Anupambharat News Bureau
ଭୁବନେଶ୍ୱର, ୩୦ା୭ (ଅନୁପମ ମିଡିଆ):୨୪୧ ଜଣ ପୋଷ୍ଟ ପିଜି ଡାକ୍ତରଙ୍କୁ ବିଭିନ୍ନ ଜିଲ୍ଲା ସ୍ୱାସ୍ଥ୍ୟ ଅଧିକାରୀ ଓ ଜନସ୍ୱାସ୍ଥ୍ୟ ଅଧିକାରୀଙ୍କ ଅଧିନରେ ଅବସ୍ଥାପିତ କରିଛନ୍ତି ରାଜ୍ୟ ସରକାର । କରୋନା ସ୍ଥିତିର ସୁପରିଚାଳନା ପାଇଁ ସରକାର ଜରୁରିକାଳୀନ ଭିତିରେ ଏହି ପଦକ୍ଷେପ ନେଇଛନ୍ତି । ସେମାନଙ୍କୁ ଗଂଜାମ, ଅନୁଗୁଳ , ବଲାଙ୍ଗୀର, ବାଲେଶ୍ୱର, ବରଗଡ,ଭଦ୍ରକ, ବୌଦ୍ଧ , କଟକ, ଦେବଗଡ, ଢେଙ୍କାନାଳ,ଗଜପତି, ଜଗତସିଂହପୁର, ଯାଜପୁର,ଝାରସୁଗୁଡା , କଳାହାଣ୍ଡି, କେନ୍ଦୁଝର , ଖୋର୍ଦ୍ଧା, କୋରାପୁଟ, ମାଲକାନଗିରି, ମୟୁରଭଂଜ, ନବରଙ୍ଗପୁର, ନୟାଗଡ, ନୂଆପଡା, ପୁରୀ, ରାୟଗଡା, ସମ୍ବଲପୁର,ସୋନପୁର ଓ ସୁନ୍ଦରଗଡ ଜିଲ୍ଳାରେ ଅବସ୍ଥାପିତ କରାଯିବ ।
ସୂଚନା ଥାଉକି ରାଜ୍ୟରେ ଖୋଲା ଯାଇଥିବା ବିଭିନ୍ନ କୋଭିଡ଼ କେୟାର ହସ୍ପିଟାଲ୍ ମାନଙ୍କରେ ଡାକ୍ତରମାନଙ୍କ ଅଭାବ ଯୋଗୁଁ ଉଚିତ ଚିକିତ୍ସା ସେବା ଯୋଗାଇ ଦିଆଯାଉନାହିଁ ବୋଲି ଗତ କିଛି ଦିନ ଧରି ବିଭିନ୍ନ ଗଣମାଧ୍ୟମରେ ଅଭିଯୋଗ କରାଯାଉଛି । ଏପରିକି ଚିକିତ୍ସା ଅଭାବରୁ କରୋନା ରୋଗୀମାନେ ପ୍ରାଣ ହରାଇଥିବା ମଧ୍ୟ ଦୃଷ୍ଟାନ୍ତ ରହିଛି । ପ୍ରତ୍ୟେକ ବର୍ଷ ଆବଶ୍ୟକ ସଂଖ୍ୟକ ଡାକ୍ତରଙ୍କ ନିଯୁକ୍ତିରେ ଅବହେଳା ଯୋଗୁଁ କରୋନା ମହାମାରୀ ଭଳି ଏକ ଜରୁରୀ କାଳିନ ଚିକିତ୍ସା ବ୍ୟବସ୍ଥା ସମୟରେ ଡାକ୍ତରଙ୍କ ଅଭାବ ଘଟଣା ସମାଲୋଚନାର କେନ୍ଦ୍ରକୁ ଆସିଛି ।
