Anupambharat News Bureau
ଭୁବନେଶ୍ୱର, ୧୧ା୪ ରାଜ୍ୟରେ ବର୍ତ୍ତମାନ ସୁଦ୍ଧା ୩୭ଟି ସକ୍ରିୟ କରୋନା ମାମଲା ରହିଛି । ଏହି ୩୭ ଜଣଙ୍କ ମଧ୍ୟରୁ ଦୁଇ ଜଣ ହସ୍ପିଟାଲ ସପୋର୍ଟରେ ଅଛନ୍ତି । ଅନ୍ୟ ମାନଙ୍କର କୌଣସି ହସ୍ପିଟାଲ ସପୋର୍ଟର ଆବଶ୍ୟକତା ପଡି ନାହିାଁ ତେଣୁ ଖୁବ ଶୀଘ୍ର ଆହୁରି କରୋନା ସଂକ୍ରମିତ ସୁସ୍ଥ ହୋଇ ଘରକୁ ଫେରିବେ ବୋଲି କହିଛନ୍ତି ଏନଏଚଏମର ମିଶନ ନିର୍ଦ୍ଦେଶକ ଶାଲିନୀ ପଣ୍ଡିତ ପ୍ରକାଶ କରିଛନ୍ତି ।
ସେ କହିଛନ୍ତି ଯେ ଅତ୍ୟନ୍ତ ଖୁସିର ଖବର ଯେ, ରାଜ୍ୟରେ ମୋଟ ୧୦ ଜଣ କରୋନା ରୋଗୀଙ୍କ କରୋନା ରିପୋର୍ଟ ନେଗେଟିଭ ଆସିିଛି । ସେମାନଙ୍କୁ ଡିସଚାର୍ଜ କରାଯାଉଥିବା ସେ ପ୍ରକାଶ କରିଛନ୍ତି । ସେ କହିଛନ୍ତି ଯେ କରୋନା ୬୦ ବର୍ଷରୁ ଅଧିକ ଲୋକ ମାନଙ୍କ ପାଇଁ ଅଧିକ ବିପଦ ଥିବା ବେଳେ ରାଜ୍ୟରେ ମାତ୍ର ୮ ପ୍ରତିଶତ ସଂକ୍ରମିତ ୬୦ ବର୍ଷରୁ ଊର୍ଦ୍ଧ୍ୱ ଅଛନ୍ତି । ଏହା ରାଜ୍ୟ ପାଇଁ ଭଲ ବୋଲି ସେ କହିଛନ୍ତି । ଅନ୍ୟପକ୍ଷେ କୋବିଡ-୧୯ ପରୀକ୍ଷା ପାଇଁ ଭୁବନେଶ୍ୱରର ବିଭିନ୍ନ ସ୍କୁଲରେ ନମୁନା ସଂଗ୍ରହ ପ୍ରକ୍ରିୟା ଆରମ୍ଭ ହୋଇଛି । ରାଜଧାନୀର ପାଞ୍ଚଟି ସ୍କୁଲରେ ମେଡିକାଲ ଟିମ ସନ୍ଦିଗ›ଙ୍କ ଠାରୁ ନମୂନା ସଂଗ୍ରହ କରୁଥିବା ଜଣାପଡିଛିା ରାଜଧାନୀର ଝାରପଡା ପ୍ରାଥମିତ ବିଦ୍ୟାଳୟ,ଚନ୍ଦ୍ରଶେଖରପୁର ସରକାରୀ ହାଇସ୍କୁଲ, ସହୀଦନଗର ସରକାରୀ ହାଇସ୍କୁଲ, ଗଣ୍ଡ ମୁଣ୍ଡା ୟୁଜି ହାଇସ୍କୁଲ ଓ ନୟାପଲ୍ଲୀ ମମତାଜ ଅଲି ହାଇସ୍କୁଲରେ ଏହି ନମୁନା ପରୀକ୍ଷଣ ପାଇଁ ଆବଶ୍ୟକୀୟ ବ୍ୟବସ୍ଥା କରାଯାଇଛି । ମେଡିକାଲ ଟିମର ଏପରି ନମୁନା ସଂଗ୍ରହ ପ୍ରକ୍ରିୟା ୧୭ ତାରିଖ ଯାଏ ଚାଲିବ । ଏ ସମ୍ପର୍କରେ ଶୁକ୍ରବାର ଜନ ସ୍ୱାସ୍ଥ୍ୟ ନିର୍ଦ୍ଦେଶକ ଖୋର୍ଦ୍ଧା ଜିଲ୍ଲା ଶିକ୍ଷା ଅଧିକାରୀଙ୍କୁ ପତ୍ର ଲେଖିଥିଲେ । ଏହି ସମୟରେ ସ୍କୁଲରେ ଦୁଇ ଜଣ ଶିକ୍ଷକ ଜଣେ ସ୍ୱିପର ଓ ଜଣେ ବାଚମ୍ୟାନକୁ ଉପସ୍ଥିତ ରହିବାକୁ କୁହାଯାଇଛି । ସକାଳ୯ଟାରୁ ମଧ୍ୟାହ୍ନ ୧୨ଟା ଓ ଅପରାହ୍ନ ୩ଟାରୁ ୫ଟା ଯାଏ ନମୁନା ସଂଗ୍ରହ କରା ଯିବ ବୋଲି ଜଣାପଡିଛି । ପ୍ରକାଶ ଥାଉକି ରାଜ୍ୟରେ ମୋଟ ୧୦ ଜଣ କରୋନା ରୋଗୀ ସୁସ୍ଥ ହୋଇଛନ୍ତି । ସ୍ୱାସ୍ଥ୍ୟ ଓ ପରିବାର କଲ୍ୟାଣ ବିଭାଗ ପକ୍ଷରୁ ଟ୍ୱିଟ କରି ଏହି ସୂଚନା ଦିଆ ଯାଇଛି । ଏହି ଦଶ ଜଣଙ୍କର କରୋନା ପରୀକ୍ଷଣ ରିପୋର୍ଟ ନେଗେଟିଊ ଆସିଛି ।
ସ୍ୱାସ୍ଥ୍ୟ ଓ ପରିବାର କଲ୍ୟାଣ ପକ୍ଷରୁ କୁହା ଯାଇଛି ଯେ ଯେଉଁ ରୋଗୀ ମାନଙ୍କର ରିପୋର୍ଟ ନେଗେଟିଭ ଆସିଛି ସେଥି ମଧ୍ୟରୁ ଭୂୁବନେଶ୍ୱରର ୫ ଜଣ, ଭଦ୍ରକର ଦୁଇ ଜଣ, କଟକ, ପୁରୀ ଓ ଯାଜପୁରର ଜଣେ ଜଣେ ରୋଗୀ ସାମିଲ ଅଛନ୍ତି ।
