Anupambharat News Bureau
ମେକ୍ସିକୋ: ମେକ୍ସିକୋରେ ମହିଳା ବିରୋଧି ହିଂସା ବୃଦ୍ଧି ପାଇବାରେ ଲାଗିଛି । ଚଳିତ ବର୍ଷ ପ୍ରାୟ ୯୮୭ରୁ ଅଧିକ ମହିଳା ଓ ଯୁବତୀଙ୍କୁ ହତ୍ୟା କରାଯାଇ ସାରିଛି । ତେବେ ଏହାରୁ ଦେଶର ରାଷ୍ଟ୍ରପତି ଲୋପେଜ୍ ଓବ୍ରୋଡୋର୍ ଖଣ୍ଡାନ କରିବା ସହ ମିଛ ବୋଲି କହିଛନ୍ତି ।
ଏହାସହ ଦେଶର ଜରୁରୀକାଳିନ ନମ୍ବରକୁ ଆସୁଥିବା କଲକୁ ମଧ୍ୟ ମିଛ ବୋଲି କହିଛନ୍ତି ରାଷ୍ଟ୍ରପତି । ସରକାରୀ ସୂତ୍ରାନୁସାରେ, ମାର୍ଚ୍ଚରେ ମହିଳାଙ୍କ ବିରୋଧରେ ହିଂସାକୁ ନେଇ ପ୍ରାୟ ୨୬,୧୭୧ କଲ୍ ଆସିଥିଲା । ସରକାରୀ ତଥ୍ୟାନୁସାରେ, କରୋନା ସଂକ୍ରମଣ ରୋକିବା ପାଇଁ ମାର୍ଚ୍ଚ ୨୩ରୁ ଲୋକଙ୍କୁ ଘରେ ରହିବାକୁ କୁହାଯାଇଥିଲା । ଏହାପରେ ଦେଶରେ ହତ୍ୟା ମାମଲା ବୃଦ୍ଧି ପାଇଛି । ଏପରିକି ମହିଳା ବିରୋଧି ହିଂସା ମଧ୍ୟ ବଢିଛି । ଏପ୍ରିଲ ମାସରେ ସର୍ବାଧିକ ମହିଳାଙ୍କୁ ହତ୍ୟା କରାଯାଇଛି ।
ଏହି ତଥ୍ୟକୁ କି;ୁ ରାଷ୍ଟ୍ରପତି ଓବ୍ରୋଡର୍ ଗ୍ରହଣ କରି ପାରି ନାହାଁନ୍ତି । ହେଲ¬୍ ଲାଇନ୍ ନମ୍ବରକୁ ଆସୁଥିବା ଜରୁରୀକାଳିନ ଫୋନ କáୁ ସେ ମିଛ ବୋଲି କହିଛନ୍ତି । ତେବେ ଅଧିକାଂଶ ମହିଳାଙ୍କୁ ଦୁଷ୍କର୍ମ ପରେ ହତ୍ୟା କରାଯାଇଥିବା ରିପୋର୍ଟ ମିଳିଛି । ଅନେକ ମହିଳାଙ୍କୁ ହତ୍ୟା କରାଯାଇଥିଲେ ମଧ୍ୟ ତାହାର କୌଣସି କାରଣ ସ୍ପଷ୍ଟ ହୋଇନାହିଁ ।
ମହିଳା ବିରୋଧି ହିଂସା ଉପରେ ଅନୁଧ୍ୟାନ କରୁଥିବା ମାରିଆ ସାଲଗୁଏରୋ କହିଛନ୍ତି ଯେ, ମହିଳାଙ୍କ ପଡୋଶୀ ମାନେ ହିଁ ଜରୁରୀକାଳିନ କଲ୍ କରିଥାନ୍ତି । କି;ୁ ସରକାର ସେମାନଙ୍କ ନିକଟରେ ପହଁଚି ଘଟଣାର ତଦନ୍ତ କରିନଥାନ୍ତି । ତେଣୁ ସରକାର ଜରୁରୀକାଳିନ କáୁ ମିଛ ବୋଲି କହୁଛନ୍ତି । ମହିଳାମାନେ ସାହାଯ୍ୟ ପାଇଁ ନିଜେ କଲ୍ କରିବାକୁ ଡରିଥାନ୍ତି । ଏପରିକି ସେମାନେ ସତ ମଧ୍ୟ କାହାରି ଆଗରେ ପ୍ରକାଶ କରିନଥାନ୍ତି । ସରକାରୀ ରିପୋର୍ଟରେ ଚଳିତ ବର୍ଷର ପ୍ରଥମ ୪ ମାସରେ ୯୮୭ଜଣ ମହିଳାଙ୍କୁ ହତ୍ୟା କରାଯାଇଛି ।
ଏହା ମଧ୍ୟରୁ ୩୦୮ଜଣଙ୍କୁ ଦୁଷ୍କର୍ମ ପରେ ହତ୍ୟା କରାଯାଇଛି । ସରକାର ଜାଣିଶୁଣି ଏହି ହତ୍ୟାର କାରଣ ଲୁଚାଉଥିବା ମଧ୍ୟ ଅଭିଯୋଗ ହେଉଛି ।
