Anupambharat News Bureau
ଭଦ୍ରକ, ୧୨ା୫ (ଅନୁପମ ମିଡିଆ): ଗ୍ରାମାଞ୍ଚଳ ଥାନା ଅନ୍ତର୍ଗତ ଓଗାଳପୁର ଗ୍ରାମରେ ଅଗ୍ନିକାଣ୍ଡ ଗଟି ୮ ବଖରା ଘର ସହିତ ଜଣେ ନବ ବିବାହିତା ମହିଳା ପୋଡିଯାଇ ମୃତୁ୍ୟ ବରଣ କରିଛନ୍ତି । ଆଜି ମଧ୍ୟାହ୍ନରେ ଓଗାଳପୁର ଗ୍ରାମର ଦୁର୍ଗା ଚରଣ ଟୁଡୁଙ୍କ ଘରେ ନିଆଁ ଲାଗିଯାଇଥିଲା । ଘରେ ଲାଗିଥିବା ନିଆଁ ଏତେ ତୀବ୍ର ହୋଇଯାଇଥିଲା ଯେ ଘରେ ଥିବା ଦୁର୍ଗାଙ୍କ ନବ ବିବାହିତା ପତ୍ନୀ ପଙ୍କଜିନୀ ଘର ଭିତରୁ ବାହାରକୁ ବାହାରି ପାରି ନ ଥିଲେ । ଫଳରେ ଜୀବନ୍ତ ଦଗ› ହୋଇଯାଇଥିଲେ । ଦୁର୍ଗା ଗତ ମାସ ଏପ୍ରିଲ ୨୪ ତାରିଖରେ ବିବାହ କରିଥିଲେ । ଏଥି ସହିତ ଏହି ନିଆଁରେ ପଡୋଶୀ ବିଶ୍ୱନାଥ ହାଁସଦା, ଜିତୁ ହାଁସଦାଙ୍କ ଘର ମଧ୍ୟ ପୋଡି ହୋଇଯାଇଥିଲା ।
ଖବର ପାଇ ଭଦ୍ରକରୁ ଦମକଳ ବାହିନୀ ଯାଇ ନିଆଁ ଲିଭାଇଥିଲା । ମାତ୍ର ସେତେବେଳକୁ ଏହି ୩ଟି ପରିବାର ୮ ବଖରା ଘର ସମେତ ଘରର ସମସ୍ତ ଆସବାବପତ୍ର, ଲୁଗାପଟା, ଧାନ ଚାଉଳ ପୋଡିଯାଇ ସାରିଥିଲା । ଅନ୍ୟପକ୍ଷରେ ଖବର ପାଇ ଗ୍ରାମାଞ୍ଚଳ ଥାନା ପୁଲିସ ଘଟଣା ସ୍ଥଳରେ ପହଞ୍ଚି୧୦୮ ଆମ୍ବୁଲାନ୍ସ ଯୋଗେ ପଙ୍କଜିନୀଙ୍କ ମୃତଦେହ ମେଡିକାଲକୁ ଆଣିବା ସହିତ ବ୍ୟବଚ୍ଛେଦ କରାଇଛି । ଅଗ୍ନିକାଣ୍ଡର କାରଣ ଅସ୍ପଷ୍ଟ ରହିଛି ।
