Anupambharat News Bureau
ୱାଶିଂଟନ୍: ଅଲ କାଏଦା ମୁଖ୍ୟ ଓସାମା ବିନ୍ ଲାଡେନ୍ ଭଳି ଆଇଏସ୍ ମୁଖ୍ୟ ଅବୁ ବକର ଅଲ ବାଗଦାଦିକୁ ମଧ୍ୟ ଆମେରିକା ସର୍ଜିକାଲ ଷ୍ଟ୍ରାଇକ କରି ଖତମ କରିଦେଇଛି । ରାତି ୧ଟାରେ ଆମେରିକା ପକ୍ଷରୁ ହୋଇଥିବା କାର୍ଯ୍ୟାନୁଷ୍ଠାନରେ ଡରି ଯାଇ ବାଗଦାଦି ନିଜକୁ ବିସ୍ପୋରଣ କରି ଉଡ଼ାଇ ଦେଇଥିଲା ।
ଏହାପରେ ଓସାମା ଭଳି ବାଗଦାଦିର ମୃତଦେହକୁ ମଧ୍ୟ ଆମେରିକା ପକ୍ଷରୁ ସମୁଦ୍ରରେ ଫୋପାଡ଼ି ଦିଆଯାଇଛି । ତେବେ କେଉଁ ସ୍ଥାନରେ ଓ କେତେବେଳେ ଆମେରିକା ସେନା ବାଗଦାଦିର ମୃତଦେହକୁ ସମୁଦ୍ରରେ ଫିଙ୍ଗିଲା ସେ ସମ୍ପର୍କରେ ପେଣ୍ଟାଗନ ପକ୍ଷରୁ କୌଣସି ସୂଚନା ଦିଆଯାଇ ନାହିଁ ।
୩ ସେନାର ମୁଖ୍ୟ ଜେନେରାଲ ଜେନେରାଲ ମାର୍କ ମିଲେ କହିଛନ୍ତି, ବାଗଦାଦି ଶନିବାର ରାତିର କାର୍ଯ୍ୟାନୁଷ୍ଠାନ ବେଳେ ନିଜକୁ ବିସ୍ପୋରଣ ଦ୍ୱାରା ଉଡ଼ାଇ ଦେଇଥିଲା । ଏହାପରେ ତା’ର ଡିଏନ୍ଏ ପରୀକ୍ଷା ହୋଇଥିଲା ।
ଏଥିସହ ଅପରେସନରେ ସାମିଲ ଥିବା ଯବାନମାନେ ତା’ର ଖଣ୍ଡବିଖଣ୍ଡିତ ମୃତଦେହକୁ ଆଣିଥିଲେ । ଏବେ ଏହାକୁ ଡିସପୋଜ କରିଦିଆଯାଇଛି । ଆମେ ପରିସ୍ଥିତିକୁ ଦୃଷ୍ଟିରେ ରଖି ସମସ୍ତ ପ୍ରକାରର କାର୍ଯ୍ୟ କରୁଛୁ । ଆମେରିକା ମିଲିଟାରୀ ପ୍ରକ୍ରିୟା ଅନୁସାରେ ବାଗଦାଦିର ମୃତଦେହକୁ ଫୋପାଡ଼ା ଯାଇଛି । ତେଣୁ ଆମେ ଆଇନ୍ ଅନୁସାରେ କାର୍ଯ୍ୟ କରୁଛୁ । ଅନ୍ୟପକ୍ଷରେ ଅପରେସନ ବେଳର ସମସ୍ତ ଦୃଶ୍ୟକୁ ରେକର୍ଡିଂ କରାଯାଇଥିବା ଜଣାପଡ଼ିଛି ।
ହେଲେ ଏବେ ଆମେରିକା ଏହାକୁ ସାର୍ବଜନୀନ କରିବ ନାହିଁ ବୋଲି କହିଛି । ସୂଚନାଯୋଗ୍ୟ, ୨୦୧୧ରେ ପାକିସ୍ତାନର ଆବୋଟ୍ଟାବାଦରେ ଲୁଚି ଥିବା ଓସାମାକୁ ମଧ୍ୟ ଆମେରିକା ଏଭଳି ସର୍ଜିକାଲ ଷ୍ଟ୍ରାଇକ୍ କରି ଖତମ କରିଥିଲା । ଏହାପରେ ତା’ ମୃତଦେହକୁ ସମୁଦ୍ରରେ ଭସାଇ ଦେଇଥିଲା । ଉଲ୍ଲେଖଥାଉକି ମୃତ୍ୟୁର ସୌଦାଗର ଅବୁ ବକର ଅଲ ବାଗଦାଦିର ମୃତ୍ୟୁ ପୂର୍ବରୁ ଘଟିଥିବା ଏକ ରୋଚକ ତଥ୍ୟ ସାମ୍ନାକୁ ଆସିଛି । ଆମେରିକାର କାର୍ଯ୍ୟାନୁଷ୍ଠାନ ପୂର୍ବରୁ ଜଣେ ସିରିଆନ କୁର୍ଦ୍ଦ ଅଣ୍ଡରକଭର ଏଜେଣ୍ଟ ବାଗଦାଦି ରହୁଥିବା କୋଠାରେ ପହଞ୍ଚି ଥିଲେ ।
ମୃତ୍ୟୁ ପରେ ତା’ର ଡିଏନ୍ଏ ପରୀକ୍ଷା ହେବାର ଥିବାରୁ ସେ ବାଗଦାଦି ବ୍ୟବହାର କରୁଥିବା କିଛି ଅନ୍ତଃବସ୍ତ୍ରକୁ ଚୋରି କରି ନେଇ ଆସିଥିଲେ । ଏଥିପାଇଁ ବାଗଦାଦି ବିସ୍ପୋରଣରେ ନିଜକୁ ଉଡ଼ାଇବା ବେଳେ ଅନ୍ତଃବସ୍ତ୍ର ଜରିଆରେ ହିଁ ତା’ର ଡିଏନ୍ଏ ପରୀକ୍ଷା କରିବାରେ ଆମେରିକା ସଫଳ ହୋଇପାରିଥିଲା । ଏହାପରେ ଯାଇ ସାରା ବିଶ୍ୱକୁ ବାଗଦାଦିର ମୃତ୍ୟୁ ସମ୍ପର୍କରେ ଘୋଷଣା କରିଥିଲା । ଅନ୍ତଃବସ୍ତ୍ର ହିଁ ବାଗଦାଦିର ପରିଚୟ ଦେଇଥିଲା । କୁର୍ଦ୍ଦ ନେତୃତ୍ୱରେ ଗଠିତ ସିଆରନ୍ ଡେମୋକ୍ରାଟିକ୍ ଫୋର୍ସ(ଏସïିଏଫ୍) ବରିଷ୍ଠ ପରାମର୍ଶଦା ପୋଲାଟ କାନ୍ ଏବେ ଏହି ଗୁପ୍ତ କାର୍ଯ୍ୟ ସମ୍ପର୍କରେ କହିଛନ୍ତି ।
ସେ କହିଛନ୍ତି, ମେ’ ୧୫ରୁ ସିଆଇଏ ଏବଂ ଆମେ ମିଳିତ ଭାବେ ବାଗଦାଦିର ଗତିବିଧି ଉପରେ ନଜର ରଖି ଆସିଥିଲୁ । ବାଗଦାଦି ପ୍ରାୟ ସବୁ ବେଳେ ଗୋଟିଏ ସ୍ଥାନରୁ ଆଉ ଗୋଟିଏ ସ୍ଥାନକୁ ଚାଲିଯାଏ । ଏହି ସମୟରେ ଆମେ ଗୋଟିଏ ସୂତ୍ରରୁ ବାଗଦାଦି ଯେଉଁ ଘରେ ଲୁଚି ଥିଲା, ତା’ର ଖବର ପାଇଥିଲୁ । ଇଡଲିବରୁ ସେ ଜେରାବ୍ଲୁସକୁ ଯିବାର ଥିଲା । ହେଲେ ଏହା ପୂର୍ବରୁ ହିଁ ଆମେରିକା କାର୍ଯ୍ୟାନୁଷ୍ଠାନ ଗ୍ରହଣ କରିବାରେ ସଫଳ ହୋଇଥିଲା ।
କାର୍ଯ୍ୟାନୁଷ୍ଠାନ ପୂର୍ବରୁ ବାଗଦାଦିର ମୃତ୍ୟୁ ପ୍ରକୃତରେ ହୋଇଛି କି ନାହିଁ, ତାହା ଜାଣିବା ସବୁଠାରୁ ଚ୍ୟାଲେଞ୍ଜ ଥିଲା । ଏଥିପାଇଁ ଆମ ଏଜେଣ୍ଟ ବାଗଦାଦି ବ୍ୟବହାର କରୁଥିବା କିଛି ଅନ୍ତଃବସ୍ତ୍ରକୁ ଚୋରି କରି ଆଣି ଦେଇଥିଲେ । ଏଥିରୁ ହିଁ ଡିଏନଏ ପରୀକ୍ଷା କରି ମୃତବ୍ୟକ୍ତି ଜଣଙ୍କ ବାଗଦାଦି ବୋଲି ପ୍ରମାଣିତ ହୋଇଥିଲା ।
ଇଦଲିବର୍ରେ କୁର୍ଦ୍ଦକୁ ସେନାକୁ ନେଇ ଗଠିତ ଏସ୍ଡ଼ିଏଫ୍ ଗୁଇନ୍ଦା କାର୍ଯ୍ୟ ଯୋଗୁ ଆମେରିକା ଏଠାରେ ଅପରେସନ କରିପାରିଥିଲା । ଏହା ବହୁ ପୂର୍ବରୁ ହେବାର ଥିଲା । କି;ୁ ତୁର୍କୀ ଅକେଫାବର ୯ରୁ କୁର୍ଦ୍ଦ ସେନା ଉପରେ ଆକ୍ରମଣ କରୁଥିବାରୁ ଏହା ବିଳମ୍ବିତ ହୋଇଥିଲା ।
ଅପରେସନ ପାଇଁ ଆମେ ଆମେରିକାକୁ ଏୟାର ଡ୍ରପିଂ ଠାରୁ ଆରମ୍ଭ କରି ଘଟଣା ସ୍ଥଳର ସମସ୍ତ ତଥ୍ୟ ଦେଇଥିଲୁ । ଅପରେସନ ଶେଷ ହେବା ଯାଏ ଆମର ନଜର ସେଠାରେ ଥିଲା ବୋଲି ସେ କହିଛନ୍ତି ।
