Anupambharat News Bureau
ମୁମ୍ବାଇ,୨୯ା୧୨: ମହାରାଷ୍ଟ୍ରର ମୁଖ୍ୟମନ୍ତ୍ରୀ ଭାବେ ଶପଥ ନେବାର ୩୨ ଦିନ ପରେ ଆସନ୍ତାକାଲି ଉଦ୍ଧବ ଠାକ୍ରେ ବହୁ ପ୍ରତିକ୍ଷିତ ମନ୍ତ୍ରିମଣ୍ଡଳ ସମ୍ପ୍ରସାରଣ କରିବେ । ପ୍ରକାଶ ଥାଉକି ଗତ ୨୮ ନଭେମ୍ବରରେ ଶିବାସେନା ମୁଖ୍ୟ ଉଦ୍ଧବ ଏନ୍ସିପି ଏବଂ କଂଗ୍ରେସର ସମର୍ଥନରେ ମୁଖ୍ୟମନ୍ତ୍ରୀ ହୋଇଥିଲେ ।
କ୍ୟାବିନେଟ୍ ସମ୍ପ୍ରସାରଣ ଚୂଡାନ୍ତ ପାଇଁ ଗତ ଏକ ସପ୍ତାହ ଧରି ମହା ବିକଶା ଅଘାଡ଼ି ମେଣ୍ଟ ଶିବସେନା, ଏନ୍ସିପି ଏବଂ କଂଗ୍ରେସ ନେତାଙ୍କ ମଧ୍ୟରେ ସିରିଜ୍ ବୈଠକ ଅନୁଷ୍ଠିତ ହୋଇଛି । ବର୍ତ୍ତମାନ ମୁଖ୍ୟମନ୍ତ୍ରୀ ସମେତ ଛ’ଜଣ ମନ୍ତ୍ରୀ ରହିଛନ୍ତି । ତିନି ଦଳରୁ ପ୍ରତ୍ୟେକ ଦୁଇ ଜଣ ଲେଖାଏଁ ଏଥିରେ ସାମିଲ ହୋଇଛନ୍ତି । ଆସନ୍ତାକାଲି ୩୬ମନ୍ତ୍ରୀ କ୍ୟାବିନେଟ ସହ ରାଷ୍ଟ୍ରମନ୍ତ୍ରୀ ଶପଥ ନେବା କାର୍ଯ୍ୟକ୍ରମ ରହିଛି । ଆସନ୍ତାକାଲି ମଧ୍ୟାହ୍ନାରେ ମହାରାଷ୍ଟ୍ର ରାଜ୍ୟପାଳ ବିଏସ୍ କୋଶରିୟା ନୂଆ ମନ୍ତ୍ରୀଙ୍କୁ ଶପ୍ ପାଠ କରାଇବେ । ତେବେ ନିର୍ଭରଯୋଗ୍ୟ ସୂତ୍ରରୁ ମିଳିଥିବା ସୂଚନାନୁଯାୟୀ ଏନ୍ସିପି ମୁଖ୍ୟ ଶରଦ ପାୱାରଙ୍କ ପୁତୁରା ଅଜିତଙ୍କୁ ପୁର୍ନବାର ଉପମୁଖ୍ୟମନ୍ତ୍ରୀ ପଦ ମିଳିପାରେ । କଂଗ୍ରେସର ଅଶୋକ ଚୌହ୍ୱାନଙ୍କୁ କ୍ୟାବିନେଟ୍ ପାହ୍ୟା ମନ୍ତ୍ରୀ ପଦ ମିଳିପାରେ । ସେଭଳି ପୃଥ୍ୱୀରାଜ ଚୌହ୍ୱାନଙ୍କୁ ପିସିସ ସଭାପତି ପଦ ମିଳିବ । ଯେହେତୁ ବର୍ତ୍ତମାନର ପିସିସ ସଭାପତି ବାଲସାହେବ ଥ୍ରୋଟ ମନ୍ତ୍ରୀ ରହିଛନ୍ତି । ପ୍ରାଥମିକ ବୁଝାମଣା ପ୍ରକାରେ ଶିବସେନା ପାଖରେ ମୁଖ୍ୟମନ୍ତ୍ରୀ ପଦ ସହ ୧୫ ମନ୍ତ୍ରୀ ପଦ ରହିବ । ସେହିଭଳି
ଏନ୍ସିପିକୁ ୧୪ ଏବଂ କଂଗ୍ରେସକୁ ୧୨ ମନ୍ତ୍ରୀ ପଦ ରହିବ । ମହାରାଷ୍ଟ୍ର ସରକାର ଗଠନରେ ନାଟକୀୟ ମୋଡ଼ ନେଇଥିଲା ଯେତେବେଳେ ଅଜିତ ପାୱାର ବିଜେପିକୁ ସମର୍ଥନ କରିଥିଲେ । ତେବେ ଏହି ସରକାର ମାତ୍ର ୮୦ ଘଣ୍ଟା ତିଷ୍ଠି ରହିଥିଲା ।
