Anupambharat News Bureau
ନୁ୍ୟୟର୍କ, ୮ା୪: କରୋନା ଭାଇରସକୁ ନେଇ ଆମେରିକା ଡେଥ୍ ଜୋନ ଘୋଷିତ କରିଛି । ଏହି ମହାମାରୀରେ ଏ ପର୍ଯ୍ୟନ୍ତ ଆମେରିକାରେ ସର୍ବାଧିକ ଲୋକଙ୍କ ମୃତୁ୍ୟ ଘଟିଛି । ହପକିନ୍ସ ୟୁନିଭର୍ସିଟି ଅନୁସାରେ କ୍ରମାଗତ ଦ୍ୱିତୀୟ ଦିନରେ ଆମେରିକାରେ ପ୍ରାୟ ୨୦୦୦ ଲୋକଙ୍କ ମୃତୁ୍ୟ ଘଟିଛି । ଏହା ସହିତ ପ୍ରାୟ ୩୧ ହଜାର କୋଭିଡ୍-୧୯ ପଜିଟିଭ୍ ଚିହ୍ନଟ ହୋଇଛନ୍ତି । ଆମେରିକାରେ ଅଦ୍ୟାବଧି ୪ ଲକ୍ଷ ୩୪ ହଜାର ୫୮୧ ଜଣ କରୋନା ପଜିଟିଭ୍ ଚିହ୍ନଟ ହୋଇଛନ୍ତି । ଏହି ମହାମାରୀରେ ମୃତକଙ୍କ ସଂଖ୍ୟା ୧୪,୭୭୯କୁ ବୃ୍ଦ୍ଧି ଘଟିଛି । ଦେଶର ନୁ୍ୟୟର୍କ ସହର ସବୁଠୁ ଅଧିକ ପ୍ରଭାବିତ ହୋଇଛି । ଏଠାରେ ଏ ପର୍ଯ୍ୟନ୍ତ ୧ ଲକ୍ଷ ୫୧ ହଜାର ୧୭୧ କରୋନା ଭାଇରସ୍ ପଜିଟିଭ୍ ଚିହ୍ନଟ ହୋଇଛି । ଅନ୍ୟପଟେ ୬,୨୬୮ ଜଣ ପ୍ରାଣହାନୀ ଘଟିଛି । ବୁଧବାର ୧୯୩୧ ଜଣଙ୍କ ମୃତ୍ୟୁ ଘଟିଥିବା ଜଣା ପଡିଛି । ଦେଶରେ ଏ ପର୍ଯ୍ୟନ୍ତ ୧୪,୭୭୯ ଜଣଙ୍କ ମୃତୁ୍ୟ ଘଟିଛି । ଏହା ବ୍ୟତୀତ ୯,୨୭୯ ଜଣଙ୍କ ଅବସ୍ଥା ଗୁରୁତର ରହିଛି । ବିଶ୍ୱ ସ୍ୱାସ୍ଥ୍ୟ ସଂଗଠନ(ଡବ୍ଲ୍ୟୁଏଚଓ) ଦ୍ୱାରା ଜାରି ଏକ ଦୈନିକ ବୁଲେଟିନ୍ ଅନୁସାରେ ସମଗ୍ର ବିଶ୍ୱରେ କରୋନା ଆକ୍ରାନ୍ତଙ୍କ ସଂଖ୍ୟା ୧୩ ଲକ୍ଷ ୫୩ ହଜାର ୩୬୧ରେ ପହଁଚିଛି । ଏହା ସହିତ ମୃତୁ୍ୟ ସଂଖ୍ୟା ୭୯,୨୩୫କୁ ବୃଦ୍ଧି ଘଟିଛି । ଗତ ଗୋଟିଏ ଦିନରେ ସଂକ୍ରମିତଙ୍କ ସଂଖ୍ୟା ୭୩ ହଜାର ୬୩୯ ବୃ୍ଦ୍ଧି ଘଟିଥିବା ବେଳେ ୬,୬୯୫ ଜଣଙ୍କ ମୃତୁ୍ୟ ଘଟିଛି । ଡବ୍ଲ୍ୟୁଏଚଓ କହିଛି ଯେ, ଏ ପର୍ଯ୍ୟନ୍ତ ମୃତୁ୍ୟ ସଂଖ୍ୟାରେ ଗୋଟିଏ ଦିନରେ ଏହା ସବୁଠୁ ବଡ ବୃଦ୍ଧି । ୟୁରୋପରେ କରୋନା ଆକ୍ରାନ୍ତଙ୍କ ସଂଖ୍ୟା ସବାର୍ଧିକ ୭ ଲକ୍ଷ ୨୦ ହଜାର ୨୧୯ ରହିଥିବା ବେଳେ ୫୭ ହଜାର ୩୬୯ ଜଣଙ୍କ ମୃତୁ୍ୟ ଘଟି ସାରିଛି । ଉତ୍ତର ଓ ଦକ୍ଷିଣ ଆମେରିକା ଦେଶରେ କରୋନା ସଂକ୍ରମିତ ସଂଖ୍ୟା ୪ ଲକ୍ଷ ୧୭ ହଜାର ୪୧୬ ରହିଛି । ଏହି ମହାମାରୀରେ ୧୨ ହଜାର ୫୯୭ ଜଣଙ୍କ ମୃତୁ୍ୟ ଘଟି ସାରିଛି । ମୃତୁ୍ୟ ମାମଲାରେ ଏହା ଦ୍ୱିତୀୟ ସ୍ଥାନରେ ରହିଛି । ସେହିପରି ପଶ୍ଚିମ ପ୍ରଶାନ୍ତ କ୍ଷେତ୍ର ଚୀନ, ଦକ୍ଷିଣ କୋରିଆ ଓ ଜାପାନରେ କରୋନା ଆକ୍ରାନ୍ତଙ୍କ ସଂଖ୍ୟା ୧ ଲକ୍ଷ ୧୪ ହଜାର ୬୬୭ ରହିଥିବା ବେଳେ ଏପ୍ରିଲ ୩ ସୁ୍ଦ୍ଧା ୩,୯୨୨ ଜଣଙ୍କ ମୃତୁ୍ୟ ସହିତ ତୃତୀୟ
ସ୍ଥାନରେ ରହିଛି । ଡବ୍ଳୁୃ୍ୟଏଚଓ ଦ୍ୱାରା ପ୍ରକାଶିତ ତଥ୍ୟ ଅନୁଯାୟୀ ଆମେରିକା କରୋନା ଭାଇରସର ୩ ଲକ୍ଷ ୬୩ ହଜାର ୩୨୧ ଆକ୍ରାନ୍ତଙ୍କ ସହ ଶୀର୍ଷରେ ରହିଛି । ଏହା ପରେ ସ୍ପେନ(୧,୪୦,୫୧୦), ଇଟାଲୀ(୧,୩୫,୫୮୬), ଜର୍ମାନୀ(୧,୦୩,୨୨୮) ଓ ଚୀନ(୮୩,୧୫୭) ରହିଛି । ଉଲ୍ଲେଖଯୋଗ୍ୟ ଗତ ମାର୍ଚ୍ଚ ୧୧ରେ ଡବ୍ଳୁୃ୍ୟଏଚଓ କରୋନା ଭାଇରସକୁ ମହାମାରୀ ଘୋଷିତ କରିଥିଲା ।
