Anupambharat News Bureau
ନୂଆଦିଲ୍ଲୀ,୨୭ା୫: ସମଗ୍ର ଭାରତ ବର୍ଷରେ କୋରନା ରୋଗର ବ୍ୟାପକତା ଅସହ୍ୟ ଭାବରେ ବୃଦ୍ଧି ପାଇବାରେ ଲାଗିଛି । ଏହି ରୋଗକୁ ନିୟନ୍ତ୍ରଣ କରିବା ପାଇଁ ଯଦିଓ ଦେଶରେ ଲକ୍ଡାଉନର ଚତୁର୍ଥ ପର୍ଯ୍ୟୟ ନିୟମାବଳୀ ଜାରି ରହିଛି । ତେବେ ମଧ୍ୟ ଆଜି ଏହା ନିୟନ୍ତ୍ରଣ ହୋଇପାରିନାହିଁ । ଦୈନିକ ୬ ହଜାରରୁ ଊର୍ଦ୍ଧ୍ୱ ହାରରେ କୋରାନା ପଜିଟିଭ୍ ସଂଖ୍ୟା ବୃଦ୍ଧି ପାଉଥିବା ଦେଖିବାକୁ ମିଳିଛି ।ଚଳିତ ଦିନରେ ଏହି ରୋଗରେ ଆକ୍ରାନ୍ତ ଲୋକଙ୍କୁ ଚିକିତ୍ସା ମଧ୍ୟ କରାଯାଉଛି । ଏହା ସତ୍ତେ୍ୱ ଗତ ୨୪ ଘଣ୍ଟାରେ ଭାରତରେ ୧୭୦ ଜଣ ଲୋକ କୋରନା ରୋଗରେ ପ୍ରାଣ ହରାଇଛନ୍ତି । ଏପରିକି ଗତ ୨୪ ଘଣ୍ଟା ମଧ୍ୟରେ ସମୁଦାୟ ୬୩୮୭ ସଂଖ୍ୟକ ଲୋକ କୋଭିଡ ୧୯ ପଜିଟିଭରେ ଆକ୍ରାନ୍ତ ହୋଇଛନ୍ତି । ଏପରିକି ରାଷ୍ଟ୍ରୀୟ ରାଜଧାନୀ ନଗରୀ ନୂଆଦିଲୀ୍ଲରେ ମଧ୍ୟ ସ୍ଥିତ ଅତ୍ୟନ୍ତ ସଙ୍ଗୀନ ହୋଇଛି । ଗତ ୨୪ ଘଣ୍ଟାରେ ଦିଲ୍ଲୀରେ ୭୯୨ ସଂଖ୍ୟକ ନୂଆ କୋଭିଡ ୧୯ ପଜିଟିଭ ରୋଗୀଙ୍କ ଚିହ୍ନଟ ହୋଇଛି । ଦିଲ୍ଲୀରେ ହିଁ ମୃତକଙ୍କ ସଂଖ୍ୟା ଇତିମଧ୍ୟରେ ତିନି ଶହ ଟପିଯାଇଛି । ଦିଲ୍ଲୀରେ ସର୍ବାଧିକ ହାରରେ ଏହି ଆକ୍ରାନ୍ତଙ୍କ ସଂଖ୍ୟା ରେର୍କଡ ହୋଇଥିବା ଜଣାପଡିଛି । ଆଜିର ଏହି ନୂଆଁ ଆକ୍ରାନ୍ତଙ୍କୁ ମିଶାଇ ଦିଲ୍ଲୀରେ ସମୁଦାୟ କୋରନା ରୋଗୀଙ୍କ ସଂଖ୍ୟା ୧୫,୨୫୭କୁ ବୃଦ୍ଧିପାଇଛି । ଯଦିଓ ଦିଲ୍ଲୀରେ ମାତ୍ର ୭୨୬୪ ରୋଗୀ ସୁସ୍ଥ ହୋଇଘରକୁ ଫେରିଛନ୍ତି । ତେବେ ପୁଣି ୭୬୯୦ ସଂଖ୍ୟକ ଲୋକ ଚିକିତ୍ସା ଅବସ୍ଥାରେ ଅଛନ୍ତି ବୋଲି ଦିଲ୍ଲୀ ସ୍ୱାସ୍ଥ୍ୟ ବିଭାଗ ପକ୍ଷରୁ କୁହାଯାଇଛି । ଦିଲ୍ଲୀରେ ପୁଣି ଆଜି ୧୫ ଜଣ ରୋଗୀ ଏହି କୋରନା ରୋଗରେ ପ୍ରାଣ ହରାଇବା ଯୋଗୁ ମୃତକଙ୍କ ସଂଖ୍ୟା ୩୦୩ ପହଞ୍ଚିଛି । ସଂକ୍ରମଣ ଯୋଗୁ ହିଁ ଲୋକଙ୍କ ମୃତୁ୍ୟ ଘଟିଛି ବୋଲି ସ୍ୱାସ୍ଥ୍ୟ ବିଭାଗ ପକ୍ଷରୁ ଜଣାପଡିଛି । ସୂଚନା ଥାଉକି ଚଳିତ ମାସ ୨୨ ତାରିଖରେ ଦିଲ୍ଲୀରେ ୬୬୦ ସଂଖ୍ୟକ ଲୋକ ଗୋଟିଏ ଦିନରେ ଆକ୍ରାନ୍ତ ହୋଇଥିବାବେଳେ ଏହାକୁ ଆଜି ପଜିଟିଭ ସଂଖ୍ୟା ଟପିଯାଇ ଗତ ୨୪ ଘଣ୍ଟାରେ ଏହା ୭୯୨ କୁ ପହଞ୍ଚିଛି । ଦିଲ୍ଲୀ ବାସୀଙ୍କ ମଧ୍ୟରେ ଆଶଙ୍କା ବୃଦ୍ଧି ପାଇଛି ।
ତାମିଲନାଡୁରେ ମଧ୍ୟ କୋରନା ଭାଇରସ ବା କୋଭିଡ ୧୯ର ପ୍ରଭାବ ମାରାତ୍ମକ ହେବାରେ ଲାଗିଛି । ରାଜ୍ୟରେ ଗତ ୨୪ ଘଣ୍ଟା ମଧ୍ୟରେ ସମୁଦାୟ ୮୧୭ ସଂଖ୍ୟକ ଲୋକ ପଜିଟିଭରେ ଆକ୍ରାନ୍ତ ହୋଇଛନ୍ତି । ଏହାକୁ ମିଶାଇ ତାମିଲନାଡୁରେ ସମୁଦାୟ ଆକ୍ରାନ୍ତଙ୍କ ସଂଖ୍ୟା ୧୮୫୪୫କୁ ବୃଦ୍ଧିପାଇଛି । ଯଦିଓ ରାଜ୍ୟରେ ଗୋଟିଏ ଦିନରେ ୬ଜଣ ଲୋକ ପ୍ରାଣ ହରାଇଛନ୍ତି ଏହାର ସୁମଦାୟ ମୃତକଙ୍କ ସଂଖ୍ୟା ୧୩୩ କୁ ପହଞ୍ଚିଛି । ସୂଚନାଯେ ଚେନ୍ନାଇ ନଗରୀରେ ସମୁଦାୟ ଆକ୍ରାନ୍ତଙ୍କ ସଂଖ୍ୟା ଆଜି ଗୋଟିଏ ଦିନରେ ୫୫୮ ସଂଖ୍ୟକ ଚିହ୍ନଟ ହୋଇଛନ୍ତି ।ଅନ୍ୟ ରାଜ୍ୟ ଗୁଡିକରେ ମଧ୍ୟ ସ୍ଥିତି ଗମ୍ଭୀରଜନକ ରହିଛି । ମହାରାଷ୍ଟ୍ରରେ ଗୋଟିଏ ଦିନରେ ୨୦୯୧ ସଂଖ୍ୟକ ନୂଆଁ ପଜିଟିଭ ଚିହ୍ନଟ ହୋଇଛି । ଫଳରେ ରାଜ୍ୟରେ ୫୪,୭୫୮ ସଂଖ୍ୟକ ଲୋକ ସର୍ବାଧିକ ହାରରେ ଆକ୍ରାନ୍ତ ହୋଇଛନ୍ତି । ଗୁଜୁରାଟରେ ମଧ୍ୟ ୩୬୧ ସଂଖ୍ୟକ ଲୋକ ଆକ୍ରାନ୍ତ ହେବା ଯୋଗୁ ରାଜ୍ୟରେ ସମୁଦାୟ ଆକ୍ରାନ୍ତଙ୍କ ସଂଖ୍ୟା ୧୪,୮୨୧ ପହଞ୍ଚିଛିି । ମୃତକଙ୍କ ସଂଖ୍ୟା ମଧ୍ୟ ଆଜି ମହାରାଷ୍ଟ୍ରରେ ସର୍ବାଧିକ ୯୭ ରେର୍କଡ ହୋଇଛି । ଫଳରେ ରାଜ୍ୟରେ ମୃତକଙ୍କ ସଂଖ୍ୟା ୧୭୯୨ ରେ ପହଞ୍ଚିଛି । ସୂଚନା ଯେ ସମଗ୍ର ଦେଶରେ ଗୋଟିଏ ଦିନରେ ମୃତକଙ୍କ ସଂଖ୍ୟା ୧୭୦ ହାରରେ ବୃଦ୍ଧି ପାଇବା ଯୋଗୁଁ ସମୁଦାୟ ମୃତକଙ୍କ ସଂଖ୍ୟା ଭାରତରେ ୪୩୩୭ କୁ ବୃଦ୍ଧିପାଇଛି । ଠିକ୍ ସେହିଭଳି ଗତ ୨୪ ଘଣ୍ଟା ମଧ୍ୟରେ ଆକ୍ରାନ୍ତଙ୍କ ସଂଖ୍ୟା ୬୩୮୭ ହାରରେ ବୃଦ୍ଧି ପାଇବା ଯୋଗୁ ଆକ୍ରାନ୍ତ ସଂଖ୍ୟା ସମୁଦାୟ ୧,୫୧,୭୬୭କୁ ବୃଦ୍ଧି ପାଇଛି । ଅନ୍ୟପକ୍ଷରେ ସମଗ୍ର ଦେଶରେ ଆଜି ଗୋଟିଏ ଦିନରେ ୩୯୩୫ ସଂଖ୍ୟଙ୍କ ଲୋକ ସୁସ୍ଥ ହେବା ଯୋଗୁ ଦେଶରେ ସମୁଦାୟ ୬୪,୪୨୬ ସଂଖ୍ୟଙ୍କ ଲୋକ କୋରନା ରୋଗରୁ ସୁସ୍ଥ ହୋଇ ଘରକୁ ଫେରିଛନ୍ତି । ଉଲ୍ଲେଖ ଥାଉକି ସମଗ୍ର ବିଶ୍ୱରେ ମୃତକଙ୍କ ସଂଖ୍ୟା ୩ ଲକ୍ଷ୍ୟ ୫୨ ହଜାର ୧୧୭ କୁ ପହଞ୍ଚିଛି । ଠିକ୍ ସେହିଭଳି ଆକ୍ରାନ୍ତଙ୍କ ସଂଖ୍ୟା ୫୬ ଲକ୍ଷ୍ୟ ୩୭ ଜହାର ୯୫୧କୁ ବୃଦ୍ଧି ପାଇଛି । ଚଳିତ ଦିନରେ ଦେଶରେ କୋରନା ରୋଗରୁ ମୁକ୍ତି ପାଇବା ପାଇଁ ତାଲାବନ୍ଦ ନିତି ଜାରି ରହିଛି । ନିକଟରେ ବିଭିନ୍ନ ରାଜ୍ୟରେ ଫସିରହିଥିବା ଲୋକମାନଙ୍କର ନିଜନିଜର ବାସସ୍ଥାନକୁ ସ୍ଥାନାନ୍ତରଣ ପ୍ରକ୍ରିୟା ଯୋଗୁ ଏହା କୋରନା ରୋଗର ବ୍ୟାପକତାକୁ ଅଧିକ ତିବ୍ରତର କରିଛି । ମୁଖ୍ୟତ ବିହାର , ପଶ୍ଚିମବଙ୍ଗ, ଆସାମ ଏବଂ ଓଡିଶାରେ କୋରନା ଆକ୍ରାନ୍ତଙ୍କ ସଂଖ୍ୟା ବୃଦ୍ଧି ପାଇବାରେ ଲାଗିଛି । ଠିକ୍ ସେହିଭଳି ପଞ୍ଜାବର ସ୍ଥିତି ମଧ୍ୟ ଗମ୍ଭୀରଜନକ ରହିଛି । ସ୍ଥିତିକୁ ଅତ୍ୟନ୍ତ ସମ୍ବେଦନଶୀଳକ ମନେକରି ପଞ୍ଜାବ ସରକାର ଲକ୍ଡାନକୁ ରାଜ୍ୟରେ ପୁଣି ଥରେ ବୃଦ୍ଧି କରିବା ସମ୍ପର୍କରେ ଚିନ୍ତା କରୁଛନ୍ତି ବୋଲି ଜଣାପଡିଛି । ଏ ସମ୍ପର୍କରେ ମଇ ମାସ ୩୦ ତାରିଖରେ ପଞ୍ଜାବରୁ ଲକ୍ଡାଉନ ହୋଟିବ କିମ୍ବା ଏହାକୁ ପୁଣି ଥରେ ବୃଦ୍ଧି କରାଯିବ ଏନେଇ ଘୋଷଣା କରାଯିବ ବୋଲି ଆଜି ପଞ୍ଜାବର ମୁଖ୍ୟମନ୍ତ୍ରୀ ସୂଚନା ଦେଇଛନ୍ତି । ସମ୍ବତଃ ପଞ୍ଜାବରେ ଲକ୍ଡାଉନ ବୃଦ୍ଧି ପାଇବ ବୋଲି ଆଲୋଚନା ହୋଇଛି ।
ଗଞ୍ଜାମ ଜିଲ୍ଳାରେ କରୋନା ସ୍ଥିତିି ସଙ୍ଗୀନ ରମାଗୁଡ଼ା ,ପାଣ୍ଡିଆରେ ସଟଡାଉନ ଘୋଷଣା ପୋଲସରା ଥାନର ଦୁଇ ହୋମଗାର୍ଡ଼ ପଜିଟିଭ ଚିହ୍ନଟ
Read More...
