Anupambharat News Bureau
ଅନୁଗୋଳ ,୩ା୬(ଅନୁପମ ମିଡିଆ): ଦଶମ ଶ୍ରେଣୀର ଜଣେ ଛାତ୍ରୀଙ୍କୁ ବେନ୍ତପୁର ଅଞ୍ଚଳର ଜଣେ ଯୁବକ ଅପହରଣ କରିଥିବା ଅଭିଯୋଗ ହୋଇଛି । ମେ ୨୧ ତାରିଖରେ ଘଟଣା ସଂକ୍ରାନ୍ତରେ ଛାତ୍ରୀଙ୍କ ପିତା ଅନୁଗୋଳ ଥାନାରେ ଅଭିଯୋଗ କରିଛନ୍ତି । ଅପହରଣକାରୀ ଯୁବକ ଜଣକ ପୂର୍ବଦିନ ମଧ୍ୟରାତ୍ରିରେ ଘରକୁ ଆସି ଜୋରଜବରଦସ୍ତ ଛାତ୍ରୀଜଣଙ୍କୁ ଉଠାଇ ନେଇଥିଲା । ପରିବାର ଲୋକେ ପ୍ରତିବାଦ କରିବାରୁ ସେ ହତ୍ୟା ଧମକ ଦେଇଥିଲା । ହତ୍ୟା ଧମକ ମିଳିବାରୁ ଛାତ୍ରୀଙ୍କ ପରିବାର ଆତଙ୍କିତ ହୋଇ ପଡ଼ିଥିଲେ । ଚଳିତ ବର୍ଷ ଛାତ୍ରୀଜଣଙ୍କକ ମାଟ୍ରିକ ପରୀକ୍ଷା ଦେଇଥିଲେ । ମାତ୍ର ମାଟ୍ରିକ ପରୀକ୍ଷା ଫଳ ବାହାରିବା ପୂର୍ବରୁ ଏହି ଅସ୍ୱାଭାବିକ ଘଟଣା ଘଟିଥିଲା । ଇତିମଧ୍ୟରେ ଅନେକ ଦିନ ଅତିକ୍ରାନ୍ତ ହୋଇଯାଇଥିବା ବେଳେ ପୁଲିସ ନୀରବ ରହିଛି । ସଂପୃକ୍ତ ଯୁବକ ଜଣକ ପୂର୍ବରୁ ରାଣୀଗୋଡ଼ା ଅଞ୍ଚଳର ଜଣେ ଯୁବତୀଙ୍କୁ ଅପହରଣ କରିଥିଲା । କେବଳ ସେତିକି ନୁହେଁ, ଯୁବତୀଜଣଙ୍କୁ ଶରୀରରେ ନିଆଁ ଲଗାଇ ପୋଡ଼ି ଦେଇଥିବା ନେଇ ଛାତ୍ରୀଙ୍କ ପିତା ଅଭିଯୋଗ କରିଛନ୍ତି । ଏଣୁ ତାଙ୍କ ଝିଅଙ୍କ ସହିତ ବି ଏଭଳି କରିବାକୁ ଅଭିଯୁକ୍ତ ପଛେଇବ ନାହିଁ ବୋଲି ସେ ଆଶଙ୍କା ପ୍ରକାଶ କରିଛନ୍ତି । ନ୍ୟାୟ ପାଇଁ ସେ ପୋଲିସ ପ୍ରଶାସନର ଦୃଷ୍ଟି ଆକର୍ଷଣ କରିଛନ୍ତି ।
ବିଜେଡ଼ି ସାଂସଦଙ୍କୁ ଦାୟିତ୍ୱ ବଣ୍ଟନ, ପିନାକୀ ମିଶ୍ର ସଂସଦୀୟ ଦଳ ନେତା,ଅଚୁ୍ୟତଙ୍କୁ ମୁଖ୍ୟ ସଚେତକ, ଅନୁଭବଙ୍କୁ ଉପମୁଖ୍ୟ ସଚେତକ
Read More...
