Anupambharat News Bureau
କୋଲକାତା: ୨୦୧୪ ରେ ନରେନ୍ଦ୍ର ମୋଦି ପ୍ରଧାନମନ୍ତ୍ରୀ ହେବା ପାଇଁ ରଣନୀତି ପସ୍ତìତ କରିବା ହେଉ, କିମ୍ବା ନୀତୀଶ କୁମାର ଓ ଜଗନ ମୋହନ ରେzୀଙ୍କୁ ମୁଖ୍ୟମନ୍ତ୍ରୀ ଗାଦିରେ ବସାଇବା ହେଉ, ଏସବୁ ପଛରେ ପଲିଟିକାଲ ଷ୍ଟ୍ରାଟେଜିଷ୍ଟ ପ୍ରଶାନ୍ତ କିଶୋରଙ୍କ ଭୂମିକା ରହିଥିବା ବିଶ୍ୱାସ କରାଯାଏ । ଆଉ ଏବେ ପଶ୍ଚିମବଙ୍ଗରେ ବିଜେପିର ଦବ୍ଦବା ବୁଥିବାବେଳେ ଟିଏମ୍ସି ମୁଖ୍ୟ ତଥା ମୁଖ୍ୟମନ୍ତ୍ରୀ ମମତା ବାନାର୍ଜୀ ପ୍ରଶାନ୍ତ କିଶୋର ବା ପିକେଙ୍କୁ ଭେଟିଥିବା ଏବେ ଚର୍ଚ୍ଚାରେ । ଗତ ସାଧାରଣ ନିର୍ବାଚନରେ ବିଜେପିର ବିପୁଳ ସଫଳତା ପରେ ମମତା ପିକେଙ୍କ ଦ୍ୱାରସ୍ଥ ହୋଇଥିବା କୁହାଯାଉଛି । ବିଶେଷ ସୂତ୍ରରୁ ଜଣାପଡ଼ିଛି ଯେ, ଉଭୟଙ୍କ ମଧ୍ୟରେ ୨ ଘଣ୍ଟାର ବୈଠକ ପରେ ମମତା ପ୍ରଶାନ୍ତଙ୍କର ‘ନିର୍ବାଚନୀ ପ୍ୟାକେଜ୍’ ପାଇଁ ସାଇନ୍ ଅପ୍ କରିଛନ୍ତି । ସୂଚନାଯୋଗ୍ୟ ଯେ, ସଦ୍ୟସମାପ୍ତ ସାଧାରଣ ନିର୍ବାଚନ ସହ ଆନ୍ଧ୍ରପ୍ରଦେଶରେ ମଧ୍ୟ ବିଧାନସଭା ନିର୍ବାଚନ ହୋଇଥିଲା । ଆଉ ଏଠାରେ ଶାସନରେ ଥିବା ଚନ୍ଦ୍ରବାବୁ ନାଇଡ଼ୁଙ୍କ ଟିଡିପିକୁ ମାତ ଦେଇଛି ୱାଇଏସ୍ଆର କଂଗ୍ରେସ । ଦିନେ ଉପଯୁକ୍ତ ସମ୍ମାନ ନ ପାଇ କଂଗ୍ରେସ ଦଳ ଛାଡ଼ିଥିବା ଜଗନ୍ମୋହନ ରେzୀ ଆଜି ଆନ୍ଧ୍ରପ୍ରଦେଶ ମୁଖ୍ୟମନ୍ତ୍ରୀ । ଆଉ ଏହା ପଛରେ ପ୍ରଶାନ୍ତ କିଶୋରଙ୍କ ମସ୍ତିଷ୍କ ଲାଗିଥିବା କୁହାଯାଉଛି । ୧୭୫ଟି ବିଧାନସଭା ଆସନରୁ ୧୫୦ଟିରେ ଏବଂ ୨୫ଟି ଲୋକସଭା ଆସନରେ ୱାଇଏସ୍ଆର କଂଗ୍ରେସ ଜିତିବା ପରେ ପ୍ରଶାନ୍ତଙ୍କ ଭାଉ ବିଛି । ତେବେ ସେ ମମତାଙ୍କୁ କଣ ପରାମର୍ଶ ଦେଇଛନ୍ତି, ତାହା ଜଣାପଡ଼ି ନାହିଁ ।
