Anupambharat News Bureau
ରସୁଲପୁର,୬ା୬ (ଅନୁପମ ମିଡିଆ): ରାସ୍ତା ଉପରେ ବେଆଇନ ହମ୍ପ୍ସ୍ ଯୋଗୁ ରାସ୍ତା ଦୁର୍ଘଟଣା ବଢୁଛି । ଗାଁ ଗହଳିରେ ବି ରାସ୍ତାରେ ମାଳ ମାଳ ହମ୍ପ୍ ସ୍ ଦେଖିବାକୁ ମିଳୁଛି । ନିଜ ଘର ସମ୍ମୁଖରେ ସୁରକ୍ଷା ଆଳରେ ଲୋକମାନେ ବେଆଇନ ଭାବରେ ହମ୍ପ୍ସ୍ ତିଆରି କରି ଦେଉଛନ୍ତି । ଏହି ହମ୍ପ୍ସ ଗୁଡିକର ଉଚତା କିମ୍ବା ନିର୍ମାଣ ଶୈଳୀ ଠିକ୍ ନରହିବା କାରଣରୁ ଅନେକ ସମୟରେ ହମ୍ପ୍ସ୍ ନିକଟରେ ଛୋଟ ବଡ ଦୁର୍ଘଟଣା ଘଟୁଛି । ଗତକାଲି ଏଭଳି ଏକ ଦୁର୍ଘଟଣା ଘଟି ଜଣେ ସାମ୍ବାଦିକ ଗୁରୁତର ଆହତ ହୋଇଛନ୍ତି । ଖଣ୍ଡିତର ହାଇସ୍କୁଲରେ ଯାଯପୁର କବାଡି ଆସୋସିଏସନ ପକ୍ଷରୁ ହୋଇଥିବା ସାମ୍ବାଦିକ ସମ୍ମିଳନୀରେ ଯୋଗ ଦେଇ ସାମ୍ବାଦିକ ପ୍ରଶାନ୍ତ ନାୟକ ଛିଣ୍ଡା ଖରସୋ୍ରତା ନଦୀ ବନ୍ଧରେ ଘରକୁ ଫେରୁଥିଲେ । ସୁଆଁ ସାହି ନିକଟରେ ନଦୀ ବନ୍ଧ ଉପରେ ହୋଇଥିବା ଢଳେଇ ରାସ୍ତାରେ ଏକ ଉଚ୍ଚ ହମ୍ପ୍ କୁ ପାର ହେବା ବେଳେ ଗାଡିରୁ ପଡିଯାଇ ଗୁରୁତର ଆହତ ହୋଇଥିଲେ ।
ତାଙ୍କର ବାମ ଆଣ୍ଠୁ ଭାଙ୍ଗି ଯାଇଛି । ଗୁରୁତର ଭାବରେ ତାଙ୍କୁ ଯାଯପୁର ନିଆଯାଇଥିଲା । ପ୍ରାଥମିକ ଚିକିତ୍ସା ପରେ ସେ କଟକର ଏକ ଘରୋଇ ଡାକ୍ତରଖାନାରେ ଅସ୍ତୋ୍ରପଚାର ପାଇଁ ଭର୍ତ୍ତି ହୋଇଛନ୍ତି ।
