Anupambharat News Bureau
ମାହାଙ୍ଗା,୨୫ା୬ (ଅନୁପମ ମିଡିଆ): ଜଣେ ଯୁବତୀକୁ ପ୍ରେମ କରିବା ସହ ବିବାହର ପ୍ରତିଶ୍ରୁତି ଦେଇ ତା ନିକଟରୁ ଅର୍ଥ ହଡପ କରିବା ଓ ପରେ ଅନ୍ୟ ଜଣେ ଯୁବତୀକୁ ବିବାହ କରିବା ଅଭିଯୋଗରେ ଆଜି ବିବାହ କରୁଥିବା ବରକୁ ପୋଲିସ ଉଠାଇ ଆଣିବା ଘଟଣା ମାହାଙ୍ଗାରେ ଚର୍ଚ୍ଚାର ବିଷୟ ପାଲଟିଛି । ପ୍ରକାଶ ଯେ ମାହାଙ୍ଗା ଥାନା ଅନ୍ତର୍ଗତ ବାସୁଦେବପୁର ଗ୍ରାମର ବିକାଶ ଦାସଙ୍କ ସହିତ ଦୀର୍ଘ ୭-୮ ବର୍ଷ ତଳେ ଫୋନ ମିଶ କଲରୁ ଭଦ୍ରକ ହରିପୁର ଅଞ୍ଚଳର ଜଣେ ଯୁବତୀଙ୍କ ସହିତ ପ୍ରେମ ସଂପର୍କ ଗଢି ଉଠିଥିଲା । ଯୁବତୀଜଣକ ରାଉରକେଲା ଅଂଚଳରେ ରହୁଛନ୍ତି । ବିକାଶ ଯୁବତୀଜଣକୁ ବିବାହର ପ୍ରତିଶ୍ରୁତି ଦେଇ ତାଙ୍କ ନିକଟରୁ ଏକ ଲକ୍ଷ ଟଙ୍କା ହଡପ କରି ନେଇଥିଲା । ପରେ ଉକ୍ତ ଯୁବତୀକୁ ବିବାହ ନ କରି ପ୍ରତାରଣା ଦେବା ସହ ଟଙ୍କା ନ ଫେରାଇ ତାଙ୍କୁ ଜୀବନରୁ ମାରି ଦେବାକୁ ଧମକ ଦେଇ ଆସୁଥିଲେ । ଏଥିସହିତ ଆଜି ଅନ୍ୟ ଜଣେ ଯୁବତୀକୁ ମାହାଙ୍ଗା ଥାନା କୋଳିଅଠା କପିଳେଶ୍ୱର ମନ୍ଦିରରେ ବିବାହ ହେଉଥିଲା ।
ଏଥିନେଇ ପିଡିତା ଜଣକ ଥାନାରେ ଅଭିଯୋଗ କରିବା ପରେ ମାହାଙ୍ଗା ପୋଲିସ ବିବାହ ବେଦୀରୁ ବରକୁ ଥାନାକୁ ଉଠାଇ ଆଣି ଅଟକ ରଖିଥିବା ଜଣାଯାଇଛି । ରିପୋର୍ଟ ଲେଖାହେବାବେଳକୁ ଥାନାରେ କୋðଣସି ମାମଲା ରୁଜୁ ହୋଇନଥିବା ଜଣାଯାଇଛି ।
