Anupambharat News Bureau
ଭୁବନେଶ୍ୱର, ୧ ।୧୦ (ଅନୁପମ ମିଡିଆ) : ଆସନ୍ତା ୨୪ ଘଣ୍ଟା ପର୍ଯ୍ୟନ୍ତ ସାରା ରାଜ୍ୟରେ ସ୍ୱଳ୍ପରୁ ମଧ୍ୟମ ଧରଣର ବର୍ଷା ହୋଇପାରେ ବୋଲି ଭୁବନେଶ୍ୱର ସ୍ଥିତ ଆଞ୍ଚଳିକ ପାଣିପାଗ କେନ୍ଦ୍ର ପକ୍ଷରୁ ମଙ୍ଗଳବାର ସତର୍କ ସୂଚନା ଜାରି କରାଯାଇଛି । ଏହାସହ ୩ ତାରିଖଠାରୁ କିଛି ଜିଲ୍ଲାରେ ପ୍ରବଳ ବର୍ଷା ହୋଇପାରେ । ଆଞ୍ଚଳିକ ପାଣିପାଗ କେନ୍ଦ୍ରର ଡୁ୍ୟଟି ଅଫିସର ଲକ୍ଷ୍ମୀଧର ମହାପାତ୍ର କହିଛନ୍ତି ଯେ ଆସନ୍ତା ୩ ତାରିଖରେ ଉତ୍ତର ଓଡ଼ିଶାର ଅଧିକାଂଶ ଜଗାରେ ବର୍ଷା ହେବ । ଏହାସହ ଦକ୍ଷିଣ ଓଡ଼ିଶାର ଅଳ୍ପ କିଛି ଜାଗାରେ ମଧ୍ୟ ବର୍ଷା ହେବା ସହିତ ୩ ତାରିଖଠାରୁ କିଛି ଜିଲ୍ଲାରେ ପ୍ରବଳ ବର୍ଷା ହେବା ନେଇ ସତର୍କ ସୂଚନା ମଧ୍ୟ ଜାରି ରଖିଛୁ । ଏହି ଜିଲ୍ଲା ଗୁଡ଼ିକ ହେଉଛି ନବରଙ୍ଗପୁର, ନୂଆପଡ଼ା, ବରଗଡ଼ ଓ ସୁନ୍ଦରଗଡ଼ । ଏଥିସହ କିଛି ଜିଲ୍ଲାରେ ଘଡ଼ଘଡ଼ି ସହ ସ୍ୱଳ୍ପରୁ ମଧ୍ୟମ ଧରଣର ବର୍ଷା ହେବ । ଏହି ଜିଲ୍ଲା ଗୁଡ଼ିକ ହେଉଛି ନବରଙ୍ଗପୁର, କଳାହାଣ୍ଡି, ବୌଦ୍ଧ, ସୋନପୁର, ବରଗଡ଼, ସମ୍ବଲପୁର,ଝାରସୁଗୁଡ଼ା, ଦେବଗଡ଼ , କେନ୍ଦୁଝର, ମୟୂରଭଞ୍ଜ, ପୁରୀ, ଜଗତସିଂହପୁର ଓ ଖୋର୍ଦ୍ଧା । ସେ ଆହୁରି କହିଛନ୍ତି ଯେ, ଗତ ୨୪ ଘଣ୍ଟା ମଧ୍ୟରେ
ରାୟଗଡ଼ାରେ ମୁନିଗଡ଼ାରେ ୪୯.୮, ଧର୍ମଗଡ଼ରେ ୪୩ ,ରାୟଗଡ଼ରେ ୩୨ , ବୌଦ୍ଧରେ ୧୯.୮ , ଟିଟିଲାଗଡ଼ରେ ୧୮.୬ ମିମି ବର୍ଷା ହୋଇଥିବାର ରେକର୍ଡ କରଯାଇଛି । ତେବେ ଚଳିତ ପାର୍ବଣ ଋତୁକୁ ବର୍ଷା ସେଭଳି କିଛି ଫିକା ପକାଇବ ନାହିଁ ବୋଲି ପୂର୍ବରୁ ପାଣିପାଗ ବିଭାଗ ସ୍ପଷ୍ଟ କରିଛି ।
