Anupambharat News Bureau
ଚଣ୍ଡିଖୋଲ,୧୯ା୫ (ଅନୁପମ ମିଡିଆ): ଚଣ୍ଡିଖୋଲ-ଡ଼ୁବୁରୀ ଜାତୀୟ ରାଜପଥର ଜେନାପୁର ଥାନା ଅନ୍ତର୍ଗତ ରାମଚନ୍ଦ୍ରପୁର (ଚଡ଼େଇଧରା) ନିକଟରେ ଏକ ମେଘା କ୍ରର୍ସର ଚଳାଉଥିବା ଏନ.କେ.ସି ଠିକା କମ୍ପାନୀର ମନମାନୀ ଯୋଗୁ ସେହି କମ୍ପାନୀରେ କାମ କରୁଥିବା ଜଣେ ଗରିବ ରୋଷେୟାଙ୍କ ଜୀବନ ଦୃର୍ବିସହ ହୋଇ ପଡ଼ିଛି । ଗତ ବର୍ଷ ଏପ୍ରିଲ୍ ୧୬ ତାରିଖ ଦିନ କମ୍ପାନୀ ପକ୍ଷରୁ ଲୁଚାଇ ରଖାଯାଇଥିବା ଇଡ଼ି ବିଷ୍ପୋରଣରେ ଏହି ଗରିବ ରୋଷେୟା ଜଣଙ୍କ ଗୁରୁତର ଆହତ ହେବା ସାଙ୍ଗକୁ ଦୁଇଟିଯାଙ୍କ ଆଖି ହରାଇଥିଲେ । କମ୍ପାନୀ କର୍ତ୍ତୃପକ୍ଷ ସେତେବେଳେ ସ୍ଥାନୀୟ ପୋଲିସ ଓ ପ୍ରାାସନକୁ ହାତ କରିବା ସହ ରେଷେୟା ଓ ତାଙ୍କ ପରିବାରକୁ ସମସ୍ତ ସହାୟତା ଓ କ୍ଷତି ପୁରଣ ଦେବକୁ ପ୍ରତିଶୃତି ଦେଇ ଘଟଣାକୁ ଚପାଇ ଦେବା ପରେ ଏବେ ଏହି କ୍ଷତିଗ୍ରସ୍ଥ ରୋଷେୟାଙ୍କୁ ପତାରଣା କରିଥିବା ଅଭିଯୋଗ ହୋଇଛି । ଏ ସମ୍ପର୍କରେ ଝାଡ଼ଖଣ୍ଡ ରାଜ୍ୟର ଚୈତ୍ରା ଜିଲା ଦିଘି ଗ୍ରାମର ଏହି ଗରିବ ରୋଷେୟା ଶୁଶାନ୍ତ କୁମାର ସିଂ ଓ ତାଙ୍କ ବାପା ନଗୀନ ପ୍ରସାଦ ସିଂ ୧୮ ତାରିଖ ଦିନ ଜେନାପୁର ଥାନାରେ ପହଞ୍ଚି କମ୍ପାନୀ ବିରୋଧରେ ଲିଖିତ ଏତଲା ଦେବା ସହ ଘଟଣାର ଖୁଲାସା କରିଛନ୍ତି । ସେ ଜଣେ ଗରିବ ଲୋକ ଭାବେ କମ୍ପାନୀରେ କାର୍ଯ୍ୟରତ ଥିଲା ବେଳେ ଏପରି ଦୁଃଖଦ ଘଟଣା ଘଟି ସବୁ ଦିନ ପାଇଁ ସେ ଅକର୍ମନ୍ୟ ହୋଇପଡ଼ିଥିବାରୁ ତାଙ୍କୁ ଉପଯୁକ୍ତ କ୍ଷତି ପୁରଣ ପ୍ରଦାନ ପାଇଁ ଦାବୀ କରିଛନ୍ତି । ଏ ସମ୍ପର୍କରେ କମ୍ପାନୀର ସ୍ଥାନୀୟ ମ୍ୟାନେଜର ଉତ୍ତମ କୁମାର ସାମଲ ଓ ଜେନେରାଲ ମ୍ୟାନେଜର କେ.କେ ସିଂଙ୍କୁ ବାରମ୍ବାର ଯୋଗ ଯୋଗ କରିଥିଲେ ମଧ୍ୟ ସେମାନେ ମିଥ୍ୟା ପ୍ରତିଶୃତି ଦେଇ ତାଙ୍କୁ ପତାରଣା କରିଚାଲିଥିବା ଅଭିଯୋଗରେ ଦର୍ଶାଇଛନ୍ତି । ଏ ସମ୍ପର୍କରେ ଏହି କ୍ଷତିଗସ୍ତ କରିବା ଏନ.କେ.ସିର ଦିଲ୍ଲୀ କାର୍ଯ୍ୟାଳୟ ସହ ଯୋଗ ଯୋଗା କରିଥିଲେ ମଧ୍ୟ ଅଦ୍ୟାବଧି ତାଙ୍କୁ କ୍ଷତି ପୁରଣ ମିଳିପାରିନଥିବାରୁ ଏବେ ତାଙ୍କ ଆର୍ଥିକ ଅବସ୍ଥା ଶୋଚନୀୟ ହୋଇପଡ଼ିବା ସହ ଚଳିବା ପାଇଁ ରାହା ନାହିଁ । ଏଣୁ ତାଙ୍କୁ କମ୍ପାନୀ ତୁରନ୍ତ କ୍ଷତିପୁରଣ ପ୍ରଦାନ ପାଇଁ ସେ ଦାବୀ କରିଛନ୍ତି ।
ଓଡ଼ିଶାର ପୁନରୁଦ୍ଧାର ପାଇଁ ଆକ୍ସିସ ବ୍ୟାଙ୍କ ପ୍ରତିବଦ୍ଧ, ରାଜ୍ୟକୁ ବ୍ୟାଙ୍କର ସାମଗ୍ରିକ ଆର୍ଥିକ ସହାୟତା ୧୩.୪ କୋଟି ଟପିଲା
Read More...
