Anupambharat News Bureau
ଫୁଲବାଣୀ/ଘୁ.ଉଦୟଗିରି, ୨୬ା୬ (ଅନୁପମ ମିଡ଼ିଆ): ଫିରିଙ୍ଗିଆ ଥାନା ଅନ୍ତର୍ଗତ ସାଡ଼ିଙ୍ଗିଆ ପଞ୍ଚାୟତର କଟାପାଙ୍ଗା ଗ୍ରାମରେ ଏକ ଗଛରେ ମାଓ ପୋଷ୍ଟର ଲାଗିଥିବା ଜଣାପଡ଼ିଛି । ପୋଷ୍ଟରରେ ଜମି ଜଙ୍ଗଲ ଅଧିକାର ସମ୍ପର୍କରେ ଏବଂ ଛତିଶଗଡ଼ ବନ୍ଦ ଡାକରାକୁ ସମର୍ଥନ କରିବାକୁ ପୋଷ୍ଟରରେ ଉଲ୍ଲେଖ ରହିଛି । ତେବେ ମାଓ ପୋଷ୍ଟର ଦେଖି ସାଡ଼ିଙ୍ଗିଆ ପଞ୍ଚାୟତରେ ଲୋକେ ଭୟଭୀତ ଥିବା ଜଣାପଡ଼ିଛି । ନିର୍ବାଚନ ବେଳେ ପୋଲିଂ ପାର୍ଟିର ଗାଡ଼ିକୁ ମିଙ୍ଗୁନପଦରରେ ପୋଡ଼ି ଦେଇଥିଲେ । ସେହିପରି ଫରିଙ୍ଗିଆ ଥାନାର ବାରାହାଲାରେ ପୋଲିଂ କର୍ମଚାରୀ ସଂଯୁକ୍ତା ଦିଗାଲଙ୍କୁ ଗୁଳି କରି ମାରି ମାଓବାଦୀମାନେ ହତ୍ୟା କରିଥିଲେ । ସମ୍ପକ୍ତ ଅଞ୍ଚଳରେ ମାଓବାଦୀ ମାନଙ୍କର ଦବ୍ଦବା ରହିଛି । ଫଳରେ ଏହି ପୋଷ୍ଟର ମାଓବାଦୀମାନେ ମାରିଥିବା ଦୃଢ଼ ନିଶ୍ଚିତ ହୋଇଛି । ତେବେ ଦୀର୍ଘ ଦିନ ପରେ ଅଞ୍ଚଳରେ ମାଓ ପୋଷ୍ଟର ଲୋକଙ୍କ ମଧ୍ୟରେ ଭୟ ସୃଷ୍ଟି କରିଛି । ପୋଷ୍ଟର ସମ୍ପର୍କରେ ପୋଲିସର ପ୍ରତିକ୍ରିୟା ମିଳିପାରି ନାହିଁ ।
