ରାଷ୍ଟ୍ରପତି ବିଜେପିର ପକେଟରେ ଅଛନ୍ତି: ଶିବସେନା

November 02, 2019, ଦେଶ, , Anupambharat News Bureau


ରାଷ୍ଟ୍ରପତି ବିଜେପିର ପକେଟରେ ଅଛନ୍ତି: ଶିବସେନା
Anupambharat News Bureau
November 02, 2019

ମୁମ୍ବାଇ: ମହାରାଷ୍ଟ୍ରରେ ସରକାର ଗଢ଼ିବା ନେଇ ଦୁଇ ସହଯୋଗୀ ବିଜେପି-ଶିବସେନା ମଧ୍ୟରେ ବିବାଦ ତେଜିବାରେ ଲାଗିଛି । ଦୁଇ ଦଳର ନେତାଙ୍କ ମନ୍ତବ୍ୟ ଏହି ବିବାଦକୁ ନିଆଁରେ ଘିଅ ଢ଼ାଳିବା ସଦୃଶ ହୋଇଛି ।
ଆଜି ଶିବସେନା ନିଜର ଖବରକାଗଜ ‘ସାମ୍ନା’ ଜରିଆରେ ଗତକାଲି ବିଜେପି ନେତା ସୁଧୀର ମୁଙ୍ଗନତିୱାରଙ୍କ ମନ୍ତବ୍ୟକୁ ଉଦ୍ଧାର କରି ବିଜେପିକୁ କଡ଼ା ସମାଲୋଚନା କରିବା ସହିତ ଅନେକ ପ୍ରଶ୍ନ କରିଛି ।
ଶିବେସେନା କହିଛି, ‘ରାଷ୍ଟ୍ରପତି ଶାସନ କ’ଣ ତୁମ ପକେଟରେ ଅଛି କି? ରାଷ୍ଟ୍ରପତି ଶାସନ ଲଗାଇବା ପାଇଁ ଆବଶ୍ୟକ ରବର ଷ୍ଟାମ୍ପ ରାଜ୍ୟ ବିଜେପି କାର୍ଯ୍ୟାଳୟରେ ଅଛି କି? ଯଦି ମହାରାଷ୍ଟ୍ରରେ ଆମର ଶାସନ ନଆସିବ ତାହେଲେ ବିଜେପି ଷ୍ଟାମ୍ପ ଲଗାଇ ରାଷc୍ରପତି ଶାସନ ଅଘୋଷିତ ସମୟ ପାଇଁ ଲଗାଇ ପାରେ । ସୁଧୀର ମୁଙ୍ଗନତିୱାରଙ୍କ ଧମକର ଅର୍ଥ ଏଭଳି ଜନତା ବୁଝିବା ଉଚିତ କି ? ଗତକାଲି ବିଜେପି ନେତା ସୁଧୀର ମୁଙ୍ଗନତିୱାର କହିଥିଲେ, ୭ ତାରିଖ ମଧ୍ୟରେ ଯଦି କେହି ମହାରାଷ୍ଟ୍ରରେ ସରକାର ଗଠନ କରିବାକୁ ଦାବି ନ ଜାଣିବେ, ତା’ହେଲେ ଏଠାରେ ରାଷ୍ଟ୍ରପତି ଶାସନ ଲାଗୁ ହେବାର ଆଶଙ୍କା ରହିଛି । ମହାରାଷ୍ଟ୍ରବାସୀ କୌଣସି ର୍ନିଦ୍ଦିଷ୍ଟ ଦଳକୁ କ୍ଷମତା ଦଖଲ ପାଇଁ ଭୋଟ ଦେଇ ନାହାନ୍ତି ବରଂ ମେଣ୍ଟ କରିଥିବା ଦଳକୁ ଦେଇଛନ୍ତି । ଏହାପରେ ବିଜେପିକୁ କାଉଣ୍ଟର କରିବାକୁ ଯାଇ ଶିବସେନା ନିଜର ଖବରକାଗଜ ‘ସାମ୍ନା’ ଜରିଆରେ ଏଭଳି ପ୍ରଶ୍ନ କରିଛି ବିଜେପିକୁ । ଶିବସେନା ଆହୁରି କହିଛି, ‘ମହାରାଷ୍ଟ୍ରରେ ସରକାର କାହିଁକି ଗଢ଼ା ଯାଇ ପାରୁନାହିଁ, ଏହାର କାରଣ କିଏ କହିବ? ବିଜେପିର ନେତା ହିଁ ଘୋଷଣା କରିଛନ୍ତି ତାଙ୍କ ଦଳର ନେତା ହିଁ ମୁଖ୍ୟମନ୍ତ୍ରୀ ହେବେ । ତାହେଲେ ସରକାର ଗଢ଼ିବା ପାଇଁ କାହିଁକି ଦାବି କରୁନାହାନ୍ତି ବୋଲି ଶିବସେନା ପ୍ରଶ୍ନ କରିଛି । ସରକାର ଗଢ଼ିବା ପାଇଁ ସମାଧାନର ସୂତ୍ର ବାହାର କରିନପାରି ମହାରାଷ୍ଟ୍ର ବାସୀଙ୍କ ଜନାଦେଶକୁ ଦୋଷ ଦେବା କେତେ ଯୁକ୍ତିଯୁକ୍ତ ବୋଲି ଶିବସେନା ପ୍ରଶ୍ନ କରିଛି ବିଜେପିକୁ ।
ଆଉ ସରକାର ନଗଢ଼ି ପରି ରାଷ୍ଟ୍ରପତି ଶାସନ ଲାଗୁ କରିବା ପାଇଁ ମୋଗଲଙ୍କ ଭଳି ଧମକ ଦେବାର ଅର୍ଥ କ’ଣ? ଆଇନ ଓ ସମ୍ବିଧାନ କାହାର ଗୁଲାମ ନୁହେଁ ।
ମହାରାଷ୍ଟ୍ରରେ ଦୁଇ ସହଯୋଗୀଙ୍କ ମଧ୍ୟରେ ଆଜି ଯେଉଁ ବିବାଦ ଛିଡ଼ା ହୋଇଛି ସେଥିପାଇଁ ଶିବସେନା ଦାୟୀ ନୁହେଁ ବୋଲି ‘ସାମ୍ନା’ ଜରିଆରେ ଶିବସେନା ସ୍ପଷ୍ଟ କରିଛି । ସୂଚନାଯୋଗ୍ୟ, ମହାରାଷ୍ଟ୍ର ବିଧାନସଭା ନିର୍ବାଚନରେ ବିଜେପି-ଶିବସେନା ମେଣ୍ଟକୁ ବହୁମତ ମିଳିଛି । ହେଲେ ମୁଖ୍ୟମନ୍ତ୍ରୀ ପଦକୁ ନେଇ ଦୁଇ ଦଳ ମଧ୍ୟରେ ବିବାଦ ଦେଖାଦେଇଛି । ଅନ୍ୟପଟେ ଶିବସେନା ରାଜ୍ୟର ଅନ୍ୟାନ୍ୟ ଦଳଙ୍କ ସହ ସରକାର ଗଠନ କରିପାରିବ ବୋଲି କହିସାରିଛି ।





Back to Previous Page

<< ପୂର୍ବ ଖବର ପରବର୍ତ୍ତୀ ଖବର >>
ଚନ୍ଦ୍ରଯାନ ୨ ଭବିଷ୍ୟତରେ ହେବ ସଫଫ ଲ୍ୟାଣ୍ଡିଂ: ଶିବନ

ଚନ୍ଦ୍ରଯାନ ୨ ଭବିଷ୍ୟତରେ ହେବ ସଫଫ ଲ୍ୟାଣ୍ଡିଂ: ଶିବନ

Read More...

ପୁଣି ଆସୁଛି ଲଘୁଚାପ,  ୩ରୁ ବର୍ଷା ସମ୍ଭାବନା

ପୁଣି ଆସୁଛି ଲଘୁଚାପ, ୩ରୁ ବର୍ଷା ସମ୍ଭାବନା

Read More...


ଅନୁପମ ଭାରତ ଇ-ପେପର୍



ଅନୁପମଭାରତ ଆପ୍:

Android app Download!

ବିଜ୍ଞାପନ







ସମ୍ପାଦକଙ୍କୁ ପତ୍ର :

Type the above number:





ସାଇଟ୍ ଦର୍ଶକ :

Hit Web Stats
<>

ଯୋଗାଯୋଗ :

Facebook Page Twitter Page YouTube Page Instagram Page