Anupambharat News Bureau
ହିିଳିକାଟୁ, ୧୧ା୪(ଅନୁପମମିଡ଼ିଆ): ଗଞ୍ଜାମ ଜିଲ୍ଲା ହିଞ୍ଜିଳି ଥାନା ଖରିଡ଼ା ଗ୍ରାମରେ ଶନିବାର ପୂର୍ବାହ୍ନରେ ଜଣେ ନାବାଳକ ବନ୍ଧୁଙ୍କ ବ୍ୟାଟ୍ ମାଡ଼ରେ ଅନ୍ୟ ଜଣେ ନାବାଳକଙ୍କ ମୃତୁ୍ୟ ଘଟିଛି । ମୃତକ ଜଣକ ସମ୍ପୃକ୍ତ ଗ୍ରାମର କେଶବ ସେଠିଙ୍କ ଏକମାତ୍ର ପୁତ୍ର ବିଭୁ (୧୩) । ସେ ହିଞ୍ଜିଳି ବ୍ଳକ ଶାସନ ଆମ୍ବଗାଁ ଓଡ଼ିଶା ଆଦର୍ଶ ବିଦ୍ୟାଳୟର ୯ମ ଶ୍ରେଣୀର ଛାତ୍ର । ନାବାଳକଙ୍କ ଜେଜେ ବାପା ବିଜୟ ସେଠିଙ୍କ ଏତାଲା କ୍ରମେ ହିଞ୍ଜିଳିି ଥାନା ନଂ- ୧୧୩/୨୦ ରେ ଏକ ମାମଲା ରୁଜୁ କରି ଶବକୁ ଜବତ କରିବା ସହ ବ୍ୟବଚ୍ଛେଦ ସକାଶେ ବ୍ରହ୍ମପୁର ବଡ଼ ଡ଼ାକ୍ତରଖାନାକୁ ପଠାଇଛି । ଅଭିଯୁକ୍ତ ନାବାଳକଙ୍କୁ ଥାନାରେ ଅଟକ ରଖି ପୁଲିସ ଘଟଣାର ତଦନ୍ତ ଚଳାଇଥିବା ଆସିକା ପୋଲିସ ଏସଡ଼ିପିଓ ସୂର୍ଯ୍ୟମଣି ପ୍ରଧାନ କହିଛନ୍ତି ।ପ୍ରକାଶ ଯେ, ଶନିବାର ସକାଳ ପ୍ରାୟ ସାଢେ ୯ ଘଣ୍ଟା ସମୟରେ ବିଭୁ ଅନ୍ୟ ସାଙ୍ଗ ମାନଙ୍କ ସହ ଗ୍ରାମ ଆମ୍ବ ତୋଟାରେ କ୍ରିକେଟ ଖେଳୁଥିଲେ । ଖେଳ ସମୟରେ କୌଣସି କଥାକୁ କେନ୍ଦ୍ର କରି ଅଭିଯୁକ୍ତ ନାବାଳକ ସହ ବଚସା ହୋଇଥିଲା । ଅଭିଯୁକ୍ତ ନାବାଳକ ସାଙ୍ଗଙ୍କ ବ୍ୟାଟରେ ବିଭୁଙ୍କୁ ଆଘାତ କରିଥିଲେ । ବ୍ୟାଟ୍ ମାଡ଼ରେ ମୁଣ୍ଡରେ ଗଭୀର କ୍ଷତ ହେବା ସହ ଚେତାଶୂନ୍ୟ ହୋଇ ଘଟଣା ସ୍ଥଳରେ ପଡ଼ି ଯାଇଥିଲେ । ପରିବାର ଓ ଅନ୍ୟମାନେ ଚେତାଶୂନ୍ୟ ଅବସ୍ଥାରେ
ବିଭୁଙ୍କୁ
ଉଦ୍ଧାର କରି ଚିକିତ୍ସା ସକାଶେ ହିଞ୍ଜିଳିକାଟୁ ଉପଖଣ୍ଡ ଚିକିତ୍ସାଳୟରେ ଭର୍ତ୍ତି କରିଥିଲେ । ସେଠାରେ ଡ଼ାକ୍ତର, ତାଙ୍କୁ ମୃତ ଘୋଷଣା କରିଥିଲେ । ଖବର ପାଇ ହିଞ୍ଜିିଳିକାଟୁ ଉପଖଣ୍ଡ ଚିକିତ୍ସାଳୟରେ ତହସିଲଦାର ଗୋପିନାଥ କୁଅଁର, ବିଡ଼ିଓ ପ୍ରସନ କୁମାର ପାତ୍ର, ଆସିକା ପୋଲିସ ଏସଡ଼ିପିଓ ସୂର୍ଯ୍ୟମଣି ପ୍ରଧାନ, ଥାନା ଭାରପ୍ରାପ୍ତ ଅଧିକାରୀ ଅଭିମନୁ୍ୟ ଦାସ ପହଞ୍ଚଥିଲେ । ପ୍ରକାଶ ଥାଉକି, ଆସନ୍ତା ୩୦ ତାରିଖ ପର୍ଯ୍ୟନ୍ତ ଲକଡ଼ାଉନ ଘୋଷଣା କରାଯାଇଛି । ଅତ୍ୟାବଶ୍ୟକ ନଥିଲେ ଘରୁ ବାହାରକୁ ନବାହାରିବାକୁ ପ୍ରଶାସନ ପକ୍ଷରୁ ଗାଁ ଗାଁ ବୁଲି ସଚେତନତା କରାଯାଉଥିଲେ ମଧ୍ୟ ଗ୍ରାମାଞ୍ଚଳରେ କଟକଣାକୁ କେହି ଗୁରୁତ୍ୱ ଦେଉନଥିବା ଆଜିର ଘଟଣା ପ୍ରମାଣିତ କରିଛି ।
