Anupambharat News Bureau
ନୂଆଦିଲ୍ଲୀ: ଆଜିଠାରୁ ବନ୍ଦ ହୋଇଛି ଦେଶର ପ୍ରମୁଖ ଓ ନିର୍ଭରଯୋଗ୍ୟ ଖବରକାଗଜ ଡିଏନଏ । ଗତକାଲି ଥିଲା ଡିଏନଏର ଅନ୍ତିମ ସଂସ୍କରଣ । ଇଂରାଜୀରେ ପ୍ରକାଶ ପାଉଥିବା ଏହି ଖବରକାଗଜ ତାର ଅହମଦାବାଦ ଏବଂ ମୁମ୍ୱାଇ ସଂସ୍କରଣକୁ ଆଜିଠାରୁ ବନ୍ଦ କରିଛି । ୨୦୦୫ ମସିହାରେ ଡିଏମସିଏଲ ଦ୍ୱାରା ଏହି ଖବରକାଗଜ ଆରମ୍ଭ ହୋଇଥିଲା । ଏସେଲ ଗ୍ରୁପ ଏବଂ ଭାସ୍କର ଗ୍ରୁପର ମିଳିତ ଉଦ୍ୟମରେ ଡିଏମସିଲ ପ୍ରତିଷ୍ଠା କରାଯାଇ ଡିଏନଏ ଖବରକାଗଜ ପ୍ରକାଶ ପାଇଥିଲା । ଏବେ କି;ୁ କେବେଳ ଡିଜିଟାଲ ମିଡିଆରେ ସକ୍ରିୟ ରହିବ ବୋଲି କମ୍ପାନୀ ପକ୍ଷରୁ କୁହାଯାଇଛି । ଦେଶରେ ଡିଜିଟାଲ ମିଡିଆ ପ୍ରତି ଲୋକଙ୍କର ବଢ଼ୁଥିବା ଚାହିଦା ଏବଂ ଖବରକାଗଜ ପ୍ରକାଶ କରିବା ବ୍ୟୟବହୁଳ ହେବାରୁ ଏହାକୁ ନଜରରେ ରଖି ଖବରକାଗଜ ବନ୍ଦ କରି କେବେଳ େୱବ୍ ପୋର୍ଟାଲରେ ସୀମିତ ରହିବ ପାଇଁ ଡିଏମସିଏଲ ନିଷ୍ପତ୍ତି ନେଇଛି । ଖୁବଶୀଘ୍ର ଡିଏନଏର ଆପ୍ ଆସିବ ବୋଲି ମଧ୍ୟ କମ୍ପାନୀ ପକ୍ଷରୁ ଜଣାପଡ଼ିଛି ।ଚଳିତ ବର୍ଷ ଫେବୃଆରୀରେ ଏହି ଡିଏନଏ ଖବରକାଗଜ ତାର ଦିଲ୍ଲୀ ସଂସ୍କରଣକୁ ବିକ୍ରି କରିବା ପାଇଁ ନିଲାମୀ ଡ଼ାକିଥିଲା । ଡିଏନଏ ଭଳି ଦେଶର ଅନ୍ୟ ଏକ ପ୍ରମୁଖ ଇଂରାଜୀ ଖବରକାଗଜ ଡେକାନ କ୍ରୋନିକିଲ ତାର ଅନ୍ୟ ଏକ ଖବରକାଗଜ ଫିନାନସିଆଲ କ୍ରୋନିକିଲର ପ୍ରକାଶନ ଫେବୃଆରୀରେ ବନ୍ଦ କରିଛି । ୫ଟି ସହରରେ ଏହି ଫିନାନସିଆଲ କ୍ରୋନିକିଲ ପ୍ରକାଶନ ପାଉଥିଲା ।
