Anupambharat News Bureau
ଭାପୁର,୨୧ା୫(ଅନୁପମ ମିଡିଆ): ନୟାଗଡ ଜିଲ୍ଲା ଭାପୁର ବ୍ଲକରେ ଜଣେ ମାତ୍ର ଛାତ୍ରୀ ଓମ୍ ପ୍ରିୟା ସାହୁ ଏବର୍ଷମାଟ୍ରିକ୍ ପରିକ୍ଷାରେ ଏ-ଗ୍ରେଡରେ ପାସ୍ କରି ବ୍ଲକ୍ ପାଇଁ ସମ୍ମାନ ଆଣିଛନ୍ତି । ଭାପୁର ବାଲୁଙ୍କେଶ୍ୱର ଦେବ ବିଦ୍ୟାପୀଠରଏହି ମେଧାବୀ ଛାତ୍ରୀ ଜଣଙ୍କ୫୪୭ ନମ୍ବର ରଖିଛନ୍ତି । ଯାହା ୯୧ % ମାର୍କ ଅଟେ । ଭାପୁର ଗ୍ରାମର ବିଶିଷ୍ଠ ବ୍ୟବସାୟୀ ସ୍ୱର୍ଗତ ବାଙ୍କ ସାହୁଙ୍କ ବଡ ପୁଅ, ପଦ୍ମନାଭ ସାହୁଙ୍କ ବଡ ଝିଅ ଓମ୍ ପ୍ରିୟା ଭବିଷ୍ୟତରେ ଡାକ୍ତର ହୋଇ ଜନ ସାଧାରଣଙ୍କ ସେବା କରିବା ଲକ୍ଷ ରଖିଛନ୍ତି । ଓମ୍ ପ୍ରିୟା ନିଜର ଏହି ସଫଳତା ପାଇଁ ମାତା ରୋଜାଲିନ୍ ସାହୁ ଓ ପିତା ପଦ୍ମନାଭଙ୍କ ସହ ବିଦ୍ୟାଳୟର ଶିକ୍ଷୟତ୍ରୀ ଓ ଶିକ୍ଷକମାନଙ୍କ ଆଶିର୍ବାଦ ଯୋଗୁସମ୍ଭବ ହୋଇଛି ବୋଲି କହିଛନ୍ତି । ।ପୂର୍ବରୁ ସେ ପ୍ରାଥମିକ ଏମ୍.ଇ ସ୍କୁଲ ପରୀକ୍ଷା ଓ ବିଭିନ୍ନ ପ୍ରତିଯୋଗିତାରେ ନିଜର ପରାକାଷ୍ଠା ପ୍ରଦର୍ଶନ କରିଆସିଛନ୍ତି । ସେ ଦିନକୁ ୧୨ ରୁ ୧୫ ଘଂଟା ପରିଶ୍ରମ କରୁଥିଲେ ବୋଲି ସାକ୍ଷାତକାରରେ କହିଛନ୍ତି ।
