Anupambharat News Bureau
ଭୁବନେଶ୍ୱର, ୧୧ ।୫ (ଅନୁପମ ମିଡିଆ): ‘ଫନି’ରେ କ୍ଷତିଗ୍ରସ୍ତ ହେବା ଯୋଗୁଁ ବନ୍ଦ ରହିଥିବା ନନ୍ଦନକାନନ ଆସନ୍ତା ୨୧ତାରିଖରୁ ପୁଣିଥରେ ସର୍ବସାଧାରଣଙ୍କ ପାଇଁ ଖୋଲିବ । ସେହିପରି ଭୁବନେଶ୍ୱରସ୍ଥିତ ଜୟଦେବ ବାଟିକା ରବିବାରଠାରୁ ଖୋଲାଯିବ । ରାଜ୍ୟ ଜଙ୍ଗଲ ଓ ପରିବେଶ ବିଭାଗର ପ୍ରାଥମିକ ଆକଳନ ରିପୋର୍ଟ ଅନୁସାରେ ‘ଫନି’ ବାତ୍ୟାରେ ବିଭାଗର ମୋଟ ୫୩୭କୋଟି ଟଙ୍କାର ସମ୍ପତ୍ତି କ୍ଷତି ହୋଇଛି । ଜଙ୍ଗଲ ଓ ଅଭୟାରଣ୍ୟ ଅଞ୍ଚଳରେ ପ୍ରାୟ ୯ଲକ୍ଷ ଗଛ ଭାଙ୍ଗିଥିବାବେଳେ ଜଙ୍ଗଲ ଅଞ୍ଚଳ ବାହାରେ ୫ଲକ୍ଷ ଗଛ ନଷ୍ଟ ହୋଇଛି । ୮ଲକ୍ଷ ଚାରା ମଧ୍ୟ ନଷ୍ଟ ହୋଇଛି । ‘ଫନି’ ବାତ୍ୟାରେ ନନ୍ଦନକାନନରେ ବ୍ୟାପକ କ୍ଷୟକ୍ଷତି ହୋଇଥିଲେ ମଧ୍ୟ କୌଣସି ବନ୍ୟପ୍ରାଣୀ ପ୍ରାଣ ହରାଇଥିବାର ସୂଚନା ମିଳିନି ।
