Anupambharat News Bureau
ମୁମ୍ବାଇ: ହ୍ରିତିକ୍ ରୋଶନ୍ ଏବେ ‘ୱାର୍’ ଫିଲ୍ମର ସଫଳତାକୁ ମନଭରି ଉପଭୋଗ କରୁଛନ୍ତି । ଫିଲ୍ମଟି ବକ୍ସ ଅଫିନ୍ରେ ବ୍ଳକ୍ଷ୍ଟର ହୋଇଛି । ଏହା ପାଖାପାଖି ୨୫୦ କୋଟି ଆୟ କରି ସାରିଲାଣି । ତେବେ ଫିଲ୍ମଟି ଥିଏଟର୍ରୁ ନ ହଟୁଣୁ ଏବେ ହ୍ରିତିକ୍ଙ୍କ ଆଗାମୀ ଫିଲ୍ମକୁ ନେଇ ଖବର ଆସିଗଲାଣି ।
ସୂଚନା ଅନୁଯାୟୀ, ଫର୍ହା ଖାନ୍ଙ୍କ ଆଗାମୀ ଫିଲ୍ମରେ ହ୍ରିତିକ୍ କାମ କରିବେ । ଏଥିରେ ତାଙ୍କ ସହିତ ସ୍କ୍ରିନ୍ ଶେଆର୍ କରିବେ ଅନୁଷ୍କା । ଯଦି ଏ ଖବର ସତ ହୁଏ, ତା’ହେଲେ ପ୍ରଥମ ଥର ପାଇଁ ହ୍ୟାଣ୍ଡସମ୍ ହଙ୍କ୍ ହ୍ରିତିକ୍ ଓ ଚୁଲବୁଲି ଅନୁଷ୍କାଙ୍କୁ ଏକାଠି ପରଦାରେ ଦେଖିବାକୁ ମିଳିବ । ଆଉ ଏହି ନୂଆ ଯୋଡ଼ିଙ୍କ ଆକ୍ସନ୍ ରୋମାନ୍ସ ଦର୍ଶକଙ୍କୁ ବେଶ୍ ପସନ୍ଦ ଆସିବ ବୋଲି ମଧ୍ୟ ଆଶା କରାଯାଉଛି ।
ଫର୍ହା ଏ ଫିଲ୍ମର ନିର୍ଦ୍ଦେଶନା ଭାର ନେଇଥିବା ବେଳେ ହ୍ରିତିକ୍ ଓ ଅନୁଷ୍କାଙ୍କୁ ନେଇ ଷ୍ଟାର୍କାଷ୍ଟ୍ ବି ଫାଇନାଲ୍ କରି ସାରିଛନ୍ତି ବୋଲି ଜଣାପଡ଼ିଛି । ତାଙ୍କର ଏହି ଫିଲ୍ମର ପ୍ରଯୋଜନା ଦାୟିତ୍ୱ ନେଇଛନ୍ତି ରୋହିତ୍ ସେଟ୍ଟୀ । ଫିଲ୍ମର ଶୁଟିଂ ଆସନ୍ତା ବର୍ଷ ମଧ୍ୟ ଭାଗରୁ ଆରମ୍ଭ ହେବ । ଫର୍ହା ଏହାକୁ ୨୦୨୧ ପ୍ରାରମ୍ଭରେ ରିଲିଜ୍ କରାଇବାକୁ ଚାହୁଁଛନ୍ତି ।
