Anupambharat News Bureau
ଜଳେଶ୍ୱର,୭ା୭ (ଅନୁପମ ମିଡିଆ): ଗତ ୨୦୧୮ ଅକେଫାବର ମାସ ୨୮ତାରିଖରେ ଜନୈକ ଆଦିବାସୀ ନାବାଳିକାକୁ ଉଲଗ୍ନ କରି ଭିଡିଓ ଭାଇରାଲ କରିଥିବା ଘଟଣାର ମୁଖ୍ୟ ଅଭିଯୁକ୍ତଙ୍କୁ ଜଳେଶ୍ୱର ପୋଲିସ ଗିରଫ କରି କୋର୍ଟ ଚାଲାଣ କରିଛି । ଜଳେଶ୍ୱର ବ୍ଲକ ସରଦାରବନ୍ଦ ଗ୍ରାମ ପଂଚାୟତର ଚୁଡାମଣିପୁର ଅଂଚଳର ଜନୈକ ନାବାଳିକା ନିକଟସ୍ଥ ହାଟକୁ ଯାଇଥିବା ବେଳେ କଛି ଯୁବକ ତାକୁ ତାର ଘରେ ଛାଡି ଦେବାର କହି ନେଇ ଯାଇଥିଲେ । ରାସ୍ତାରେ କଣଫାବଣି ନିକଟରେ ଥିବା ନିଛାଟିଆ ଜଙ୍ଗଲ ମଧ୍ୟକୁ ଜୋର୍ ଜବରଦସ୍ତି ନେଇଯାଇ ତାଙ୍କୁ ଉଲଗ୍ନ କରି ତାର ଭିଡିଓ ଉଠାଇ ଥିଲେ ପରେ ୫ମାସ ପରେ ପଶ୍ଚିମବଙ୍ଗରେ ଯାଇ ସେହି ଭିଡିଓକୁ ଭାଇରାଲ କରିଥିଲେ । ଏଥି ନେଇ ୧୫-୩-୧୯ ତାରିଖରେ ରାଇବଣିଆ ଥାନାରେ ନାବାଳିକାର ମାଆ ଏକ ଏତାଲା ଦେଇଥିଲେ । ଏଥିନେଇ ମାମଲା ନଂ ୧୮/୧୯ ମୂଳେ ଧାରା ୩୭୬(ଡି)/ ୩୬୬/ ୫୦୬ ଆଇ.ପି.ସି/ ୬ପୋସ୍କ ୬୬(ବି)/ ୬୭/ ୬୭(ବି) ଆଇ.ଟି ଧାରାରେ ମାମଲା ରୁଜୁ କରାଯାଇଥିଲା । ଅଭିଯୁକ୍ତ ଯୁବକ ପଶ୍ଚିମବଙ୍ଗ ରାଜ୍ୟର ନୟାଗ୍ରାମ ଥାନା ଯାଦୁକଟା ଗ୍ରାମର ଭାତ୍ରା ମୁର୍ମୁଙ୍କ ପୁତ୍ର ସୁବାସ ମୁର୍ମୁ ଓରଫ୍ ମିଥୁନ(୨୨)କୁ ଜଳେଶ୍ୱର ପୋଲିସ ୪ମାସ ପରେ ତାର ଘରୁ ଗିରଫ କରିଥିବା ବେଳେ ଅଭିଯୁକ୍ତଙ୍କ ସହ ଥିବା ଅନ୍ୟ ୪ଜଣ ବର୍ତମାନ ସୁଦ୍ଧା ଫେରାର ଅଛନ୍ତି ।
