Anupambharat News Bureau
ସାମିଲି: ଗୁରୁ, ତାଙ୍କ ପତ୍ନୀ, ପୁଅ ଓ ଝିଅଙ୍କୁ ନିର୍ମମ ଭାବେ ହତ୍ୟା କଲା ଶିଷ୍ୟ । ଗୋଟିଏ ରାତିରେ ଗୁରୁଙ୍କ ସମେତ ଚାରିଜଣଙ୍କୁ ଧାରୁଆ ହସ୍ତ୍ରରେ କଲା ହତ୍ୟା । ଗୁରୁଙ୍କ ଝିଅକୁ ହତ୍ୟା କରି କାର୍ ଭିତରେ ନିଆଁ ଲଗାଇବା ପାଇଁ ମଧ୍ୟ ଚେଷ୍ଟା କରୁଥିଲା ଶିଷ୍ୟ ।
ନୂଆ ବର୍ଷରେ ସମସ୍ତେ ଖୁସି ମନାଉଥିବା ବେଳେ ଭଜନ ଗାୟକ ଅଜୟ ପାଠକ୍ଙ୍କ ଘରେ ପଡ଼ିଥିଲା କାନ୍ଦ ବୋବାଳି । ଗୁରୁଙ୍କ ପରିବାର ସହ ରାତିରେ ଖାଇବା ପରେ ଏଭଳି ଅଭାବନୀୟ ଘଟଣା ଘଟାଇଥିଲା ଶିଷ୍ୟ । ଉତ୍ତରପ୍ରଦେଶର ସାମିଲିରେ ଏଭଳି ଘଟଣା ଘଟିଛି ।
ସାମିଲିର ଏସପି ବିନିତ୍ ଯଶୱାଲଙ୍କ କହିବା ଅନୁସାରେ ହିଂମାଶୁ ସୈନୀ ନାମକ ଜଣେ ଯୁବକ ଅନ୍ତର୍ଜାତୀୟ ଭଜନ ଗାୟକ ଅଜୟ ପାଠକ୍ଙ୍କ ପାଖରେ କାମ କରୁଥିଲେ । କେଣସି ସ୍ଥାନରେ ଭଜନ କାର୍ଯ୍ୟକ୍ରମ ହେଲେ ହିଂମାଶୁ ତାଙ୍କ ସାଙ୍ଗରେ ଯାଉଥିଲା । ଅଧିକାଂଶ ସମୟରେ ହିଂମାଶୁ ଗୁରୁ ଅଜୟ ପାଠକ୍ଙ୍କ ଘରେ ମଧ୍ୟ ରହୁଥିଲା । ୩୧ ଡିସେମ୍ବର ରାତିରେ ଗୁରୁଙ୍କ ପରିବାର ସହ ଅଭିଯୁକ୍ତ ହିଂମାଶୁ ଖାଇଥିଲା । ଅଚାନକ ରାତିରେ ଅଜୟ ପାଠକ୍ଙ୍କ ସମେତ ତାଙ୍କ ସ୍ତ୍ରୀ ଓ ଝିଅଙ୍କୁ ହିଂମାଶୁ ଧାରୁଆ ଛୁରୀରେ କାଟି ହତ୍ୟା କରିଥିଲା ।
ଗୁରୁ ଓ ତାଙ୍କ ଝିଅ, ସ୍ତ୍ରୀଙ୍କ ଶବ ଦେଖିବା ପରେ ଅଜୟ ପାଠକଙ୍କ ୧୦ ବର୍ଷର ପୁଅକୁ ଖୋଜା ପଡ଼ିଥିଲା । ହେଲେ ଘରେ ପୁଅ ମିଳିନଥିଲା । ହିଂମାଶୁ ଅଜୟ ପାଠକ୍ଙ୍କ ପୁଅକୁ ଗାୟବ କରି ଅନ୍ୟସ୍ଥାନରେ ହିଂମାଶୁ ହତ୍ୟା କରିଥିଲା । ପୁଲିସର ସୂଚନା ମୁତାବକ ବହୁ ଧାର,କରଜରେ ଅଭିଯୁକ୍ତ ହିଂମାଶୁ ବୁଡ଼ି ରହିଥିଲେ । ଅଧିକାଂଶ ସମୟରେ ତାର ମୁଣ୍ଡ କାମ କରୁ ନଥିଲା । ଗୁରୁ ଅଜୟ ପାଠକ୍ଙ୍କ ପାଖରେ ରହି ହିଂମାଶୁ କାମ କରୁଥିଲା ।
ତାର ପାରିଶ୍ରମିକ ବାବଦକୁ ଗୁରୁ ତାକୁ ପ୍ରତିମାସ କିଛି କିଛି ଟଙ୍କା ଦେଉଥିଲେ । କି;ୁ ପାରିଶ୍ରମିକ ବାବଦକୁ ଅଧିକ ଟଙ୍କା ଦାବି କରିଥିଲା ହିଂମାଶୁ । ତାକୁ ଅଧିକ ଟଙ୍କା ଦେବାକୁ ଅଜୟ ପାଠକ୍ ମନା କରି ଦେଇଥିଲେ । ଏପରି କି ଧାର ଆକାରରେ ୬୦ ହଜାର ଟଙ୍କା ଅଭିଯୁକ୍ତ ହିଂମାଶୁକୁ ଅଜୟ ପାଠକ୍ ଦେଇଥିଲେ ।
ଅଜୟ ପାଠକ୍ ଧାର ଟଙ୍କା ମାଗିବାରୁ ଦୁଇଜଣଙ୍କ ଭିତରେ ଝଗଡ଼ା ହୋଇଥିଲା । ଏହି କଥାରେ ହିଂମାଶୁ ରାଗି ଯାଇଥିଲା । ରାତିରେ ଅଜୟ ପାଠକ୍ଙ୍କ ସମେତ ପରିବାର ସମସ୍ତ ଲୋକଙ୍କୁ ହତ୍ୟା କରିଥିଲା ହିଂମାଶୁ । ଏହି ହତ୍ୟା ଘଟଣାରେ ପୋଲିସ ଅଭିଯୁକ୍ତ ହିଂମାଶୁ ଗିରଫ କରି କୋର୍ଟ ଚାଲାଣ କରିଛି ।
