ଖଣ୍ଡାଧାର ଜଳପ୍ରପାତ କୁଣ୍ଡରେ ବୁଡି ଏମବିଏ ଛାତ୍ରଙ୍କ ମୃତ୍ୟୁ

Anupambharat News Bureau
June 07, 2020

କେନ୍ଦୁଝର, ୭ା୬: ସରକାର ଲକ୍ଡାଉନ୍କୁ କୋହଳ କରିବା ପରେ ସାଧାରଣ ଜୀବନଯାତ୍ରା ଏକ ପ୍ରକାର ସ୍ୱାଭାବିିକ ହୋଇଛି । ଏହି ସ୍ୱାଭାବିକ ପରେ ପଦାକୁ ଗୋଡ କାଢିଛନ୍ତି ଯୁବ ଗୋଷ୍ଠି । ରବିବାର ଦିନ କେନ୍ଦୁଝର ସହର ଏବଂ ଭୁବନେଶ୍ୱରର ୧୨ଜଣ ସାଙ୍ଗ ପର୍ଯ୍ୟଟନସ୍ଥଳ ଖଣ୍ଡାଧାରକୁ ବୁଲିବାକୁ ଯାଇଥିଲେ । ଜଳପ୍ରପାତରେ ପଥର ଉପରେ ଚଢି ଗାଧୋଉଥିବାବେଳେ ଅସାବଧାନତା ପଥର ଉପରୁ ଖସି ପଡି ଜଳପ୍ରପାତ କୁଣ୍ଡରେ ପଶିଯାଇଥିଲେ । ନିଖୋଜ ସୌରଭଙ୍କୁ ଅନ୍ୟ ସାଙ୍ଗମାନେ ଉଦ୍ଧାର କରିବାକୁ ସାହାସ ନକରିପାରି ପରିବାର ଲୋକଙ୍କୁ ଜଣାଇଥିଲେ । ଘଟଣା ଦିନ ୧୨.୩୦ମିନିଟରେ ହୋଇଥିବାବେଳେ ପରିବାର ଲୋକ ତୁରନ୍ତ ଅଗ୍ନଶମ ବିଭାଗ କେନ୍ଦୁଝରକୁ ଜଣାଇଥିଲେ । ସ୍ଥାନୀୟ ଲୋକେ ମଧ୍ୟ ଏନେଇ ବାଂଶପାଳ ନୟାକୋଟ ପୋଲିିସକୁୁ ଖବର ଦେଇଥିଲେ । କେନ୍ଦୁଝର ଅଗ୍ନିଶମ ବିଭାଗ ଦିନ ୨ଟାରେ ପହଁଚି ନିଖୋଜ ଛାତ୍ରଙ୍କୁ ପାଣି ଭିତରୁ ଉଦ୍ଧାର କରିଥିଲେ । ଯୁବକଙ୍କ ମୃତ ଦେହ ଉଦ୍ଧାର ପରେ ନୟାକୋଟ ପୋଲିସ ବ୍ୟବଛେଦ ପାଇଁ କେନ୍ଦୁଝର ଜିଲ୍ଲା ମୁଖ୍ୟ ଚିକିତ୍ସାଳୟକୁ ପଠାଇ ତଦନ୍ତ ଆରମ୍ଭ କରିଛି । ମୃତ ଯୁବକ ଜଣକ କେନ୍ଦୁଝର ସହରର ଚର୍ଚ୍ଚ ଛକ ନିକଟରେ ରହୁଥିବା ସରୋଜ ମିଶ୍ରଙ୍କ ବଡ ପୁଅ ସୌରଭ ମିଶ୍ର (୨୫)ବୋଲି ଜଣାପଡିଛି । ସରୋଜ ମିଶ୍ର ନିଳାଚଳ ନିଗମ ଲିଃରେ ବରିଷ୍ଠ ଜିଓଲୋଜିଷ୍ଟ ଭାବେ କାମ କରୁଥିବାବେଳେ ସୌରଭ ବାଙ୍ଗାଲୋର ଆଲାଲନ୍ସ ବିଶ୍ୱବିଦ୍ୟାଳୟରେ ଏମବିଏ ପାଠ୍ୟକ୍ରମ ଶେଷ ପରେ ଘରକୁ ଆସିଥିଲେ । ଲକ୍ଡାଉନ ସମୟରେ ରବିବାର ଦିନ କେନ୍ଦୁଝର ଏବଂ ଭୁବନେଶ୍ୱରର କିଛି ସାଙ୍ଗଙ୍କ ସହ ଖଣ୍ଡାଧାର ଜଳପ୍ରପାତ ବୁଲିବାକୁ ଯାଇଥିବାବେଳେ ଏପରି ଅଘଟଣା ଘଟିଥିଲା । ପ୍ରକାଶଯୋଗ୍ୟ ଯେ, ଖଣ୍ଡାଧାର ଜଳପ୍ରପାତରେ କୌଣସି ସୁରକ୍ଷା ବ୍ୟବସ୍ଥା ନଥିବାରୁ ବହୁ ସମୟରେ ଦୁର୍ଘଟଣା ଘଟୁଥିବା ଅଭିଯୋଗ ହେଉଛି ।

ପୁରୁମୁଣ୍ଡା ପଞ୍ଚାୟତରେ ବିଭିନ୍ନ ଉନ୍ନୟନ ମୂଳକ କାର୍ଯ୍ୟରେ ଅନୀୟମିତତା ଅଭିଯୋଗ ଆଣିଲେ ଗ୍ରାମବାସୀ

Read More...

ମହିଳାଙ୍କ ପାଇଁ ନର୍କ ପାଲଟିଛି ମେକ୍ସିକୋ

Read More...