Anupambharat News Bureau
ଆନନ୍ଦପୁର,୨୬ା୬ (ଅନୁପମ ମିଡିଆ): ଆନନ୍ଦପୁର ଉପଖଣ୍ଡ ଘସିପୁରା ଥାନା ଅନ୍ତର୍ଗତ ବାରିଗାଁର ଏକ ପାରିବାରିକ କଳହରେ ବୁଧବାର ଦିନ ଏକ ଅଭାବନୀୟ ଘଟଣା ଘଟି ସ୍ୱାମୀର କଟୁରୀ ଚୋଟରେ ସ୍ତ୍ରୀ ଗୁରୁତର ଅବସ୍ଥାରେ କଟକ ମେଡ଼ିକାଲକୁ ସ୍ଥାନାନ୍ତରିତ ହୋଇଥିବା ବେଳେୂ ସ୍ୱାମୀ ବିଷ ପିଇ ଆତ୍ମହତ୍ୟା କରିଥିବାର ଜଣାଯାଇଛି । ଖବରନେବାରୁ ଜଣାଯାଏ ବାରିଗାଁ ଗ୍ରାମର ନବଘନ ସାହୁ ୨୬ତାରିଖ ବୁଧବାର ସକାଳୁ ଘରର ପାରିବାରିକ ଗଣ୍ଡଗୋଳରେ ଉତ୍କ୍ଷିପ୍ତ ହୋଇ ଏକ ଧାରୁଆ କଟୁରୀରେ ନିଜର ସ୍ତ୍ରୀ ମଞ୍ଜୁଲତାକୁ ହାଣିଦେଇଥିଲେ । ଗୁରୁତର ଅବସ୍ଥାରେ ପରିବାର ଲୋକ ମଞ୍ଜୁଲତାକୁ ଆନନ୍ଦପୁର ମେଡ଼ିକାଲକୁ ଚିକିସିା ନିମନ୍ତେ ନେଇଥିବା ବେଳେ ତାଙ୍କର ଅବସ୍ଥା ଗୁରୁତର ହେବାରୁ କଟକ ମେଡ଼ିକାଲକୁ ସ୍ଥାନାନ୍ତର କରାଯାଇଥିଲା । ଏହି ଘଟଣା ପରେ ନବଘନ ସାହୁ ଫେରାର ହୋଇଯାଇଥିବା ବେଳେ ପରିବାର ଲୋକ ଖୋଜାଖୋଜି କରି ସ୍ଥାନୀୟ ଏକ ଜଙ୍ଗଲରେ ନବଘନକୁ ପାଇଥିଲେ । ସେଠାରେ ନବଘନ ବିଷ ପିଇ ବେହୋସ ହୋଇ ପଡ଼ିଥିବା ବେଳେ ଆନନ୍ଦପୁର ମେଡ଼ିକାଲକୁ ଆଣିଥିଲେ । ସେଠାରେ ଡ଼ାକ୍ତର ତାଙ୍କୁ ମୃତ ଘୋଷଣା କରିଥିଲା । ଏହି ଘଟଣା ନେଇ ବାରିଗାଁରେ ଶୋକର ଛାୟା ଖେଳିଯାଇଥିବା ଜଣାଯାଇଛି ।
