Anupambharat News Bureau
ସମ୍ବଲପୁର, ୬ା୬(ଅନୁପମ ମିଡ଼ିଆ): ରାତି ପାହିଲେ ଶିବ-ପାର୍ବତୀଙ୍କ ବିବାହ । ଶିବ ପାର୍ବତୀଙ୍କ ବିବାହ ଆଉ ଶୀତଲ୍ଷଷ୍ଠୀ ଯାତ୍ରା ଲାଗି ସମ୍ବଲପୁର ପୁରା ଚଞ୍ଚଳ ହୋଇପଡ଼ିଛି । ଆସନ୍ତାକାଲି ବିଭିନ୍ନ ଶିବାଳୟରୁ ମହାଦେବ ବିବାହ ଶୋଭାଯାତ୍ରାରେ ବାହାରି ପାର୍ବତୀଙ୍କ କନ୍ୟା ପକ୍ଷ ଭୂମିକାରେ ଥିବା ପରିବାର୍ର ବିବାହ ସ୍ଥଳରେ ପହଞ୍ଚିବେ । ଶନିବାର ଅପରାହ୍ନ ସୁଦ୍ଧା ଦେବ ଦମ୍ପତି ସ୍ୱ ସ୍ୱ ମନ୍ଦିର ବେଢ଼ାକୁ ପ୍ରତ୍ୟାବର୍ତନ କରିବେ । ଶନିବାର ରାତି ଦେବଦମ୍ପତି ପାଶ୍ୱର୍ଦେବାଦେବୀଙ୍କ ସହିତ ପାରମ୍ପରିକ ଆଧୁନିକ, ସାସ୍କୃତିକ କାର୍ଯ୍ୟକ୍ରମ ମଧ୍ୟରେ ଶୀତଳଷଷ୍ଠୀ ଯାତ୍ରାରେ ବାହାରିବେ । ରବିବାର ସନ୍ଧ୍ୟା ସୁଦ୍ଧା ରଥାରୁଢ଼ ଦେବଦମ୍ପତି ମନ୍ଦିରରେ ପହଁଚି ମଙ୍ଗଳ ଆଳତୀ ଉତାରୁ ଗମ୍ଭୀରା ବିଜେ କରିବାର କାର୍ଯ୍ୟକ୍ରମ ରହିଛି । ଯାତ୍ରାକୁ ଦୃଷ୍ଟିରେ ରଖି ଟ୍ରାଫିକ୍ ବିଭାଗ ପକ୍ଷରୁ ଯାନବାହନ ଉପରେ କଟକଣା ଜାରି କରାଯାଇଥିବା ପ୍ରକାଶ । ଅନ୍ୟପକ୍ଷରେ ସହରର ବିଭିନ୍ନ ସ୍ଥାନରେ ମୀନାବଜାର, ପ୍ରଦର୍ଶନୀ, ଶିଳ୍ପ ବିଭାଗ ପକ୍ଷରୁ ପିଏଚ୍ଡ଼ି ପଡ଼ିଆରେ ହସ୍ତଶିଳ୍ପ ପ୍ରଦର୍ଶନୀ ଆୟୋଜନ କରାଯାଇଥିବା ବେଳେ ଦୂରଦୂରାନ୍ତରେ ଥିବା ଲୋକେ ସପରିବାର ଯାତ୍ରା ଦେଖିବା ସକାଶେ ନିଜ ନିଜ ଘରେ ପହଁଚିବାରେ ଲାଗିଛନ୍ତିି । ବିଭିନ୍ନ ଶିବାଳୟ ରଙ୍ଗୀନ ଆଲୋକମାଳାରେ ସଜ୍ଜିତ କରାଯାଇଥିବାରୁ ସହର ଝଲସି ଉଠିବା ସହିତ ଉତ୍ସବର ପରିବେଶ ଧାରଣ କରିଛି । ଅନ୍ୟପକ୍ଷରେ ମହାଦେବଙ୍କ ବିବାହରେ ସାକ୍ଷୀ ହେବା ପାଇଁ ପରମ୍ପରା ଅନୁସାରେ ସାକ୍ଷୀପଡ଼ାରୁ ସାକ୍ଷୀଗୋପୀନାଥଙ୍କ ବିଗ୍ରହକୁ ଏକ ଶୋଭାଯାତ୍ରାରେ ଆଜି ନନ୍ଦପଡ଼ାର ବାଲୁଙ୍କେଶ୍ୱର ମନ୍ଦିରକୁ ଅଣାଯାଇଛି । ଶୀତଳଷଷ୍ଠୀ ଯାତ୍ରାରେ ଶିବ ପାର୍ବତୀ, ପାଶ୍ୱର୍ଦେବାଦେବୀଙ୍କ ରଥ ଓ ବିମାନ ସାଜସଜ୍ଜାରେ ଶେଷ ସ୍ପର୍ଶ ଦିଆ ସରିଛି । କାରିଗର ଓ ସେ୍ୱଚ୍ଛାସେବୀମାନେ ଦିନରାତି ଏକ କରି ଏହି କାମ ଚଲାଇଥିଲେ । ସେହିଭଳି ପ୍ରଜ୍ଞାପନ ମେଢ଼ ଓ ମୂର୍ତି ନିର୍ମାଣ କାମ ମଧ୍ୟ ସମ୍ପୂର୍ଣ୍ଣ ହୋଇଛି ।
ଯାତ୍ରା ସମୟରେ ଶାନ୍ତିଶୃଙ୍ଖଳା ରକ୍ଷା ପାଇଁ ୪ ଜଣ ଅତିରିକ୍ତ ଏସ୍ପି, ୧୪ ଜଣ ଡିଏସ୍ପି, ୪୦ ଜଣ ଇନ୍ସପେକଫର୍ ଓ ସୁବେଦାର୍, ୧୬୫ ଜଣ ସବ୍-ଇନ୍ସପେକଫର୍ ଏବଂ ସହକାରୀ ସବ୍ - ଇନ୍ସପେକଫର୍, ୩୨ ପ୍ଲାଟୁନ୍ ଓଏସ୍ଏପି, ଏପିଆର୍ ବାହିନୀ, ୨୮ ଝନ୍ ହାବିଲଦାର୍, ୧୮୫ ଜଣ କନବେଳ ଏବଂ ୩୫୦ ଜଣ ଗୃହରକ୍ଷୀ ଯାତ୍ରା ସମୟରେ ମୁତୟନ ରହିବେ । ଜିଲ୍ଲା ପୋଲିସ ପକ୍ଷରୁ କାର୍ଯ୍ୟକାରୀ କରାଯାଇଥିବା ସିସିଟିଭି କ୍ୟାମେରା ଓ କଣ୍ଟ୍ରୋଲ୍ ରୁମ୍ର ସାହାଯ୍ୟ ନିଆଯିବ । ସହରର ବିଭିନ୍ନ ସ୍ଥାନରେ ଇତିମଧ୍ୟରେ ପୋଲିସ୍ ପକ୍ଷରୁ କେମ୍ପ ଖୋଲାଯାଇ ପୋଲିସ୍ ବାହିନୀକୁ ମୁତୟନ୍ କରାଯାଇଛି । ଏହାସହିତ ପାଟ୍ରୋଲିଂ ବ୍ୟବସ୍ଥାକୁ କଡ଼ାକଡ଼ି କରାଯାଇଛେ । ସୂଚନାଯୋଗ୍ୟ ଯେ, ସହରର ବିଭିନ୍ନ ଶିବାଳୟରେ ପତରପେଣ୍ଡି ଏବଂ ଦେବବିବାହ ପାଇଁ ଗୁଆଗୁଁଡ଼ା ବା ନିମନ୍ତ୍ରଣ ଯାତ୍ରା ଗତ ୩ ତାରିଖଠାରୁ ଆରମ୍ଭ ହୋଇ ଆଜି ସମ୍ପୂର୍ଣ୍ଣ ହୋଇଛି ।
