Anupambharat News Bureau
ନୂଆଦିଲ୍ଲୀ,୫ା୬: ଚଳିତ ବର୍ଷର ସଭିଲ ସର୍ଭିସ ପ୍ରାରମ୍ଭିକ ପରୀକ୍ଷା (ପ୍ରିଲିମ୍) ଆକେଫାବର ୪ରେ ଅନୁଷ୍ଠିତ ହେବ । କେନ୍ଦ୍ର ଜନସେବା ଆୟୋଗ (ୟୁପିଏସ୍ସି) ପକ୍ଷରୁ ଶୁକ୍ରବାର ଘୋଷଣା କରାଯାଇଛି । ୟୁପିଏସ୍ସିର ସଂଶୋଧିତ ବିଜ୍ଞପ୍ତି ଅନୁଯାୟୀ ଏନ୍ଡିଏ, ଏନ୍ଏ, ସିଭିଲ ସର୍ଭିସେସ୍, ଆଇଏଫ୍ଏସ୍, ଆଇଇଏସ୍ ଓ ଆଇଏସ୍ଏସ୍ ପରୀକ୍ଷା ଗୁଡିକ ଚଳିତବର୍ଷ ବିଭିନ୍ନ ପର୍ଯ୍ୟାୟରେ ପରିଚାଳନା କରାଯିବ । ମୁଖ୍ୟତଃ ୟୁପିଏସ୍ସି ସଭିଲ୍ ସର୍ଭିସ୍ ପ୍ରିଲିମିନାରୀ ପରୀକ୍ଷା ଚାଳିତ ବର୍ଷ ଆକେଫାବର ୪ ତାରିଖରେ ଅନୁଷ୍ଠିତ ହେବ । ଏବଂ ଏହାର ମୁଖ୍ୟ ପରୀକ୍ଷା ଆସନ୍ତା ବର୍ଷ ଜାନୁଆରୀ ୮ ତାରିଖରେ ପରିଚାଳନା କରାଯିବ ।
ଏହି ସମ୍ପର୍କରେ ୟୁପିଏସ୍ସିର େୱବ୍ସାଇଟ୍ରେ ଅନ୍ୟ ସମସ୍ତ ପରୀକ୍ଷା ସମ୍ପର୍କିତ କାର୍ଯ୍ୟସୂଚୀ ଘୋଷଣା କରାଯାଇଛି । କରୋନା ଭାଇରସ ଯୋଗୁଁ ମଇ ମାସ ୩୧ ତାରିଖରେ ହେବାକୁ ଥିବା ସିଭିଲ୍ ସର୍ଭିସ୍ ପ୍ରିଲିମ୍ ପରୀକ୍ଷାକୁ ବାତିଲ କରାଯାଇଥିଲା । ତେବେ ସାନି ତାରିଖ ଘୋଷଣା ପରେ ପରୀକ୍ଷା ବାତିଲ ନେଇ ଆଶାୟୀଙ୍କ ମଧ୍ୟରେ ଆଶଙ୍କା ଦୂରିଭୂତ ହୋଇଛି ମନ୍ତ୍ରୀ ଜିତେନ୍ଦ୍ର ସିଂ କହିଛନ୍ତି । ପ୍ରତିବର୍ଷ ତିନୋଟି ପର୍ଯ୍ୟାୟରେ ସିଭିଲ ସର୍ଭିସ ପରୀକ୍ଷା ହୋଇଥାଏ । ପ୍ରିଲିମ, ମୁଖ୍ୟ ପରୀକ୍ଷା ଓ ସାକ୍ଷାତକାର ହୋଇଥାଏ । ତେବେ କୋଭିଡ଼ ୧୯କୁ ଦୃଷ୍ଟିରେ ରଖି ସିଭିଲ ସର୍ଭିସ ପରୀକ୍ଷାକୁ ସ୍ଥଗିତ ରଖାଯାଇଥିଲା । ପରବର୍ତ୍ତୀ ସମୟରେ ଏହାର ତାରିଖ ଘୋଷଣା କରାଯିବ ବୋଲି ୟୁପିଏସ୍ସି ପକ୍ଷରୁ କୁହାଯାଇଥିଲା । ତେବେ ଆଜି ସାନି ତାରିଖ ଘୋଷଣା ପରେ ପରୀକ୍ଷା ଅନୁଷ୍ଠିତ ନେଇ ରହିଥିବା ଅନିଶ୍ଚିତତା ଦୂର ହୋଇଛି ।
