Anupambharat News Bureau
ଭୁବନେଶ୍ୱର,୧୪ ।୧୦(ଅନୁପମ ମିଡିଆ): ଦକ୍ଷିଣ ଓଡ଼ିଶାର ମାଲକାନଗିରି , ନବରଙ୍ଗପୁର ଓ କୋରାପୁଟ ଜିଲ୍ଲାରେ ସ୍ୱାସ୍ଥ୍ୟସେବାର ଉନ୍ନତି ପାଇଁ ସମ୍ପୃକ୍ତ ଜିଲ୍ଲାର ମୁଖ୍ୟ ଚିକିତ୍ସାଳୟ ଗୁଡିକର ଭିତ୍ତିଭୂମିର ବିକାଶ ସମ୍ପର୍କରେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ସୋମବାର ଘୋଷଣା କରିଛନ୍ତି । ଡାକ୍ତରମାନଙ୍କ ପାଇଁ ରହିବା ଏବଂ ଆଟେଣ୍ଡାଣ୍ଟଙ୍କ ପାଇଁ ରେଷ୍ଟ ହାଉସ୍ କରାଯିବ । ଡାକ୍ତରଖାନା ଗୁଡିକରେ ଶଯ୍ୟା ସଂଖ୍ୟା ବୃଦ୍ଧି କରାଯିବ । ଏହାବ୍ୟତୀତ ରୋଗୀ ମାନଙ୍କ କଲ୍ୟାଣ ପାଇଁ ସମ୍ପୃକ୍ତ ମେଡିକାଲରେ ୪ ଟି ରୋଗୀ କଲ୍ୟାଣ ସମିତି ୧୫ ଲକ୍ଷ ଟଙ୍କା ମୁଖ୍ୟମନ୍ତ୍ରୀ ରିଲିଫ୍ ଫଣ୍ଡରୁ ଦିଆଯିବା ସହ ରକ୍ତଦାନ କାର୍ଯ୍ୟକ୍ରମକୁ ପ୍ରୋତ୍ସାହିତ କରିବାପାଇଁ ଜିଲ୍ଲା ଏସପିଙ୍କୁ ୧୦ ଲକ୍ଷ ଟଙ୍କା ଦିଆଯିବ ବୋଲି ଏହି ଘୋଷଣାରେ କୁହାଯାଇଛି । ଘୋଷଣା ଅନୁଯାୟୀ ମାଲକାନଗିରି ଜିଲ୍ଲା ହସ୍ପିଟାଲରେ ଶଯ୍ୟା ସଂଖ୍ୟା ୨୦୦କୁ ବୃଦ୍ଧି କରାଯିବ । ଏହା ସହ ପ୍ରତିଦିନ ରୋଗୀମାନଙ୍କ ପାଇଁ ମୋଟୁରୁ ମାଲକାନଗିରି ବସ୍ ଚାଲିବ । ସେହିପରି କୋରାପୁଟ ମେଡିକାଲ କଲେଜରେ ଶଯ୍ୟା ସଂଖ୍ୟା ୨ ବର୍ଷରେ ୫୦୦ରୁ ୭୦୦କୁ ବୃଦ୍ଧି ପାଇବ । ଷ୍ଟାଫ୍ କ୍ୱାର୍ଟର୍ସକୁ ଟ୍ରାଞ୍ଜିଟ୍ ହୋମ୍ କରାଯିବ । ୫ଟି ଆମ୍ବୁଲାନ୍ସ ଓ ୩ଟି ମହାପ୍ରୟାଣ ଗାଡି ଯୋଗାଇ ଦିଆଯିବ । କୋରାପୁଟ ଜିଲ୍ଲା ହସ୍ପିଟାଲରେ ଶଯ୍ୟା ସଂଖ୍ୟା ୨୫୦କୁ ବୃଦ୍ଧି କରାଯିବ । ନୂଆ ୱାର୍ଡ ଖୋଲାଯିବ । ଷ୍ଟାଫ୍ କ୍ୱାର୍ଟର ଓ ଆଟେଣ୍ଡାଣ୍ଟଙ୍କ ରେଷ୍ଟ
ହାଉସ୍ କରାଯିବ । ୨ଟି ଆମ୍ବୁଲାନ୍ସ
ଯୋଗାଇଦିଆଯିବ । ନବରଙ୍ଗପୁର ଜିଲ୍ଲା ହସ୍ପିଟାଲରେ ଶଯ୍ୟା ସଂଖ୍ୟା ୨୦୦ କୁ ବୃଦ୍ଧି କରାଯିବ । ୨୦୦ ଶଯ୍ୟା ବିଶିଷ୍ଟ ନୂଆ ବିଲïି ନିର୍ମାଣ କରାଯିବ । ଏହାସହ ୩ ଟି ଆମ୍ବୁଲାନ୍ସ ଓ ୩ ଟି ମହାପ୍ରୟାଣ ଗାଡି ଯୋଗାଇ ଦିଆଯିବ । ଏହି ଘୋଷଣା ବେଳେ ମୁଖ୍ୟମନ୍ତ୍ରୀ କହିଛନ୍ତି ଯେ ମହାତ୍ମା ଗାନ୍ଧିଙ୍କ ୧୫୦ତମ ଜୟନ୍ତୀ ପାଳନ ଅବସରରେ ମୋ ସରକାର କାର୍ଯ୍ୟକ୍ରମ ଆରମ୍ଭ କରାଯାଇଛି । ପୋଲିସ୍ ଏବଂ ସ୍ୱାସ୍ଥ୍ୟ ସେବା କ୍ଷେତ୍ରରେ ଏହି କାର୍ଯ୍ୟକ୍ରମକୁ ଗୁରୁତ୍ୱ ଦିଆଯାଇଛି । ଏହି କ୍ରମରେ ସେ ୧୨୦ଟି କଲ୍ କରି ଲୋକଙ୍କ ଫିଡବ୍ୟାାକ୍ ନେଇଥିଲେ ଏବଂ ପ୍ରତିକ୍ରିୟା ସକରାତ୍ମକ ଥିଲା । ୧୫ଟି ଜିଲ୍ଲାରେ ମୋ ସରକାର କାର୍ଯ୍ୟକ୍ରମ କିପରି କାର୍ଯ୍ୟ କରୁଛି ତାର ନିରୀକ୍ଷଣ ପାଇଁ ବରିଷ୍ଠ ଅଧିକାରୀମାନଙ୍କୁ ପଠାଯାଇଥିଲା । ମୋ ସରକାରର ପ୍ରଥମ ଦିନରେ ସମ୍ପୃକ୍ତ ଅଧିକାରୀମାନେ ଡାକ୍ତର ଓ ରୋଗୀଙ୍କ ସମ୍ପର୍କୀୟଙ୍କ ମାନଙ୍କ ସହ ଆଲୋଚନା କରିଥିଲେ ଏବଂ ସେମାନଙ୍କଠାରୁ ଫିଡ୍ ବ୍ୟାକ୍ ନେଇଥିଲେ ।
