Anupambharat News Bureau
ଜୟପୁର: ବିଗିଡିଲା ଆତ୍ମଘୋଷିତ ଧର୍ମଗୁରୁ ଆଶାରାମ ବାପୁଙ୍କ ସ୍ୱାସ୍ଥାବସ୍ଥା । ଯୋଧପୁର ଜେଲରେ ବନ୍ଦ ଥିବା ଆଶାରାମ ଅସୁସ୍ଥ ହୋଇପଡିବାରୁ ତାଙ୍କୁ ହସ୍ପିଟାଲରେ ଭର୍ତ୍ତି କରାଯାଇଛି । ଖବର ଅନୁଯାୟୀ, ଆଶାରାମ୍ ନିଶ୍ୱାସ ପ୍ରଶ୍ୱାସ ନେବାରେ କଷ୍ଟ ଅନୁଭବ କରିଥିଲେ । ଏହାପରେ ତାଙ୍କୁ ପ୍ରଥମେ ପ୍ରାଥମିକ ଉପଚାର କରାଯାଇଥିଲା । ପରେ ତାଙ୍କୁ ଯୋଧପୁର ସ୍ଥିତ ମହାତ୍ମା ଗାନ୍ଧି ମେଡିକାଲରେ ଭର୍ତ୍ତି କରାଯାଇଛି । ଆଶାରାମଙ୍କ ଅନେକ ପ୍ରକାର ସ୍ୱାସ୍ଥ୍ୟଜନିତ ସମସ୍ୟ ରହିଛି । ଯେପରି ତାଙ୍କ ଆଣ୍ଠୁରେ ବ୍ୟଥା ରହିଛି ଓ ରକ୍ତ ଚାପ ରହିଛି । ମେଡିକାଲରେ ଭର୍ତ୍ତି ପରେ ଆଶାରାମଙ୍କର ଅନେକ ପ୍ରକାର ଟେଷ୍ଟ କରାଯାଇଥିବାର ସୂଚନା ମଧ୍ୟ ରହିଛି । ତାଙ୍କୁ ପ୍ରଥମେ ରାଜସ୍ଥାନ ଯୋଧପୁର ସ୍ଥିତ ମହାତ୍ମାଗାନ୍ଧୀ ହସ୍ପିଟାଲ ଏବଂ ପରେ ମଥୁରାଦାସ ମାଥୁର ହସ୍ପିଟାଲର ସିସିୟୁରେ ଭର୍ତ୍ତି କରାଯାଇଛି । ସେଠାରେ ତାଙ୍କ ଚିକିତ୍ସା ଜାରି ରହିଛି । ସୂଚନା ଅନୁଯାୟୀ, ମଙ୍ଗଳବାର ରାତିରେ ଜେଲ ଭିତରେ ଆଶାରାମ ବାପୁଙ୍କ ସ୍ୱାସ୍ଥ୍ୟାବସ୍ଥା ବିଗିଡି ଥିଲା । ସେ ନିଶ୍ୱାସ ପ୍ରଶ୍ୱାସ ନେବାରେ କଷ୍ଟ ଅନୁଭବ କରିଥିଲେ ।
