Anupambharat News Bureau
ଭଦ୍ରକ, ୭ା୬ (ଅନୁପମ ମିଡିଆ): ଡଙ୍ଗାବୁଡି ଘଟଣା ରାଜ୍ୟର ଚିର ସହଚର ପାଲଟିଛି । କୈାଣସି କାମଧନ୍ଦା ହେଉ ଅଥବା ଜରୁରୀ କାମରେ ବାହାରିଥିବା ପରିବାରବର୍ଗଙ୍କ ଏପରି ଖବରପାଇ ଆଶା ଆଶଙ୍କାରେ ପରିବାର ଓ ସଂପର୍କିୟ । ତେଣେ ବିକାଶର ନାରା ପିଟୁଥିବା ସରକାର ଏସଂପର୍କରେ ଅବଗତ ଥିଲେ ଜାଣି ଅଜଣା ଏବେବି ନିର୍ମାଣ କରାଯାଇପାରୁନି ନଦୀ ଉପରେ ସେତୁ ।
ଡଙ୍ଗାରେ ଯାତ୍ରା କରୁଥିବା ଯାତ୍ରୀମାନଙ୍କ ପାଇଁ ନାହିଁ କୈାଣସି ସୁରକ୍ଷା ବ୍ୟବସ୍ଥା । ସ୍ୱାଧୀନତାର ଅନେକ ବର୍ଷ ପରେ ଏହି ଧାରା ଚାଲିଆସୁଥିବା ବେଳେ ନଜର ନାହିଁ ପ୍ରଶାସନର କି ଆନ୍ତରିକତା ନାହିଁ ରାଜନେତାମାନଙ୍କର । ନିର୍ବାଚନ ଆସିଲେ ପ୍ରତିଶୃତିର ପାହାଡ ଦେଇଚାଲୁଥିବା ରାଜନେତା ନିର୍ବାଚନ ପରେ ରାତିର ଅହେତୁକ ସ୍ୱପ୍ନ ବୋଲି ଧରିନେଇଥାନ୍ତି । ମିଳିଥିବା ସୂଚନା ଅନୁଯାଇ, ଜିଲ୍ଲାର ବାସୁଦେବପୁର-ଚାନ୍ଦବାଲିକୁ ସଂଯୋଗ କରୁଥିବା ଚାରିବାଟିଆ ଘାଟ ନିକଟରେ ଡଙ୍ଗାବୁଡି ଘଟଣା ଘଟିଛି ।
ଡଙ୍ଗାଟି ମୋଟ ୩୦ ଜଣ ଯାତ୍ରୀମାନଙ୍କୁ ନେଇ ମନ୍ତେଇନଦୀ ପାରି ହେଉଥିବା ସମୟରେ ଦୁର୍ଘଟଣା ଘଟିଥିଲା । ଦୁର୍ଘଟଣା ଘଟିଥିବା ଡଙ୍ଗାରେ ୮ ଗୋଟି ମୋଟରସାକେଲ , ୬ଗୋଟି ସାଇକେଲ , ମହିଳା ୬ଜଣ, ଛୋଟପିଲା ୩ଜଣ ଓ ପୁରୁଷ ୨୧ଜଣଙ୍କୁ ନେଇ ନଦୀ ପାରି ହେଉଥିବା ସମୟରେ ଦୁର୍ଘଟଣା ଘଟିଥିଲା । ତେବେ ଏହି ଏହି ଦୁର୍ଘଟଣାରେ କେହି ମୃତାହତ ହୋଇନଥିବା ଜାଣିବାକୁ ମିଳିଛି । ସ୍ଥାନୀୟ ଲୋକେ ଯାତ୍ରୀମାନଙ୍କୁ ଉଦ୍ଧାର କରିଥିବା ସହ ୮ଗୋଟି ମୋଟରସାଇକେଲ ଓ ୬ଗୋଟି ଗୋଟି ସାଇକେଲକୁ ଉଦ୍ଧାର କରିଥିବା ଜାଣିବାକୁ ମିଳିଛି । ସୂଚନା ଦିଆଯାଇପାରେ, ଏହି ମନ୍ତେଇ ନଇରେ କୁମ୍ଭୀର ଭୟ ରହିଥିଲେହେଁ ସେଥିକୁ ଖାତିର ନକରି ସ୍ଥାନୀୟ ଲୋକେ ଯାର୍ତୀମାନଙ୍କୁ ଉ୍ଦ୍ଧାର କରିଥିଲେ ।
ବିଦ୍ୟାଳୟ ଖୋଲିବାକୁ ଆଉ ମାତ୍ର ୧୦ଦିନ, ବାତ୍ୟାରେ କ୍ଷତିଗସ୍ତ ବିଦ୍ୟାଳୟ ଗୁଡିକର ମରାମତି ହୋଇପାରିଲା ନାହିଁ
Read More...
