Anupambharat News Bureau
କଟକ,୧୧ା୧୦(ଅନୁପମ ମିଡିଆ): ବୁଧବାର ଭସାଣ ଦିନ କାଠଯୋଡି ପୋଲ ଉପରୁ ଡେଇଁ ଆତ୍ମହତ୍ୟା ଉଦ୍ୟମ କରିଥିବା ଦେବବ୍ରତ ମହାପାତ୍ରଙ୍କ ପତ୍ତା ତିନି ଦିନ ପରେ ବି ମିଳିନାହିଁ । ଓଡ୍ରାଫ୍ ଟିମ, ଅଗ୍ନିଶମ ବାହିନୀ ମିଳିତ ଭାବେ ଖୋଜୁଥିଲେ ହେଁ ଏଯାବତ ତାଙ୍କର ସନ୍ଧାନ ମିଳିପାରି ନାହିଁ । ସଦର ଥାନା ପକ୍ଷରୁ ନଦୀ ଉପକୂଳବର୍ତ୍ତୀ ସମସ୍ତ ଥାନାଗୁଡିକୁ ଆଲର୍ଟ କରାଯାଇଛି । ସେହିପରି ସମସ୍ତ ମାଛଧରାଳିଙ୍କୁ ମଧ୍ୟ ସଜାଗ ରହିବାକୁ କୁହାଯାଇଛି । ଯାଜପୁରର କଳିଙ୍ଗ ନଗରରେ ଚାକିରି କରିଥିବା ଦେବବ୍ରତ ସିଜୋଫର୍ଣ୍ଣିଆ ରୋଗରେ ପୀଡିତ ଥିଲେ ଏବଂ ତାଙ୍କର ଚିକିସିା ଚାଲିଥିଲା ବୋଲି ତାଙ୍କର ଶାଳକ କହିଛନ୍ତି । ତାଙ୍କର କହିବା ଅନୁଯାୟୀ ସେ ପୂର୍ବରୁ ଥରେ ଆତ୍ମହତ୍ୟା ଉଦ୍ୟମ କରିଥିଲେ । ସୂଚନାଯୋଗ୍ୟ ଯେ, ଦଶହରା ପରେ ଗତ ବୁଧବାର ଦିନ ତାଙ୍କ ବାଇକ୍ରେ ପତ୍ନୀ ଓ ୪ ବର୍ଷର ପୁଅ ସହ ଯାଜପୁରରୁ ନିଜ ଗାଁ ନିଆଳି ଅଭିମୁଖେ ଯାଉଥିବା ବେଳେ କାଠଯୋଡି ପୋଲ ଉପରେ ବାଇକ୍ ରଖି ପରିସ୍ରା ଯିବା ପାଇଁ କହି ହଠାତ୍ ପୋଲ ଉପରୁ ନଦୀକୁ ଡେଇଁ ପଡିଥିଲେ ।
ବିରଜା ମନ୍ଦିରରେ ଭିନ୍ନକ୍ଷମଙ୍କୁ ଆକ୍ରମଣ ଘଟଣା : ଦୃଢ କାର୍ଯ୍ୟାନୁଷ୍ଠାନ ଦାବି କଲା ଓଡିଶା ବିକଳାଙ୍ଗ ମଞ୍ଚ
Read More...
