Anupambharat News Bureau
ନୂଆଦିଲ୍ଲୀ: ସଂସଦରେ ସାଧାରଣ ବଜେଟ୍ ଆଗତ ହେବାର ଗୋଟିଏ ଦିନ ପୂର୍ବରୁ ବଡ଼ ଘୋଷଣା କରିଛନ୍ତି କେନ୍ଦ୍ର ସରକାର । ପ୍ରମୁଖ ଖରିଫ ଫସଲ ଧାନ ସମେତ ଅନ୍ୟ କିଛି ଶସ୍ୟର ଏମ୍ଏସ୍ପି ବା ସର୍ବନିମ୍ନ ସହାୟକ ମୂଲ୍ୟ ବୃଦ୍ଧି କରିବାକୁ କେନ୍ଦ୍ର କ୍ୟାବିନେଟ୍ରେ ନିଷ୍ପତ୍ତି ନିଆଯାଇଛି । ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ଅଧ୍ୟକ୍ଷତାରେ ଅନୁଷ୍ଠିତ ଏହି ବୈଠକର ନିଷ୍ପତ୍ତି ଅନୁଯାୟୀ ସାଧାରଣ ବର୍ଗର ଧାନର ଏମ୍ଏସ୍ପିରେ କ୍ୱିଣ୍ଟାଲ ପ୍ରତି ୩.୭% ବା ୬୫ ଟଙ୍କା ବୃଦ୍ଧି କରାଯାଇ ୧୮୧୫ ଟଙ୍କା କରାଯାଇଛି । ସେହିଭଳି ଗ୍ରେଡ୍ ଏ ଧାନର ଏମ୍ଏସ୍ପି କ୍ୱିଣ୍ଟାଲ ପ୍ରତି ୮୫ ଟଙ୍କା ବାଇ ୧୮୩୫ ଟଙ୍କାକୁ ବୃଦ୍ଧି କରାଯାଇଛି । ୨୦୧୯-୨୦ ଆର୍ଥିକ ବର୍ଷ ପାଇଁ ଏହି ଦର ଲାଗୁ ହେବ ବୋଲି କୃଷି କଲ୍ୟାଣ ମନ୍ତ୍ରୀ ନରେନ୍ଦ୍ର ସିଂହ ତୋମାର କହିଛନ୍ତି । ଅନ୍ୟପକ୍ଷରେ ମାଣ୍ଡିଆର ଏମ୍ଏସ୍ପିରେ କ୍ୱିଣ୍ଟାଲ ପ୍ରତି ୨୫୩ ଟଙ୍କା ବୃଦ୍ଧି କରାଯାଇଥିବା ବେଳେ ଜୋୱାର କ୍ଷେତ୍ରରେ କ୍ୱିଣ୍ଟାଲ ପ୍ରତି ୧୨୦ ଟଙ୍କା ବୃଦ୍ଧି କରାଯାଇଛି । ମନ୍ତ୍ରୀ ତୋମାର ଦେଇଥିବା ସୂଚନା ଅନୁଯାୟୀ, କେନ୍ଦ୍ର ସରକାର ସୋୟାବିନ୍ରେ ଏମ୍ଏସ୍ପି ୩୧୧ ଟଙ୍କା ବୃଦ୍ଧି କରି ୩୩୯୯ ଟଙ୍କା କରିଛନ୍ତି, ଯାହାକି ପୂର୍ବରୁ ୩୭୧୦ ଟଙ୍କା ଥିଲା ।
