Anupambharat News Bureau
କେନ୍ଦୁଝର,୮ା୮(ଅନୁପମ ମିଡ଼ିଆ): କେନ୍ଦୁଝର ଜିଲ୍ଲାର ନୟାକୋଟ ଥାନା ଅନ୍ତର୍ଗତ ଫୁଲଝର ଗ୍ରାମରେ ରବିବାର ସନ୍ଧ୍ୟାରେ ଗୋଟିଏ ପରିବାରର ଦୁଇ ଭଉଣୀଙ୍କ ମୃତୁ୍ୟ ହୋଇଛି । ବଡ଼ ଭଉଣୀ,ସାନ ଭଉଣୀକୁ ହାଣି ନିଜେ ଫ୍ୟାନରେ ଝୁଲି ଆତ୍ମହତ୍ୟା କରିଛି । ଘଟଣାରୁ ପ୍ରକାଶ ଯେ, ଏହି ଗ୍ରାମର ଭିକାରୀ ଦେହୁରୀ ତାଙ୍କ ସ୍ତ୍ରୀ ଜେମା ଦେହୁରୀଙ୍କ ସହ ବିଲକୁ କାମ କରିବାକୁ ଯାଇ ସନ୍ଧ୍ୟାରେ ଘରକୁ ଫେରିବା ପରେ ଗୋଟିଏ ଘର ଭିତରୁ କବାଟ ବନ୍ଦ ରହିଥିବା ଦେଖିବାକୁ ପାଇଥିଲେ । କବାଟ ଭାଙ୍ଗି ଦେଖିବା ପରେ ସାନ ଝିଅ ଋକୁଣି ଦେହୁରୀ(୧୪)ର ମୁଣ୍ଡ ଗଣ୍ଡି ଅଲଗା ହୋଇଥିବା ବେଳେ ବଡଝିଅ କ୍ଷୀରମଣୀ ଦେହୁରୀ (୧୭)ଫ୍ୟାନରେ ଝୁଲି ପଡିଥିବା ଦେଖିବାକୁ ପାଇଥିଲେ । ତେବେ ପରିପାଶ୍ୱିକ ସ୍ଥିତିରୁ ସାନ ଭଉଣୀକୁ ହତ୍ୟା କରି ବଡ ଭଉଣୀ ଆତ୍ମହତ୍ୟା କରିଥିବା ଜଣାଯାଇଛି । ଘର ମଧ୍ୟରୁ
ଏକ ରକ୍ତ ଭିଜା କୁରାଢ଼ି ମିଳିଥିବାରୁ ଏଥିରେ କ୍ଷୀରମଣି ସାନ ଭଉଣୀ ଋକୁଣିକୁ ହତ୍ୟା କରିଥିବା କୁହାଯାଉଛି । ଏନେଇ ସୂଚନା ପାଇବା ପରେ ପୋଲିସ ପହଞ୍ଚି ଘଟଣାର ଅନୁସନ୍ଧାନ ଚଳାଇଛି । ସୂଚନାନୁଯାୟୀ କୁଆଡ଼େ ଗତ ଏକ ବର୍ଷ ହେଲା କ୍ଷୀରମଣୀ ମାନସିକ ସନ୍ତୁଳ ହରାଇ ବସିଥିଲା । ଫଳରେ ସେ ଏଭଳି ଘଟଣା ଘଟାଇଥିବା ଅନୁମାନ କରାଯାଉଛି । ତେବେ ଦୁଇ ଭଉଣୀଙ୍କ ଏଭଳି ଅକାଳ ବିୟୋଗ ଅଞ୍ଚଳରେ ଆଜି ଚର୍ଚ୍ଚାର ବିଷୟ ହୋଇଛି ।
