Anupambharat News Bureau
କହୋମ୍,୧୧ା୧୦ ଇଥିଓପିଆ ପ୍ରଧାନମନ୍ତ୍ରୀ ଅବି ଅହମ୍ମଦ ଅଲ୍ଳୀଙ୍କୁ ୨୦୧୯ର ଶାନ୍ତି ପାଇଁ ନୋବେଲ ପାଇବାକୁ ଯୋଗ୍ୟ ବିବେଚିତ ହୋଇଛନ୍ତିି । ଇରିଟ୍ରିୟା ସହ ଶାନ୍ତି ପ୍ରତିଷ୍ଠା ଲାଗି ତାଙ୍କର ଉଲ୍ଳେଖନୀୟ ଅବଦାନ ରହିଥିବାରୁ ଚଳିତ ବର୍ଷର ଶାନ୍ତି ପାଇଁ ତାଙ୍କୁ ନୋବେଲ ପୁରସ୍କାର ମିଳିଛି । ଇଥିଓପିଆ ଏବଂ ଇରିଟ୍ରିୟା ମଧ୍ୟରେ ଦୀର୍ଘ ବର୍ଷ ଧରି ଶତ୍ରୁତା ରହିଥିଲା । ଉଭୟ ଦେଶ ମଧ୍ୟରେ ୧୯୯୮ରୁ ୨୦୦ ପର୍ଯ୍ୟନ୍ତ ସୀମାକୁ ନେଇ ଯୁଦ୍ଧ ଲାଗି ରହିଥିଲା । ଗତ ଜୁଲାଇ ୨୦୧୮ରେ ସେମାନଙ୍କ ମଧ୍ୟରେ ସମ୍ପର୍କ ପୁର୍ନବାର ସ୍ଥାପିତ ହୋଇଥିଲା । ଶାନ୍ତି ପ୍ରତିଷ୍ଠା ଓ ଆନ୍ତଃରାଷ୍ଟ୍ରୀୟ ସହଯୋଗ ପାଇଁ ଅଲ୍ଲୀଙ୍କ ପ୍ରୟାସ ଏବଂ ମୁଖ୍ୟତଃ ପଡୋଶୀ ଇରିଟ୍ରିୟା ସହ ସୀମା ବିବାଦ ସମାଧାନ କ୍ଷେତ୍ରରେ ଅବି ଅହମ୍ମଦଙ୍କ ନିର୍ଣ୍ଣାୟତ୍ମକ ପଦକ୍ଷେପ ଲାଗି ତାଙ୍କୁ ଏହି ପୁରସ୍କାର ପ୍ରଦାନ କରାଯାଇଥିବା ନୋବେଲ କମିଟି ପକ୍ଷରୁ କୁହାଯାଇଛି । ଆସନ୍ତା
ଡିସେମ୍ବର ୧୦ ତାରିଖରେ ତାଙ୍କୁ ଏହି ପୁରସ୍କାର ପ୍ରଦାନ କରାଯିବ । ପ୍ରକାଶ ଥାଉକି କ୍ଷମତାକୁ ଆସିବା ପରେ ଅଲ୍ଳୀ ମହିଳାଙ୍କୁ ରାଜନୀତିରେ ପ୍ରବଶେ କରିବାକୁ ଉତ୍ସାହିତ କରିଥିଲେ । ପ୍ରଧାନମନ୍ତ୍ରୀ ହେବା ପରେ ସେ ପ୍ରଥମେ ସ୍ପଷ୍ଟ କରିଥିଲେ ଯେ, ଇରିଟ୍ରିୟା ସହ ଶାନ୍ତି ପ୍ରତିଷ୍ଠା ଦିଗରେ କାର୍ଯ୍ୟ କରିବେ ।
