Anupambharat News Bureau
ବ୍ୟାସନଗର, ୩୦ ।୦୫ (ଅନୁପମ ମିଡ଼ିଆ): ୧୬ ନମ୍ବର ଜାତୀୟ ରାଜପଥର ପାଣିକୋଇଲି ଠାରେ ରାଜପଥ ଉପରେ ଓଭରବ୍ରିଜ କରାଯାଇଛି । ଏଠାରୁ ୨୦ ନମ୍ବର ଜାତୀୟ ରାଜପଥ ପାଣିକୋଇଲିରୁ ରାଜାମୁଣ୍ଡା ବାହାରିଛି । କେଉଁଝର ବା ରାଉରକେଲା ଅବା କଳିଙ୍ଗନଗର ଶିଳ୍ପାଂଚଳରୁ ଆସୁଥିବା ସମସ୍ତ ଗାଡି ଏହି ଓଭରବ୍ରିଜ ଦେଇ ଯାତାୟତ କରନ୍ତି । କିନ୍ତୁ ଏବେ ଏହି ଓଭରବ୍ରିଜର ସ୍ଥାୟିତ୍ୱ ନେଇ ପ୍ରଶ୍ନବାଚୀ ସୃଷ୍ଟି ହୋଇଛି । ଶତାଧିକ ଗଛ ଏହି ଓଭରବ୍ରିଜ ଫାଙ୍କରେ ବଢି ଚାଲିଥିବା ବେଳେ ବିଭାଗ ପକ୍ଷରୁ ଏଥିପ୍ରତି ଦୃଷ୍ଟି ଦିଆଯାଉ ନାହିଁ । ଫଳରେ ଗଛ ଗୁଡିକ ୬/୭ ପୁଟ ଉଚ୍ଚତାରେ ପହଂଚିଲାଣି । ଗୋଟିଏ କି ଦୁଇଟି ନୁହେଁ ଶତାଧିକ ଗଛ ଓଭରବ୍ରିଜର ଚାରି ପଟେ ବଢି ଚାଲିଛି । ତୁରନ୍ତ ଏହି ଗଛ ଗୁଡିକୁ କଟା ନଗଲେ ଏହା ଆଗାମୀ ଦିନରେ ବଡ ହେବା ସହ ଓଭରବ୍ରିଜର ସ୍ଥାୟିତ୍ୱ ପ୍ରତି ବିପଦ ସୃଷ୍ଟି କରିବ । ଏଥିପ୍ରତି ବିଭାଗୀୟ ଅଧିକାରୀ ଦୃଷ୍ଟି ଦେବାକୁ ସାଧାଣରେ ଦାବି ହୋଇଛି ।
