Anupambharat News Bureau
ଭଦ୍ରକ,୨୩ା୧୦(ଅନୁପମ ମିଡିଆ): ଭଦ୍ରକ ସହର ଭିତରେ ଦିନକୁ ଦିନ ବୃଦ୍ଧି ପାଉଥିବା ଲୁଟ୍ ଘଟଣା ପାଇଁ ଅତିଷ୍ଠ ହେଲେଣି ଜନସାଧାରଣ । ଲୁଟେରାଙ୍କ ଆତଙ୍କରାଜରେ ଏବେ ଅସୁରକ୍ଷିତ ଓ ଆତଙ୍କିତ ସହରବାସୀ ଲଗାତର ଛୋଟବଡ ଚୋରି ଓ ଲୁଟ୍ ଘଟଣା ସହରବାସୀଙ୍କ ପାଇଁ ଏବେ ନିତିଦିନିଆ ଘଟଣା ପାଲଟିଛି । ଆଜି ଭଦ୍ରକ ସହର ନୂଆବଜାର ସ୍ଥିତ ସୀତାରାମ କମ୍ପେକ୍ସରେ ଥିବା ଏମକେ ଓମଫେଡ୍ ପାର୍ଲରରୁ ଦିନ ୧୨ଟା ସମୟରେ ୪୦ ହଜାର ଟଙ୍କା ଲୁଟି ନେଇଛି ଲୁଟେରା । ସୂଚନା ଅନୁସାରେ ଦୋକାନ ମାଲିକ କମଳା ସାହୁ ୪୦ ହଜାର ଟଙ୍କା ଦୋକାନ ବାକ୍ସରେ ରଖି ବାହାରକୁ ଯାଇଥିଲେ । ସେହି ସମୟରେ ଦୋକାନରେ ଥିବା କମଳାଙ୍କ ପତ୍ନୀ ଠେଲାବାଲା ଠାରୁ ଟମାଟୋ କିଣିବା ପାଇଁ ଅଳ୍ପ ସମୟ ପାଇଁ ଦୋକାନରୁ ବାହାରକୁ ଯାଇଥିଲେ । ଏହି ସୀମିତ ସମୟ ଭିତରେ ଦୋକାନରେ କେହି ନଥିବା ସୁଯୋଗ ନେଇ ବାକ୍ସରେ ଥିବା ୪୦ ହଜାର ଟଙ୍କା ଧରି ଚମ୍ପଟ ମାରିଥିଲା ଦୃବୁର୍ତ୍ତ । ପୁରା ଘଟଣା ଉପରେ ଥିବା ଏକ ମୋବାଇଲ୍ ଦୋକାନର ସିସିଟିଭି କ୍ୟାମେରାରେ କଏଦ ହୋଇଛି । ପରେ ଘଟଣା ସଂପର୍କରେ ଟାଉନ୍ ଥାନାରେ ଏକ ମାମଲା ରୁଜୁ କରିଛନ୍ତି ଦୋକାନ ମାଲିକ କମଳା ସାହୁ । ପୁଲିସ୍ ଘଟଣାର ତଦନ୍ତ ଆରମ୍ଭ କରିଛି ।
