Anupambharat News Bureau
ବ୍ରହ୍ମପୁର,୨୩ା୧୧(ଅନୁପମ ମିଡ଼ିଆ): ବ୍ରହ୍ମପୁର ସ୍ଥିତ ଏମ୍କେସିଜି ମେଡିକାଲ୍ କଲେଜ ହସ୍ପିଟାଲ୍ର ଜନୈକା ଏମ୍ବିବିଏସ୍ ଛାତ୍ରୀଙ୍କୁ ମାଡ଼ମାରି ଦୁର୍ବ୍ୟବହାର ପ୍ରଦର୍ଶନ ଅଭିଯୋଗରେ ପୋଲିସ ଜଣେ ହାଉସ୍ ସର୍ଜନ୍ ଡାକ୍ତରୀ ଛାତ୍ରଙ୍କୁ ଗିରଫ କରିଥିବା ସୂଚନା ମିଳିଛି ।
ଗତକାଲି ଭୋରରେ ବଡ଼ ଡାକ୍ତରଖାନା ପରିସରରେ ଜନୈକା ଏମ୍ବିବିଏସ୍ ଶେଷ ବର୍ଷର ଛାତ୍ରୀ ଡ଼ୁ୍ୟଟି ସାରି ହଷ୍ଟେଲ୍ ଯାଉଥିବା ବେଳେ ହାଉସ୍ ସର୍ଜନ୍ ଡାକ୍ତରୀ ଛାତ୍ର ସୁପନ୍ କୁମାର ପାଢ଼ୀ ତାଙ୍କୁ ଅଟକାଇ ଦୁର୍ବ୍ୟବହାର ପ୍ରଦର୍ଶନ ସହ ମାଡ଼ ମାରିଥିବା ଅଭିଯୋଗ ହୋଇଛି । ଏନେଇ ପୀଡ଼ିତା ଜଣକ ବୈଦ୍ୟନାଥପୁର ଥାନାରେ ଏକ ଅଭିଯୋଗ କରିବା ପରେ ପୋଲିସ ଘଟଣାର ତଦନ୍ତ ଚଳାଇ ଏକ ମାମଲା ରୁଜୁ କରିଥିଲେ । ଆଜି ଅଭିଯୁକ୍ତ ହାଉସ୍ ସର୍ଜନ୍ ଡାକ୍ତରଙ୍କୁ ପୋଲିସ ଗିରଫ କରି କୋର୍ଟଚାଲାଣ କରାଯାଇଥିବା ବ୍ରହ୍ମପୁର ଏସ୍ପି ଡ଼. ସର୍ବଣା ବିବେକ ଏମ୍ ସୂଚନା ଦେଇଛନ୍ତି ।
