Anupambharat News Bureau
ଭୁବନେଶ୍ୱର, ୩ା୮(ଅନୁପମ ମିଡ଼ିଆ):ମଙ୍ଗଳବାରଠାରୁ ମୋ ବସ୍ ଚଳାଚଳ ଆରମ୍ଭ ହେବ । ମୋଟ ୮ ଟି ରୁଟ୍ ରେ ନନ୍ ଏସି ବସ୍ ଚାଲିବ । ସକାଳ ୭ ଟାରୁ ସନ୍ଧ୍ୟା ୭ଟା ପର୍ଯ୍ୟନ୍ତ ବସ୍ ସେବା ଚାଲୁ ରହିବ । ରୁଟ୍ ନଂ ୧୧, ୧୬ , ୧୮, ୨୦, ୨୩, ୨୫ ,୨୭ ଓ ୩୩ରେ ମୋ ବସ୍ ଚାଲିବ । ତେବେ ଅଗଷ୍ଟ ମାସର ପ୍ରତି ସପ୍ତାହର ଶନିବାର ଓ ରବିବାର ମୋ ବସ୍ ଚାଲିବନାହିଁ । କ୍ୟାପିଟାଲ ରିଜନ୍ ଅର୍ବାନ୍ ଟ୍ରାନ୍ସପୋର୍ଟ (କ୍ରୁଟ୍) ପକ୍ଷରୁ ଏହି ସୂଚନା ଦିଆଯାଇଛି । ସୂଚନାଯୋଗ୍ୟ ଯେ ଗତ ଜୁଲାଇ ୧୭ଠାରୁ ମୋ ବସ୍ ଚଳାଚଳ ବନ୍ଦ ରହିଥିଲା । ତେବେ କରୋନା ସଂକ୍ରମଣ ଭୟ ରହିଥିବାରୁ ବସ୍ ଚାଲିଲେ ମଧ୍ୟ ଯାତ୍ରୀ ଯାଉନଥିବା କୁହାଯାଇଛି ।
