Anupambharat News Bureau
ନୂଆଦିଲ୍ଲୀ: ଋଷ ଠାରୁ ଆଉ ଅଶୋଧିତ ତେଲ କିଣି ନପାରେ ଭାରତ । କାରଣ ତେଲ କିଣିବା ପାଇଁ ପରିବହନ ଖର୍ଚ୍ଚ ଅଧିକ ହେଉଛି । ଏଥିପାଇଁ ସେପେଫମ୍ବର ମାସ ଶେଷ ସୁଦ୍ଧା ଭାରତୀୟ ରିଫାଇନର୍ସ କମ୍ପାନଗୁଡ଼ିକ ଋଷ ଠାରୁ ତେଲ କିଣିବା ବନ୍ଦ କରିବାକୁ ନିଷ୍ପତ୍ତି ନେଇଥିବା ସୂଚନା ମିଳୁଛି । ଋଷ ପରିବର୍ତ୍ତେ ଆଫ୍ରିକା ଓ ମଧ୍ୟପ୍ରାଚ୍ୟ ରାଷ୍ଟ୍ରଗୁଡ଼ିକରୁ ତେଲ କିଣିବା ପାଇଁ ପ୍ରସ୍ତୁତି ଆରମ୍ଭ ହୋଇଯାଇଥିବା ଶିଳ୍ପ ସୂତ୍ରରୁ ଜଣାପଡିଛି ।ପରିବହନରେ ସମସ୍ୟା ଯୋଗୁ ସାଧାରଣ ଭାରତ ଋଷ ଠାରୁ ବହୁତ କମ ତେଲ ଆମଦାନୀ କରିଥାଏ । ତେବେ ଯୁକ୍ରେନ୍ ଯୁଦ୍ଧ ପରେ ଋଷ ଶସ୍ତାରେ ତେଲ ଦେବାକୁ ଅଫର କରିବାରୁ ଭାରତ ବିପୁଳ ମାତ୍ରାରେ ତେଲ କିଣିଥିଲା । ଚୀନ ପରେ ବିଶ୍ୱରେ ଭାରତ ହିଁ ଋଷ ଠାରୁ ସର୍ବାଧିକ ତୈଳ ଆମଦାନୀକାରୀ ରାଷ୍ଟ୍ର ହୋଇଥିଲା ।ୟୁକ୍ରେନ୍ ଯୁଦ୍ଧ ପରେ ପଶ୍ଚିମ ରାଷ୍ଟ୍ରଗୁଡ଼ିକ ଋଷ ଠାରୁ ସମସ୍ତ ବ୍ୟବସାୟ ବନ୍ଦ କରିଦେଇଥିଲେ । ଏଭଳି ସମୟରେ ଦେଶର ଅର୍ଥନୀତି ସ୍ଥିତି ମଜଭୁତ ରଖିବା ପାଇଁ ମିତ୍ର ରାଷ୍ଟ୍ରଗୁଡ଼ିକ ଶସ୍ତାରେ ତେଲ ସହ ଅନ୍ୟାନ୍ୟ ବ୍ୟବସାୟ ଡିଲ୍ ଅଫର ଦେଇଥିଲା ଋଷ । ଯାହାର ଫାଇଦା ଭାରତ ବି ଉଠାଇଥିଲା ।
