀ(୪୯) ଆଜି ତାଙ୍କ ସିଡିଏ ସେକଫର-୯ ସ୍ଥିତ ସରକାରୀ ବାସଭବନରେ ଆତ୍ମହତ୍ୟା କରିଛନ୍ତି । ସିଡିଏର ଏକ ଘରୋଇ ହସ୍ପିଟାଲରେ ତାଙ୍କୁ ମୃତ ଘୋଷଣା କରାଯାଇଥିଲା । ତାଙ୍କ ମୃତଦେହକୁ ବ୍ୟବଚ୍ଛେଦ ନିମନ୍ତେ କଟକ ବଡ ଡାକ୍ତରଖାନାକୁ ପଠାଯାଇଥିବା ଜଣାପଡିଛି । ତେବେ ବିଚାରପତି ସୁବାସ ବିହାରୀ କାହିଁକି ଆତ୍ମହତ୍ୟା କଲେ ତା’ର କାରଣ ଅସ୍ପଷ୍ଟ ରହିଛି । ସେ ଗତ ଦୁଇ ଦିନ ହେବ ଛୁଟିରେ ଥିଲେ । ଆଜି ସେ କାର୍ଯ୍ୟରେ ଯୋଗଦେଇଥାନ୍ତେ । ତେବେ ସକାଳ ୧୦ଟା ବେଳେ ସେ ତାଙ୍କ ଷ୍ଟେନୋଙ୍କୁ ଆଜି ମଧ୍ୟ ଛୁଟିରେ ରହିବେ ବୋଲି ଜଣାଇଥିଲେ । ମିଳିଥିବା ସୂଚନା ମୁତାବକ, ବିଚାରପତି ବିହାରୀ ଫ୍ୟାନରେ ରଶି ଲଗାଇ ଝୁଲିପଡିଥିଲେ । ତାଙ୍କ ବେକରେ ଦାଗ ଅଛି । ମାତ୍ର ପୋଲିସ ପକ୍ଷରୁ ଏପର୍ଯ୍ୟନ୍ତ କିଛି କୁହାଯାଇନାହିଁ । ତାଙ୍କର କ ୍ୱାର୍ଟର୍ସରରେ ଅନ୍ୟ କର୍ମଚାରୀମାନେ ଥିଲା ବେଳେ ପତ୍ନୀ ଓ ଦୁଇ ଝିଅ ବଜାରକୁ ଯାଇଥିବା ସୂଚନା ମିଳିଛି । ବିଚାରପତି ବିହାରୀଙ୍କ ଘର ଯାଜପୁର ଜିଲ୍ଲା ପାଣିକୋଇଲି ଅଞ୍ଚଳରେ ବୋଲି ଜଣାପଡିଛି । ମର୍କତନଗର ଥାନା ଏ ସଂକ୍ରାନ୍ତରେ ଏକ ଅପମୃତୁ୍ୟ ମାମଲା ରୁଜୁ କରି ତଦନ୍ତ ଜାରି ରଖିଛି । ତେବେ ସେ କାହିଁକି ଆତ୍ମହତ୍ୟା କଲେ ଏବଂ କିଏ ଏଥିପାଇଁ ଦାୟୀ ତାହା ଶବ ବ୍ୟବଚ୍ଛେଦ ପରେ ସାମନାକୁ ଆସିବ ବୋଲି କୁହାଯାଉଛି ।
