Anupambharat News Bureau
ନୂଆଦିଲ୍ଲୀ:ଅଦାନୀ ଗ୍ରୁପର ମୁଖ୍ୟ ଗୈତମ ଅଦାନୀ ଭାରତ ସହ ଏସିଆର ମଧ୍ୟ ସବୁଠୁ ବଡ ଧନି । ଆଜକୁ କିଛି ମାସ ତଳେ ତାଙ୍କ ନାଁ ସେତେ ପରିଚିତ ନଥିଲେ । ଏବେ କି;ୁ ତାଙ୍କର ମୋଟ୍ ସମ୍ପତ୍ତି ଏକ ନୂଆ ରେକର୍ଡ ହାସଲ କରିଛି । ବ୍ଲୁମବର୍ଗ ଇଣ୍ଡେକ୍ସ ଅନୁସାରେ, ଗୌତମ ଅଡାନୀ ଏବେ ବିଶ୍ୱର ତୃତୀୟ ସବୁଠୁ ଧନି । ଏପରି ରେକର୍ଡ କରିବାରେ ଅଦାନୀ ଏସିଆର ପ୍ରଥମ ବ୍ୟବସାୟୀ ହୋଇପାରିଛନ୍ତି । ଅଡାନୀଙ୍କ ମୋଟ ସମ୍ପତ୍ତି ମୂଲ୍ୟ ୧୩୭.୪ ବିଲିୟନ ଡଲାର ହୋଇଛି । ଏବେ ତାଙ୍କ ଆଗରେ କେବଳ ଏଲନ ମସ୍କ ଓ ଆମାଜନର ଫାଉଣ୍ଡର ଜେଫ୍ ବୋଜେସ ରହିଛନ୍ତି । ମସ୍କଙ୍କର ମୋଟ ସମ୍ପତ୍ତି ୨୫୧ ବିଲିୟନ ଡଲାର ହୋଇଥିବା ବେଳେ ଜେଫ୍ ବେଜୋସଙ୍କ ପାଖରେ ମୋଟ୍ ୧୫୪ ବିଲିୟନ ଡଲାରର ସମ୍ପତ୍ତି ରହିଛି ।
ଗତ କିଛିଦିନ ଧରି ଅଦାନୀଙ୍କ ସମ୍ପତ୍ତିରେ ଦ୍ରୁତ ଗତିରେ ବଢୁଛି । ସେୟାର ବଜାରରେ ନେଣଦେଣ ପାଇଁ ତାଙ୍କର ସମ୍ପତ୍ତି ଲଗାତର ବଢୁଛି । ଆଦାନୀ ଟପ୍ ୧୦ ଧନିଙ୍କ ତାଲିକାରେ ଏକମାତ୍ର ବ୍ୟକ୍ତି ଯାହାର ସମ୍ପତ୍ତି ଗତ ୨୪ ଘଣ୍ଟାରେ ହିଁ ବଢିଛି । ଏହି ସମୟରେ ତାଙ୍କର ୧.୨ ବିଲିୟନ ଡଲାର ସମ୍ପତ୍ତି ବୃଦ୍ଧି ଘଟିଛି । ଜାନୁଆରୀରୁ ଏବେସୁଦ୍ଧା ତାଙ୍କର ସମ୍ପତ୍ତି ୬୦.୯ ବିଲିୟନ ଡଲାର ବଢିଛି ।
ଗୌତମ ଅଦାନୀ ବନାର୍ଡ ଅର୍ଣ୍ଣାଲଫଙ୍କ ପଛରେ ପକାଇବା ପରେ ମାଇକ୍ରୋସଫଫର କୋ-ଫାଉଣ୍ଡର ବିଲ୍ ଗେଟସଙ୍କୁ ମଧ୍ୟ ପଛରେ ପକାଇଥିଲେ । କାରଣ ଗେଟ୍ସ ଗତ ମାସରେ ନିଜ ସମ୍ପତ୍ତିର ଅଧା ଦାନ କରିଦେଇଥିଲେ । ଫଳରେ ତାଙ୍କର ସମ୍ପତ୍ତି ଅହେତୁକ ହ ୍ରାସ ପାଇଥିଲା । ଅନ୍ୟଦିଗରେ ଅଦାନୀଙ୍କ ସମ୍ପତ୍ତି ସେୟାର ବଜାରକୁ ମାତ ଦେଇ ଲଗାତର ଭଲ କାରବାର କରୁଛି । ଏବେ ଗେଟ୍ସଙ୍କ ମୂଲ୍ୟ ସମ୍ପତ୍ତି ୧୧୭ ବିଲିୟନ ଡାଲର ହୋଇଯାଇଛି ।ବ୍ଲ୍ଲୁମବର୍ଗ ଅନୁସାରେ ୩୦ ମାର୍ଚ୍ଚ ୨୦୧୪ ପର୍ଯ୍ୟନ୍ତ ଆଦାନୀଙ୍କ ମୋଟ ସମ୍ପତ୍ତିର ପରିମାଣ ଥିଲା ମାତ୍ର ୫.୧୦ ବିଲିୟନ ଡଲାର । ୧୬ ଜାନୁୟାରୀ ୨୦୨୦ରେ ୧୧ ବିଲିୟନ ଡଲାରକୁ ପହଞ୍ଚିଥିବା ଆଦାନୀ ଗ୍ରୁପ ଜୁନ ୨୦୨୦ରେ ଉଡାଣ କରିଥିଲା । ୯ ଜୁନ ୨୦୨୧ରେ ପହଞ୍ଚିବା ବେଳକୁ ତାଙ୍କ ମୋଟ ସମ୍ପତ୍ତି ୭ ଗୁଣା ଅଭିବୃଦ୍ଧି ହୋଇଥିବା ବେଳେ ୭୬.୭ ବିଲିୟନ ଡଲାରକୁ ପହଞ୍ଚିଥିଲା । ୨୯ ଏପ୍ରିଲ ୨୦୨୨ ବେଳକୁ ତାଙ୍କ ମୋଟ ସମ୍ପତ୍ତି ୧୨୨ ବିଲିୟନ ଡଲାରକୁ ପହଞ୍ଚିଥିବା ବେଳେ ଏବେ ୧୩୭ ବିଲିୟନ ଡଲାର ହୋଇଛି ।
ଅଦାନୀଙ୍କ ପାଖକୁ ଅଚାନକ ଏତେ ସମ୍ପତ୍ତି ଆସିଲା କୁଆଡୁ ବୋଲି ପ୍ରଶ୍ନ ହୋଇଛି । ଏହା ସେୟାର ବଜାର ଯୋଗୁଁ ସମ୍ଭବ ହୋଇପାରିଛି । ଗୌତମ ଅଡାନୀ ୧୯୮୮ ମସିହାରୁ ବ୍ୟବସାୟ କଲେଣି । ଏବେ ସେୟାର ବଜାରରେ ତାଙ୍କର ୭ଟି କମ୍ପାନୀ ଲିଷ୍ଟେଡ ଅଛି ।ଘରୋଇ କ୍ଷେତ୍ରରେ ଅଦାନୀ ଦେଶର ସର୍ବ ବୃହତ୍ତ ବନ୍ଦରର ପରିଚାଳନା କରୁଛନ୍ତି । ସେ ସରକାରଙ୍କଠାରୁ ୬ଟି ଏୟାରପୋର୍ଟ କିଣିଛନ୍ତି । ଏଥିରେ ମୁମ୍ବାଇ ଏୟାରପୋର୍ଟ ମଧ୍ୟ ଏବେ ଆଦାନୀଙ୍କର । ଏହା ଛଡା ଘରୋଇ କ୍ଷେତ୍ରର ସବୁଠୁ ବଡ଼ ବିଦ୍ୟୁତ ଉତ୍ପାଦକ ମଧ୍ୟ ଆଦାନୀ । ବିଦ୍ୟୁତ ଉତ୍ପାଦନ ପାଇଁ ଅଧିକ କୋଇଲା ମଧ୍ୟ ଆଦାନୀ ଉତ୍ପାଦନ କରନ୍ତି । ସେହିପରି ଦେଶରେ ସବୁଠୁ ଅଧିକ ସିମେଣ୍ଟ ଉତ୍ପାଦନ ମଧ୍ୟ କରନ୍ତି ଆଦାନୀ । ଫଚୁ୍ୟନ ବ୍ରାଣ୍ଡରେ ତେଲ, ଅଟା, ଚାଉଳ, ବେସନ ଭଳି ଉପଭୋକ୍ତା ସାମଗ୍ରୀର ବିଶାଳ ବର୍ଗମାଳା ମଧ୍ୟ ଆଦାନୀଙ୍କର ରହିଛି ।
ତାଙ୍କ କମ୍ପାନୀମାନଙ୍କର ସେୟାର ମୂଲ୍ୟ ରକେଟ ଭଳି ବଢି ବଢି ଚାଲିଛି । ତାଙ୍କର ବଜାର ପୁଞ୍ଜିକରଣ ଅନୁନ୍ୟ ୧୯ଲକ୍ଷ କୋଟିରୁ ଅଧିକ ଟଙ୍କାର । ଏହି ସବୁ କମ୍ପାନୀଙ୍କ ସେୟାର ଯୋଗୁ ଆଦାନୀଙ୍କ ସମ୍ପତ୍ତିର ମୂଲ୍ୟ ମଧ୍ୟ ଦିନକୁ ଦୁଇଗୁଣା ରାତିକୁ ୪ ଗୁଣା ହାରରେ ବୃଦ୍ଧି ପାଉଛି ।
