Anupambharat News Bureau
ବାଲେଶ୍ୱର,୧୪ା୧୦ (ଅନୁପମ ମିଡିଆ): ବାଲେଶ୍ୱର ଜିଲ୍ଲା ୧୬ନଂ ଜାତୀୟ ରାଜପଥର ଖନ୍ତାପଡା ଥାନା ସେରଗଡଠାରେ ବେଆଇନ ଗୋରୁ ଚାଲାଣ ଘଟଣାରେ ଦୁଇ ଟୋଲଗେଟ୍ କର୍ମଚାରୀଙ୍କୁ ପୁଲିସ କୋର୍ଟ ଚାଲାଣ କରିଛି ।
ତେବେ ଗେଟ କର୍ମଚାରୀ କୋର୍ଟ ଚାଲାଣ ହେବାରୁ ସ୍ଥାନୀୟ ଅଧିବାସୀଙ୍କ ସନ୍ଦେହ ସତ୍ୟରେ ପରିଣତ ହୋଇଛି । ଶନିବାର ଭୋର ସମୟରେ ଦୁଇ ଗୋରୁ ବୋଝେଇ କଣ୍ଟେନରକୁ ସ୍ଥାନୀୟ ଯୁବକ ଅଟକାଇଥିଲେ । ସକାଳେ ଖବର ପ୍ରଚାରିତ ହେବା କ୍ଷଣି ସ୍ଥାନୀୟ ଅଞ୍ଚଳରେ ଉତ୍ତେଜନା ଦେଖାଯାଇଥିଲା । କଣ୍ଟେନରରେ ବନ୍ଧାଯାଇଥିବା ଗୋରୁଗୁଡିକୁ ସ୍ଥାନୀୟ ଲୋକେ ଖୋଲି ଦେଇଥିଲେ । କିଛି ସମୟ ପାଇଁ ରାଜପଥ ଉପରେ ଗାଡି ଚଳାଚଳ ବାଧାପ୍ରାପ୍ତ ହୋଇଥିଲା ।
ଖବର ପାଇ ଖନ୍ତାପଡା ଥାନା ଅଧିକାରୀ ବଲ୍ଲଭ ସାହୁ, ଏଏସଆଇ ଗୋରହରି ଦାସ, ସେରଗଡ ଫାଣ୍ଡି ଅଧିକାରୀ ପ୍ରକାଶ କୁମାର ଗୋସ୍ୱାମୀ ଘଟଣାସ୍ଥଳରେ ପହଞ୍ଚି ଉତ୍ତ୍ୟକ୍ତ ଲୋକଙ୍କୁ ବୁଝାସୁଝା କରିବା ସହ ରାସ୍ତାରେ ଗାଡି ଚଳାଚଳ ସ୍ୱାଭାବିକ କରିଥିଲେ । ଯୁବକଙ୍କ ଦ୍ୱାରା ଗୋରୁ ବୋଝେଇ କଣ୍ଟେନର ଅଟକାଇବା ସହ ଗାଡିକୁ ଏସ୍କଟ ଦେଉଥିବା ଏକ ବୋଲେରକୁ ମଧ୍ୟ ଅଟକାଇ ୮ ଜଣକୁ ଅଟକ ରଖି ପୁଲିସ ଜିମା ଦେଇଥିଲେ । ତେବେ ପୁରା ଗୋଚାଲାଣ ପ୍ରକ୍ରିୟାରେ ଚୋଲଗେଟ କର୍ମଚାରୀଙ୍କ ହାତ ରହିଥିବାର ସ୍ଥାନୀୟ ଯୁବକ ସିଧାସଳଖ ଅଭିଯୋଗ କରିଥିଲେ । ସମସ୍ତଙ୍କ ମିଳିତ ସହଯୋଗରେ ଡାକ ପାର୍ସଲ ଲେଖା ଥିବା କଣ୍ଟେନରରେ ଗୋରୁ ଚାଲାଣ ହେଉଥିଲେ । ତେବେ ବିଭିନ୍ନ ମହଲରରେ ଚାପ ପଡିବାରୁ ଗତକାଲି ଅଟକ ଥିବା ୮ ଚାଲାଣକାରୀଙ୍କ ସହ ଆଉ ଦୁଇ ଚୋଲଗେଟ କର୍ମଚାରୀ ଗୋ ଚାଲାଣରେ ଛନ୍ଦି ହୋଇ ୩୨୧/୧୯ନଂ ମାମଲାରେ କୋର୍ଚ ଚାଲାଣ ହୋଇଛନ୍ତି । ତେବେ ଦୁଇଟି କଣ୍ଟେନରରେ ୩ ଶହରୁ ଉଦ୍ଧ୍ୱ ଗୋରୁ ଥିବାର ଦେଖିବାକୁ ମିଳିଥିଲା ।
