Anupambharat News Bureau
ଭୁବନେଶ୍ୱର, ୧୩ା୪(ଅନୁପମମିଡ଼ିଆ): ଆସନ୍ତା ୫ ମାସ ପାଇଁ ରାଜ୍ୟରେ ଯଥେଷ୍ଟ ପରିମାଣର ଅତ୍ୟାବଶ୍ୟକ ଔଷଧ ଯଥା- ଆଣ୍ଟିବାୟୋଟିକ୍ସ, ଆନାଲ୍ଜେସିକ୍ସ ଓ ଆଣ୍ଟିଇନ୍ଫ୍ଲାମେଟାରୀ ଉପଲବ୍ଧ ରହିଛି । ଏହା ବ୍ୟତୀତ ଯଥେଷ୍ଟ ପରିମାଣର ତିନିପରସ୍ତ ସର୍ଜିକାଲ୍ ମାସ୍କ, ଏନ୍-୯୫ ମାସ୍କ, ହ୍ୟାଣ୍ଡ ସାନିଟାଇଜର, ବ୍ୟକ୍ତିଗତ ସୁରକ୍ଷା ଉପକରଣ ମହଜୁଦ ରହିଛି । ଅନୁରୂପ ଭାବରେ ଆଇ.ସି.ୟୁ ଭେଣ୍ଟିିଲେଟର, ଅକ୍ସିଜେନ୍ କନ୍ସେନ୍ଟ୍ରେଟର୍ସ ଓ ନେବୁଲାଇଜର ଇତ୍ୟାଦି ଉପଲବ୍ଧ ରହିଛି । ଆଉ ୪ ମାସ ପାଇଁ ଔଷଧ ଆମଦାନୀ ନିମନ୍ତେ ଆଦେଶ ଦିଆଯାଇଛି ବୋଲି ଓଡ଼ିଶା ରାଜ୍ୟ ଔଷଧ ନିଗମର ପରିଚାଳନା ନିର୍ଦ୍ଦେଶିକା ଯାମିନୀ ଷଡଙ୍ଗୀ ସାମ୍ବାଦିକ ସମ୍ମିଳନୀରେ ସୂଚନା ଦେଇଛନ୍ତି । କୋଭିଡ୍ ୧୯ ମୁକାବିଲା ପାଇଁ ଯାହା ସବୁ ଆବଶ୍ୟକ ପଦକ୍ଷେପ ନିଆଯାଇଛି । ବର୍ତ୍ତମାନ ମାନ ସୁଦ୍ଧା ଓଡିଶାକୁ ୪୦୦୦ ଟେଷ୍ଟିଂ କିଟ୍ ଆସିଛି । ରାଜ୍ୟରେ ବର୍ତ୍ତମାନ ୨୯୯ ଟି ଭେଣ୍ଟିଲେଟର କାର୍ଯ୍ୟକ୍ଷମ ଅଛି । ଆଉ୪୨୪ ଅର୍ଡର ଦିଆଯାଇଛି । ସେଥିରୁ ବର୍ତ୍ତମାନ ୫୭ଟି ମିଳିଛି । ସେ କହିଛନ୍ତି ଯେ ଓଡିଶା ରାଜ୍ୟ ସ୍ୱାସ୍ଥ୍ୟ ନିଗମ ଗତବର୍ଷ ୬୦୦ କୋଟି ଟଙ୍କାର ଔଷଧ ଓ ସରଞ୍ଜାମ ଯୋଗାଇଥିଲେ । କରୋନା ମୁକାବିଲା ପାଇଁ ମୁଖ୍ୟମନ୍ତ୍ରୀ ୬୩୦ କୋଟି ମଞ୍ଜୁୁର କରିଛନ୍ତି । ବର୍ତ୍ତମାନ ସୁଦ୍ଧା ନିଗମ ୩୨ କୋଟି ଟଙ୍କାର ଔଷଧ ଓ ସରଞ୍ଜାମ କିଣି ସାରିଛି । ସେହିପରିରାଜ୍ୟର ୬୭୯୮ ଗ୍ରାମ ପଞ୍ଚାୟତରେ ୭୦୨୦ଟି ଅସ୍ଥାୟୀ ଚିକିତ୍ସା କେନ୍ଦ୍ର ଖୋଲାଯାଇଛି । ଏସବୁରେ ୧,୬୨,୬୫୯ଟି ଶଯ୍ୟାର ବ୍ୟବସ୍ଥା କରାଯାଇଛି ।
